Gerð umhverfisáætlunar

þriðji hluti

Framkvæmdaáætlun

 

Staðardagskrárnefnd Maí 2000

 

1. HOLRÆSI, FRÁVEITUMÁL

Stefna: Fráveitumál í sveitarfélaginu Hornafirði verði með þeim hætti sem best gerist og uppfylli allar kröfur í lögum og reglugerðum.

Markmið 1.1.

Áætlun um aðgerðir til úrbóta í þéttbýli og dreifbýli verði lokið árið 2001 og undirbúningur hefjist sem allra fyrst og framkvæmdum ljúki eigi síðar en árið 2006.

Leið 1.1.1.

Í þéttbýli verði hafist handa með forathugun í samvinnu við þrjár verkfræðistofur og í framhaldi af því verði besta lausnin fundin með straumlíkani. Síðan verði samið við verkfræðistofu um gerð áætlunar um úrbætur og við sömu stofu eða aðra(r) um framkvæmd verksins.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: Um 200.000 kr. í forathugun og 220.000.000 í framkvæmdir.

Tímasetning: Forathugun ljúki fyrir lok árs 2001, áætlanagerð fyrir lok árs 2002 og úrbótum í lok árs 2006.

 

Leið 1.1.2.

Í dreifbýli verði byrjað á að kanna áhuga íbúa á því að sveitarfélagið sjái um hluta fráveitumála eða þau í heild sinni. Ákvörðun um aðkomu sveitarfélagsins verði tekin í því framhaldi af því og gerð áætlun um úrbætur. Samið verði við verkfræðistofur um einstök verk eða verkið í heild sinni.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 1.5-10.000.000. Auknar tekjur munu koma á móti.

Tímasetning: Ákvörðun um aðkomu sveitarfélagsins verði tekin árið 2001, og áætlanagerð verði lokið fyrir lok árs 2002 og úrbótum í lok árs 2006.

 

2. ÚRGANGUR FRÁ HEIMILUM OG FYRIRTÆKJUM

 

Stefna: Sorpmál í sveitarfélaginu Hornafirði verði skipulögð með lágmörkun úrgangs, endurnýtingu og endurvinnslu að leiðarljósi m.t.t. stöðu þessara mála á landsvísu. Sveitarfélagið leiti nýrra svæðisbundinna leiða til endurvinnslu sorps þar sem þess er kostur.

 

Markmið 2.1.

Í samvinnu við íbúa og atvinnufyrirtæki verði unnið að því að draga úr magni sorps til förgunar um a.m.k. 20% árið 2003 miðað við árið 2000.

Leið 2.1.1.

Lámörkun úrgangs:

Árlegt fræðsluverkefni sem beinist til allra íbúa sveitarfélagsins og beinist að því að ekki verði til eins mikill úrgangur.

Útgáfa bæklings með upplýsingum um hvernig unnt sé að draga úr úrgangi, endurnýta og endurvinna.

Stofnanir sveitarfélagsins verði í fararbroddi með markvissum takmörkunum á pappírsnotkun, t.d. með endurnotkun pappírs og pappírslausum samskiptum og viðskiptum.Íbúar verði hvattir til þess að skrá sig á lista hjá Hagstofu Íslands um þá sem ekki vilja fá ómerktan póst.

Íbúar verði hvattir til að skila óþarfa umbúðum til þeirra sem þær selja, svo sem verslana og veitingastaða.

Íbúar hvattir til þess að nýta sér fyrst og fremst umhverfisvænar vörur.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: Útgáfa og dreifing bæklings 50.000 kr á ári. Samningur við SkjáVarp og Eystrahorn um birtingu upplýsinga 50.000 kr. á ári.

Tímasetning: Fyrsta átakið til lámörkunar úrgangs verði vorið 2001. Snemma vors hefjist fræðsluherferð í SkjáVarpi og Eystrahorni. Í júní verði prentaður kynningarbæklingur og honum dreift honum á hvert heimili sveitarfélagsins.

 

Leið 2.1.2.

