Grill – og fjölskylduhátíð Samfylkingarinnar
Nú eru bara tveir dagar í kosningar. Merki þess að stutt er í kosningar verða greinilegri með hverjum deginum. Kosningabaráttan hefur verið stutt, snörp og málefnaleg og ber þess greinilega merki að sveitarfélaginu hefur verið vel stýrt á undanförnum árum.
Fimmtudaginn 27. maí kl. 19:00 ætlar Samfylkingin að bjóða bæjarbúum upp á grill – og fjölskylduhátíð við kosningamiðstöðina að Hafnarbraut 34. Boðið verður upp á dýrindis kjöt og meðlæti fyrir gesti og gangandi. Hoppukastali verður á staðnum fyrir yngstu kynslóðina. Gestur veislunnar verður Anna Margrét Guðjónsdóttir, þingmaður Samfylkingarinnar í Suðurkjördæmi.
Frambjóðendur Samfylkingarinnar hlakka til að hitta kjósendur og eiga með þeim notalega kvöldstund. Þetta er kjörið tækifæri fyrir kjósendur til að rabba við frambjóðendur um stefnumálin og önnur málefni sveitarfélagsins.
