Ljósmyndasýningin ,,Óþrotlegur auður" opnar í Þórbergssetri

Laugardaginn 16. júní kl. 14:00 verður ljósmyndasýningin ,,Óþrotlegur auður“ opnuð í Þórbergssetri. Markmiðið með sýningunni er að tengja bókmenntatexta úr verkum Þórbergs Þórðarsonar rithöfundar við ljósmyndir og standa þannig fyrir kynningu á stórbrotnu landslagi Skaftafellssýslna með nýstárlegri framsetningu.
Sýningunni er ætlað að auka þekkingu ferðamanna á fjölbreytilegri náttúru í Skaftafellssýslum, en um leið að kalla fram hughrif, upplifun og áhuga á að heimsækja aftur og aftur þetta einstaka landsvæði til að njóta náttúrunnar―bæði að sumri til og vetri.

Nánari upplýsingar um sýninguna er að finna á www.thorbergur.is