Endurnýting:

Skiptimarkaður fyrir notaðan fatnað o.fl. verði opnaður. Samvinna verði við áhugafélög um skiptimarkað þar sem ágóði fari til sameiginlegra hagsmuna sem flestra íbúa.  Það sem ekki nýtist heima í héraði fari til nýtingar annars staðar t.d. í gegn um fatasöfnun Rauða krossins.

Frostfrír gámur verði settur upp á gámastöð fyrir ra­f­magnstæki og önnur heimilistæki. Þau verði seld á lágu verði, e.t.v. á uppboði.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: Stofnkostnaður 250.000 kr.. Árlegur kostnaður við umsýslu 100.000 kr.

Tímasetning: Skiptimarkaður verði opnaður sumarið 2001. Í júní 2001 verði kominn frostfrír gámur á gámastöð og búið að gera áætlun um sölu á þeim munum sem þar safnast.

 

Leið 2.1.3

Endurvinnsla:

Kör fyrir fernur, pappír, pappa verði settir upp á fjölförnum stöðum. Þetta verði kurlað til endurnýtingar.

Móttaka á timbri til kurlunar er þegar fyrir hendi í gámaporti. Kurl er notað í göngustíga o.fl.

Móttaka á  málmi og  plastefnum er í gámaporti. Lausn verði fundin á endurnýtingu þessara efna og/eða förgun.

Heimajarðgerð verði aukin með vitundar­vakningu og niður­greiðslu jarðgerðaríláta. Gámur til sameigin­legrar jarð­gerðar verði settur upp í gámaporti. Haldin verði árleg námskeið þar sem fólki verði kennt að búa sér til sinn eigin jarðveg.

Allir möguleikar á endurnýtingu á rúllu­plasti frá bændum verði kannaðir og ekki látið staðar numið fyrr en einhver raunhæfur slíkur möguleiki er fyrir hendi.

Olís safnar kertaafgöngum sem sendir eru til endurvinnslu á Sólheimum í Grímsnesi. Íbúar verði hvattir til þess að skila kertaafgöngum sínum þangað.

Móttaka drykkjarumbúða með skilagjaldi er hjá flutningadeild KASK á Höfn. Þá safnar Sindri slíkum umbúðum reglulega á Höfn. Á tjaldstæðum eru víða gámar undir þessar umbúðir þar sem skilagjaldið rennur til björgunarsveita. Íbúar verði hvattir til þess að notfæra sér þessar leiðir.

Keri undir grjót, glerílát og postulín verði komið upp í gámaporti og þau notuð í uppfyllingar.

Unnið verði að því að finna leið til þess að endurvinna sláturúrgang og úrgang frá fiskvinnslu án þess að það skapi heilsu manna og dýra hættu.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: Kör undir pappír o.fl. eru þegar til. Kostnaður við uppsetningu og tæmingu 250.000  kr á ári, niðurgreiðsla á gámum til heimila 100.000 kr. á ári.

Tímasetning: Gámum verði komið upp í júní 2001 og þá verði búið að semja við viðeigandi aðila um endurnýtingu.

 

Leið 2.1.4.

Meðhöndlun:

Bensínstöðvar taka þegar á móti mengandi rafhlöðum. Hvetja skal aðrar verslanir sem selja rafhlöður til að gera slíkt hið sama. Almenningur verði hvattur til að skila rafhlöðum til verslana og fræddur um þá mengun sem urðaðar rafhlöður valda.

Öðrum spilliefnum má skila á gámaport þaðan sem þeim  er komið til viðeigandi förgunar. Almenningur og fyrirtæki verði frædd um þetta og hvött til þess að skila inn spilliefnum.

Apótekið tekur á móti afgöngum af lyfjum til förgunar. Almenningur verði hvattur til  þess að skila þeim inn.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 100.000 á ári til útgáfumála.

Tímasetning: Átakið er hafið en skil þurfa að aukast verulega, sérstaklega frá heimilum.

 

Leið 2.1.5.

