Guðrún Ása skipar 2.sæti á lista Sjálfstæðisflokkisins.
Kynning
Ég fæddist á Reyðarfirði árið 1980, bjó þar fyrstu fimm árin, næstu tvö í Kópavogi svo árið 1988 lá leiðin til Hornafjarðar. Ég útskrifaðist frá Framhaldsskóla Austur-Skaftafellsýslu árið 2000 af málabraut.
Var í nemendaráði skólans í tvö ár og seinna árið var ég formaður nemendaráðsins. Eftir stúdent vann ég eitt ár í Hafnarskóla sem umsjónarkennari 6. bekkjar ásamt því að þjálfa knattspyrnu fyrir stelpur, leikjabolta fyrir börn og starfsmaður Þrykkjunar.
Árið 2001 þá lá leið mín í höfuðborgina í Kennaraháskóla Íslands og lauk ég því námi 2004 sem grunnskólakennari. Þar sem Hornafjörður togar alltaf í mann þá kom ég heim á sumrin til að vinna og vann m.a. sem verkstjóri í bæjarvinnunni árin 2003 og 2004.
Að námi loknu fór ég að vinna á leikskólanum Bakka sem deildastjóri á elstu deild og vann þar þangað til í nóv 2009 að undaskildu einu ári þar sem ég kenndi við Korpuskóla.
Ég hef verið að þjálfa stelpur hjá Fylki í knattspyrnu ásamt því hef ég verið að mennta mig í knattspyrnuþjálfun og er komin með UEFA-B réttindi.
Árið 2005 hóf ég sambúð með Óla Stefáni Flóventssyni og eigum við einn strák saman sem er fæddur í nóvember árið 2009. Óli á fyrir tvo syni. Helstu áhugamál mín eru fjölskyldan, íþróttir og útivera.
Þar sem ég hef stundað knattspyrnuiðkun frá því ég var 10 ára þá eru æskulýðs- og íþróttamál ofarlega í mínum huga ásamt mennta- og skólamálum. Þar sem ég tel mig vera kraftmikla, skipulagða og jákvæða þá ætla ég að leggja mitt af mörkum til að gera gott sveitarfélag betra.
Með kveðju
Guðrún Ása Jóhannsdóttir
