Málþing um atvinnumál

Þann 12. nóvember n.k. stendur frumkvöðlasetur Austurlands og atvinnumálanefnd Hornafjarðar að málþingi um atvinnumál. Tilgangur málþingsins er að kynna klasa hugmyndina og aðferðafræði til að þróa klasa í atvinnulífinu. Markmið málþingsins er að fá svar við þeirri spurningu hvort klasa hugmyndin geti orðið drifkraftur að atvinnuþróun á landsbyggðinni. Í stuttu máli byggir klasi á sérhæfingu og samstarfi fyrirtækja og stofnana sem leggja saman krafta sína í tiltekið verkefni, fyrirtæki eða þjónustu.