Brennsla með orkunýtingu:

Eigi sjaldnar en á 4 ára fresti verði könnuð hagkvæmni þess að koma upp fleiri brennsluofnum er brenni sorpi við hátt hitastig og nýti orkuna. Fylgst verði vel með nýjungum á þessu svið.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 350.000 í hvert sinn.

Tímasetning: Hagkvæmni slíkra ofna var könnuð veturinn 2000-2001 og reyndist ekki góð. Verð á þeim hefur þó lækkað mjög á síðustu árum og gæti staðan því átt eftir að breytast innan fárra ára.

 

Leið 2.1.6.

Urðun:

Sífellt þarf að athuga með betri nýtingu urðunar­svæðis þannig að svæðið endist til ársins 2030 eins og upphaflega var áætlað. Öll minnkun á sorpi lengir líftímann.

Fyrir árið 2030 þarf að hefja undirbúning undir nýtt urðunarsvæði þegar núverandi pláss þrýtur. Kanna þarf gaumgæfilega allar aðstæður og hvernig halda má mengun í lámarki.

Hugað verði að nýjum lausnum á hverju kjörtímabili bæjarstjórnar.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 7 milljónir kr. á ári.

Tímasetning: Sífellt þarf að huga að betri nýtingu urðunarsvæðisins og jafnframt að leita nýrra möguleika. Gera má ráð fyrir að nýtt urðunarsvæði þurfi að vera til reiðu árið 2030.

 

3. NÁTTÚRUMENGUN

Stefna: Sveitarfélagið Hornafjörður státi af hreinum og ómenguðum náttúrperlum og umhverfi; „Hreinn Hornafjörður ? fagur Hornafjörður”.

 

Markmið 3.1.

Að ná á næstu þremur árum sýnilegum og mælanlegum árangri við að draga úr mengun í lofti, á láði og í legi.

Leið 3.1.1.

Mengunarmælingar:

Mengun verði mæld árið 2001 og síðan fylgst árlega með þeim breytingum sem á henni verða.

Loftmengun verði mæld á þann hátt að árlega verði taldir þeir bílar sem aka um ákveðna staði í bæjarfélaginu og mengun frá þeim áætluð.

Einnig verði bensínsölustaðir á Hornafirði beðnir að gefa bæjarfélaginu upplýsingar um söluna í lok hvers árs. Þannig verði fylgst með því hvort salan eykst eða minnar

Á láði verði farið yfir alla gamla urðunarstaði og metið hvort hætta er talin á mengun út frá þeim. A.m.k. einn staður verði tekinn fyrir árlega.

Í legi verði frárennslismengun heimila og iðnaðar mæld einu sinni til tvisvar á ári. Gerlafjöldi verði talinn og skynmat notað til þess að meta hugsanlega olíumengun.

 

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 100.00 á ári.

Tímasetning: Fundinn verði einn dagur á ári og mengun mæld á sömu stöðum og sömu tímum þann dag, í fyrsta sinn árið 2001. Haft verði samráð við viðeigandi stofnanir um aðferðir og viðmið.

Leið 3.1.2.

Minnkandi mengun:

Með minnkandi bílaumferð og minni eldsneytisnotkun verður loftmengun minni.

Sveitarfélagið gangi á undan með góðu fordæmi í því að minnka akstur með fjölgun fjarfunda á kostnað funda sem útheimta ferðalög.

Mengun í sjó frá heimilum mun minnka með betri frárennslisbúnaði. Fyrirtæki og heimili verði hvött til minni notkunar á hreinsiefnum og notkunar á náttúruvænum efnum. Einnig þarf að tryggja að ekki berist olíumengun í sjó með því að skylda fyrirtæki sem vinna með olíur til þess að koma fyrir olíuskiljum í frárennsli eða loka því ella og nota sag eða önnur efni sem að drekka í sig olíur. Saginu verði síðan komið til viðeigandi förgunar í spilliefnamóttöku. Virkt eftirlit verði með skrám á móttöku spilliefna í sorpsamlagi.

Lögð verði áhersla á vistvænar aðferðir við ræktun í sveitarfélaginu. Haldin verði námskeið um ræktun án eiturefna og tilbúins áburðar og bændur jafnt sem almenningur hvattur til þess að nota þessa aðferð.

