Í aðdraganda sveitarstjórnarkosninga
Senn líður að sveitarstjórnarkosningum og er undirbúningur hafinn á öllum vígstöðvum fyrir þær.
Við sem höfum ákveðið að bjóða okkur fram undir merki Framsóknar í Sveitarfélaginu Hornafirði erum tilbúin að vinna með ykkur íbúunum, hvort sem er í þéttbýli eða dreifbýli, að áframhaldandi uppbyggingu og framförum, ásamt því að standa vörð um þau lífsgæði sem við búum við í dag.
Framsóknarmenn hafa á yfirstandandi kjörtímabili verið í meirihlutasamstarfi með fulltrúum Samfylkingar og hefur það gengið vel að okkar mati. Við leggjum verk okkar óhrædd í heldur kjósenda og stefna okkar í komandi kosningum er að vera áfram leiðandi afl og vera áfram stærsta framboðið í sveitarfélaginu með þrjá bæjarfulltrúa.
Kosningaskrifstofa Framsóknar verður eins og undanfarið í elsta íbúðarhúsinu á Höfn, Kaupfélagshúsinu og verður opnuartími auglýstur síðar.
