Sumardagurinn fyrsti

Á Sumardaginn fyrsta ætlar Sindri ásamt stuðningsaðilum að standa fyrir dagskrá við Sindrabæ, sem hefst kl. 13.00 með skemmtiskokki út í Ósland með kjörorðinu “allir með á sínum hraða!”. Boðið er upp á tvær leiðir, aðra með fjörunni og hring um Óslandstjörnina sem er um 3 km og hin sem farið er eftir Óslandsveginum og snúið við út á Gónhól.

Engin verðlaun verða í boði, en Vífillfell býður þeim sem taka þátt Bergtopp í nesti.

Svo um kl. 14.00 - 16.30 verða uppblásin leiktæki á planinu við Sindrabæ ásamt einhverjum óvæntum glaðningi frá Landsbanka Íslands og TM.

Þá verður frítt í sund fyrir alla þennan dag í boði Æskulýðs- og tómstundarráðs Hornafjarðar.

Dagskráin er í boði UMF. Sindra, TM, Landsbanka Íslands, Vífilfells, Hopp.is og Æskulýðs- og tómstundarráðs Hornafjarðar. 
Gleðilegt Sumar!