Kannað verði hvort ástæða sé til þess að hreinsa eldri sorphauga með það í huga að árlega verði hreinsað land­svæði undan a.m.k einum gömlum sorphaug og skaðlegum efnum komið til viðeigandi förgunar.

Aðkoma áhugahópa er grundvallaratriði í þessari vinnu sem og fræðsla og áróður.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 100.000 á ári vegna sorphauganna.

Tímasetning: Að loknum mælingum árið 2001 verði unnið að því að minnka mengun markvisst. Hreinsun sorphauga verði lokið eigi síðar en 2006.

 

Markmið 3.2.

Samkeppni verði haldin um slagorð fyrir hreint sveitarfélag.

 

Leið 3.2.1.

Með samkeppni um slagorð fyrir hreint sveitarfélag má auka vitund almennings um mikilvægi þess að ganga vel um.

Aðkoma áhugahópa er grundvallaratriði í þessari vinnu sem og fræðsla og áróður.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 50.000 kr.

Tímasetning: Samkeppni verið haldin árið 2001. Verðlaun verði veitt og slagorðið síðan notað á öllu kynningarefni sveitarfélagsins.

Markmið 3.3.

Árlegur hreinsunardagur um allt sveitarfélagið með þátttöku áhuga­hópa og skóla.

Leið 3.3.1.

Öll áhugafélög í sveitarfélaginu sem og skólar, fyrirtæki og stofnanir verði virkjuð í þessu sambandi. Árlegur ruslahreinsunardagur Hafnarskóla, fimleikadeildar Sindra og annarra áhugahópa verði á þessum degi. Áhersla verði lögð á að hver byrji næst sjálfum sér og fyllist metnaði yfir því að hans eða hennar hverfi sé hreint og fínt. Jafnframt standi bæjarfélagið fyrir átaki við að hreinsa opin svæði og safni saman þeim úrgangi sem skilinn er eftir við gangstéttarbrún. Næsta dag verði síðan allar götur sópaðar. Bæjarfélagið fái hugsanlega áhugafélög til þess að taka að sér umsjón einstakra svæða gegn gjaldi sem renni til líknarmála. Átakið verði vel auglýst og hugsan­legur gleð­skapur í kring um það. Jafnframt hvetji áhugahópar, kennarar, foreldrafélög og aðrir alla til þess að hætta að henda rusli á víðavangi og að ganga vel um lóðir sínar, jarðir og opin svæði.

Ábyrgur: Umhverfisstjóri, umhverfisnefnd, upplýsinga- og kynningarfulltrúi Hornafjarðar.

Kostnaður: 500.000 kr. á ári.

Tímasetning: Haft verði samband við áhugahópa og aðra sem að málinu koma snemma vors 2001 þannig að fyrsti hreinsunardagurinn verði í maí 2001.

 

4. GÆÐI NEYSLUVATNS

Stefna: Íbúar og atvinnustarfsemi í sveitarfélaginu Hornafirði eigi ævinlega aðgang að hreinu og ómenguðu vatni.

 

Markmið 4.1.

Skilgreiningu á vatnsverndarsvæðum er lokið. Innra eftirliti vatnsveitu Hafnar verði komið á árið 2001. Vatnsgæði í sveitum uppfylli kröfur laga og reglugerða í síðasta lagi árið 2002.

 

Leið 4.1.1.

Í dreifbýli skal rætt við landeigendur um aðkomu sveitarfélagsins að hluta eða öllum þeim aðgerðum sem nauðsynlegar eru í upphafi árs 2001 og skal ákvörðun liggja fyrir á árinu. Undirbúningur fari fram árið 2002 og framkvæmdum verði síðan lokið í september 2002. Sveitarfélagið stundi virkt aðhald um þann hluta verkefnisins sem landeigendur sjá um sjálfir.

Ábyrgur: Framkvæmdastjóri tækni- og umhverfissviðs, umhverfisnefnd

Kostnaður: Stofnkostnaður 1.500.000

Tímasetning: 2001-2002.

