Víkingahljómsveitin Krauka

Hinn 16. júní kl. 20:00 verður mjög gamaldags uppákoma í Skaftafelli, þegar víkingahljómsveitin Krauka heimsækir Skaftafell. Meðlimir hljómsveitarinnar spila af fingrum fram á hljóðfæri sem eru smíðuð eftir hljóðfærum frá víkingatímanum í bland við nútímalegri hljóðfæri. Það er upplagt að tengja víkingatónleikana við skoðun Söguslóðar á suðausturlandi sem opnar formlega helgina 6. -7. júní, og njóta þeirrar fræðslu sem þar er í boði. Hljómsveitin Krauka heldur einnig tónleika í Geitafelli í Nesjum í lok 17. júní dagskrár þar.