Eldsmiðurinn 100 ára

Í dag hefði Sigurður Filipusson "Eldsmiðurinn" orðið 100 ára og af því tilefni verður mynd Friðriks Þórs Friðrikssonar Eldsmiðurinn, sem gerði Sigurð ódauðlegan sýnd í Nýheimum kl.14, 15 og 16. Myndin var framleidd 1981 og er 18 mín. að lengd. Herbergjaskipan litla hússins á Hólabrekku er búið að endursmíða í kjallara Byggðasafnsins og ber þar að sjá innanstokksmuni Sigurðar og mikið verkfærasafn en meðal þeirra eru verkfæri sem Sigurður smíðaði sjálfur. Byggðarsafnið verður opið í dag frá kl. 14-18.