 

 

5. HÁVAÐI OG LOFTMENGUN

Stefna: Sveitarfélagið Hornafjörður leggi áherslu á verndun loftgæða og lágmörkun hljóðmengunar.

 

Markmið 5.1.

Lögð verði áhersla á vistvænni samgöngur og bætt aðstaða til þeirra.

Leið 5.1.1.

Árlegt fræðsluátak verði í fjölmiðlum sveitar­félagsins um mikilvægi vistvænna samgangna. Áhugahópur standi fyrir óformlegum áróðri og vitundarvakningu. Fólk verði hvatt til þess að ganga og hjóla.

Ábyrgur: Framkvæmdastjóri tækni- og umhverfissviðs, samgöngunefnd.

Kostnaður: 50.000 kr á ári.

Tímasetning: Fyrsta átakið verði haldið sumarið 2001.

Leið 5.1.2.

Unnið verði markvisst gegn því að bílar séu skildir eftir í lausagangi. Sett verði upp skilti sem benda mönnum á að slíkt mengi og fræðsla og áróður hafður í frammi við öll tækifæri. Ökumenn atvinnutækja verði hvattir sérstaklega til þess að skilja þau ekki eftir í gangi.

Ábyrgur: Framkvæmdastjóri tækni- og umhverfissviðs, samgöngunefnd.

Kostnaður: 50.000 kr á ári.

Tímasetning: 2001-2010.

 

Leið 5.1.3.

Árlega verði haldinn bílalaus dagur um allt sveitarfélagið og fólk þá hvatt til þess að ganga eða hjóla á milli staða.

Ábyrgur: Framkvæmdastjóri tækni- og umhverfissviðs, samgöngunefnd

Kostnaður: 50.000 kr á ári.

Tímasetning: Fyrsta átakið verði haldið sumarið 2001.

 

 

Leið 5.1.4.

Virk samvinna við íbúa um málið. Áhugahópar móti þær aðgerðir sem ráðast á í og aðstoði við fræðsluherferðir.

Ábyrgur: Framkvæmdastjóri tækni- og umhverfissviðs, samgöngunefnd

Kostnaður: 50.000 kr.

Tímasetning: Fyrsta átakið verði haldið sumarið 2001.

 

Leið 5.1.5

Kannað verður reglulega hvort möguleiki sé á vistvænum orkugjöfum fyrir almenningsfarartæki.

Ábyrgur: Framkvæmdastjóri tækni- og umhverfissviðs, samgöngunefnd

Kostnaður: 50.000 kr.

Tímasetning: Í fyrsta sinn árið 2001.

Markmið 5.2.

Með virkri þátttöku íbúa takist á einu ári að draga sýnilega úr hádegisumferð bíla á virkum dögum.

 

Leið 5.2.1.

Vinnustaðir verði hvattir til þess að bjóða upp á léttan hádegisverð og/eða aðstöðu til þess að borða nesti. Þeir sem fara heim í mat verði hvattir til þess að ganga eða hjóla. Foreldrar barna á öllum skólastigum verði hvattir til þess að leyfa börnum sínum að ganga í og úr skóla í stað þess að aka þeim. 

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 50.000 kr.

Tímasetning: Hádegisumferð hafi minnkað sýnilega árið 2003.

 

6. MENNINGARMINJAR OG NÁTTÚRUVERND

Stefna: Sveitarfélagið Hornafjörður lítur á þær einstöku náttúruperlur sem er að finna innan sveitarfélagsins sem auðlind og vill leggja áherslu á viðhald líffræðilegrar fjölbreytni. Lögð er áhersla á virðingu fyrir sögu og menningarminjum í sveitar­félaginu. Aðgengi að merktum stöðum hafi að leiðarljósi að „njóta lands en níða ei”.

 

Markmið 6.1.

Aflað verði aukinna upplýsinga um náttúrfar í sveitarfélaginu og í framhaldi af því gerð áætlun um verndun lífríkis.

Leið 6.1.1.

Sótt verði um styrk til Nýsköpunarsjóðs námsmanna og fenginn háskólanemi til þess að skrá niður upplýsingar um gróðurfar, dýralíf og annað sem máli kann að skipta.

Ábyrgur: Forstöðumaður Menningarmiðstöðvar Hornafjarðar.

Kostnaður: 50-100.000 á ári í 5 ár.

Tímasetning:  2002-2007.

Markmið 6.2.

Gerð verði áætlun um að gera sögu sveitarfélagsins sýnilegri.

 

Leið 6.2.1.

Þegar er hafið átak í merkingu merkra staða í sveitarfélaginu sem og átak í lagningu göngustíga sem gera aðgengi að þessum stöðum betra. Þessu skal haldið áfram og áfram lögð áhersla á samvinnu við landeigendur.

Ábyrgur: Forstöðumaður Menningarmiðstöðvar Hornafjarðar

Kostnaður: 100.000-200.000 á ári í 5 ár.

Tímasetning:  2001-2006

 

Markmið 6.3

Gömul hús sem hvorki eru í notkun né hafa menningarlegt eða sögulegt gildi verði fjarlægð.

Leið 6.3.1.

Lögð verði frumáhersla á að fjarlæga hús sem talin eru geta valdið hættu eða skaða. Góð samvinna skal höfð við eigendur þeirra.

Ábyrgur: Forstöðumaður Menningarmiðstöðvar Hornafjarðar

Kostnaður: Óviss.

Tímasetning:  2004-2006

 

7. UMHVERFISFRÆÐSLA Í SKÓLUM

 

Stefna: Umhverfisfræðsla fái viðurkenndan sess í skólastarfi á öllum skólastigum í sveitarfélaginu.

Markmið 7.1.

Mótuð verði stefna í umhverfisfræðslu á öllum skólastigum fyrir skólaárið 2001-2002.

Leið 7.1.1.

Töluverð umhverfisfræðsla er þegar í leik-, grunnskólum og framhaldsskóla. Kennsla verði aukin verulega og hefjist eftir nýrri námskrá haustið 2001. Hver skóli beri ábyrgð á sínu nánasta umhverfi og haldi því hreinu og fögru. Börn og unglingar verði hvött til gróðursetninga og farið með þau í skoðunarferðir út í náttúruna. Í skólagörðum verði kennd ræktun án eiturefna þar sem allur úrgangur er endurnýttur.  Skólarnir taki virkan þátt í árlegum umhverfisdegi.

Ábyrgir: Skólastjórar allra skóla.

Kostnaður: Enginn aukakostnaður.

Tímasetning: Stefna liggi fyrir sumarið 2001 og námskrá fyrir skólaárið 2001-2002 verði í samræmi við hana. Hún verði endurskoðuð reglulega, eigi sjaldnar en á þriggja ára fresti.

 

Leið 7.1.2.

Hver skóli setji sér umhverfisstefnu sem felist meðal annars í pappírssparnaði, minni orkunotkun og fegurra umhverfi.

Ábyrgir: Skólastjórar allra skóla.

Kostnaður: Enginn aukakostnaður, þvert á móti sparnaður í pappír og orku.

Tímasetning: Stefna liggi fyrir skólaárið 2001-2001 og  komist þegar í framkvæmd.

 

 

8. ORKUNOTKUN

Stefna: Allir íbúar sveitarfélagsins hafi aðgang að tryggu og nægjanlegu rafmagni. Áhersla verði lögð á sjálfbæra orkuframleiðslu og góða nýtingu orku.

Markmið 8.1.

Að bætt verði úr vanda í rafmagnsmálum í sveitum.

Leið 8.1.1.

Úrbætur í rafmagnsmálum í sveitum byggjast á aðkomu Rarik. Sveitarfélagið þrýsti áfram á þær.

Ábyrgir: Framkvæmdastjóri tækni- og umhverfissviðs, umhverfisnefnd.

Kostnaður: 200.000.000-300.000.000 kr. sem greiddur verður af Rarik.

Tímasetning: Rætt verði við forráðamenn Rarik eigi sjaldnar en árlega og þeir beittir þrýstingi þar til mál leysast.

Markmið 8.2.

Hvatt verði til uppsetningar heimarafstöðva og mismunandi möguleikar til orkuöflunar metnir m.t.t. umhverfisþátta og kostnaðar.

 

Leið 8.2.1.

Fengnir verði fyrirlesarar með góða yfirsýn yfir ýmsa möguleika a.m.k. einu sinni á ári. Þeir sem áhuga hafa á málinu hafi forgöngu um val á fyrirlesurum.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: 50.000 á ári í ferðakostnað fyrirlesara.

Tímasetning: Bændur verði hvattir reglulega til að koma upp heimarafstöðvum, eigi sjaldnar en á þriggja ára fresti, í fyrsta sinn árið 2001. Meta skal möguleika til orkuöflunar út frá kostnaði og umhverfisþáttum eigi sjaldnar en á fimm ára fresti, í fyrsta sinn árið 2001.

Leið 8.2.2.

Sífellt verði leitað nýrra leiða við nýtingu á vistvænni orku. Þar má nefna virkjun sjávar­falla, sólar, vinds og jarðhita.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: 50.000 á ári.

Tímasetning: Hefjist þegar í stað og haldi sífellt áfram.

 

9. MEINDÝRAEYÐING

Stefna: Stefnt er að því að halda aftur af fjölgun meindýra í sveitarfélaginu.

Markmið 9.1.

Frá og með árinu 2001 verði tekin upp reglubundin skráning vegna verkefna meindýraeyðis og fylgst með þróun þessara mála.

Leið 9.1.1.

Unnið verði skipulega að fækkun þeirra dýra sem skilgreind eru sem meindýr í reglugerðum.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: Enginn viðbótarkostnaður.

Tímasetning: Þegar er í gangi regluleg skráning meindýraeyðis sem fylgist eftir mætti með þróun þessara mála og hefur yfirumsjón með eyðingu meindýra.

Leið 9.1.2.

Fráveitu og sorpmálum fyrirtækja og heimila verði þannig komið fyrir að meindýr komist ekki í æti.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: Enginn aukakostnaður fyrir sveitarfélagið.

Tímasetning:  Hefjist árið 2001.

 

 

10. SKIPULAGSMÁL OG SAMGÖNGUR

Stefna: Skipulag fyrir Sveitarfélagið Hornafjörð taki mið af hugmyndafræðinni um sjálfbæra þróun.

Markmið 10.1.

Við skipulag nýrra svæða verði lögð áhersla á að hafa samráð við íbúa frá fyrstu stigum. Stuðlað verði að aukinni notkun vistvænna ferðamáta, s.s. umferð gangandi og hjólandi fólks þannig að við árslok 2002 hafi orðið þar sýnileg aukning.

Leið 10.1.1.

Við gerð aðalskipulags 1998-2018 var lögð mikil áhersla á samvinnu við íbúa og hefur skipulags- og byggingarnefnd þegar verið falið að halda slíkri samvinnu áfram við frekari skipulagningu einstakra svæða. Aðstaða fyrir umferð gangandi og hjólandi verði  eins og  best verður á kosið í öllum nýjum hverfum.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: Enginn aukakostnaður.

Tímasetning: Er hafið.

Markmið 10.2.

Lagðir verði fleiri göngu- reið- og hjólastígar.

 

Leið 10.2.1.

Árlega verði lagðir  500m af göngustígum í þéttbýli. Á fimm ára fresti verði lagður 1 km af reiðstígum með göngu- og hjólastígum samhliða í dreifbýli.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: 1 milljón á ári í göngustíga í þéttbýli og 1 milljón í göngu- reið- og hjólastíga í dreifbýli.

Tímasetning: Á hverju vori.

 

11. UPPLÝSINGATÆKNI

Stefna: Sveitarfélagið Hornafjörður vill vera í fremstu röð íslenskra sveitarfélaga á sviði upplýsingamála og hátækni og leggur áherslu á mikilvægi upplýsingatækni vegna samskipta við íbúa og aukið lýðræði.

Markmið 11.1.

Vefur Sveitarfélagsins Hornafjarðar verði í stöðugri endurnýjun og uppfærslu. Bætt verði inn frekari upplýsingum um starfsemi sveitarfélagsins fyrir árslok 2001. Stuttur úrdráttur verði á ensku.

Markmið 11.2.

Bætt verði inn á vefinn upplýsingum um alla þá þjónustu sem hægt er að fá í sveitarfélaginu.

Leið 11.2.1.

Fenginn verði aðgangur að þjónustuskrá Markaðsráðs Suðausturlands og samið við það um reglulega uppfærslu upplýsinga.

 

Ábyrgir: Upplýsingar og kynningarfulltrúi, framkvæmdastjóri Stjórnsýslusviðs.

Kostnaður: 700.000 kr árlega.

Tímasetning: Í gangi er átak sem miðar að því að gera upplýsingavef sveitarfélagsins með þeim nútíma­legri sem finnast. Skal því vera lokið eigi síðar en í ágúst 2001. Jafnframt skal þá liggja fyrir áætlun um viðhald vefsins.

 

12. ATVINNULÍFIÐ ? MATVÆLAFRAMLEIÐSLA OG FERÐAÞJÓNUSTA

Stefna: Sveitarfélagið Hornafjörður vill byggja upp atvinnustarfsemi í anda sjálfbærrar þróunar þannig að atvinnulífið starfi í sátt við umhverfið og gangi ekki á höfuðstól náttúrunnar.

 

Markmið 12.1.

Fyrirtæki verði hvött til að koma á fót umbótaverkefnum í anda hreinnar framleiðslutækni. Fyrir árið 2002 hafi a.m.k. 4 fyrirtæki lokið því verkefni. Hvatningarverðlaun verði veitt árlega til þess fyrirtækis sem stendur sig best og verðlaunin auglýst vel.

 

Leið 12.1.1.

Haft verði samband við forráðamenn allra fyrirtækja í sveitarfélaginu og þeir spurðir um sínar áætlanir í þessu sambandi. Séu þær engar verði athygli þeirra beint að málinu og boðið upp á aðstoð. Fyrirlesarar verði fengnir til þess að kynna málið á opnum fundum.

Ábyrgir: Framkvæmdastjóri Tækni- og umhverfissviðs, umhverfisnefnd.

Kostnaður: 50.000 á ári í ferðakostnað fyrirlesara og aðra aðstoð.

Tímasetning: Að minnsta kosti fjögur fyrirtæki skulu hafa ráðist í verkefni í anda hreinnar framleiðslutækni eigi síðar en í lok árs 2001.

 

13. HEILSA OG FJÖLSKYLDA

 

Stefna: Sveitarfélagið Hornafjörður vill vera meðal fjölskylduvænstu sveitarfélaga landsins og leggja áherslu á heilsueflingu, forvarnir og útivist.

 

Markmið 13.1.

Að komið verði á fót eins árs tilraunaverkefni um sveigjanlegan vinnutíma hjá stofnunum bæjarins á árinu 2001 og mótun fjölskyldustefnu metin í ljósi reynslunnar af því  verkefni.

 

Leið 13.1.1.

Forstöðumenn allra sviða og stofnana kanni hug starfsmanna sinna gagnvart sveigjanlegum vinnutíma, hugsanlega með styttri vinnutíma að leiðarljósi. Allt sem mögulegt er verði gert til þess að mæta þessum óskum.

 

Ábyrgir: Bæjarstjóri Hornafjarðar

Kostnaður: Enginn.

Tímasetning: Tillögur frá forstöðumönnum liggi fyrir  vorið 2001 og tilraunin hefjist þá um haustið og ljúki haustið 2002. Í árslok 2002 skal liggja fyrir álitsgerð á því hvernig tekist hefur til með tilraunaverkefnið. Í framhaldi af því verði mótið stefna um áframhaldandi verkefni á þessu sviði.

 

Markmið 13.2.

Hvatt verði til aukinnar heilsueflingar í sveitarfélaginu í samvinnu við íbúa, heilsugæslu, félagasamtök og fyrirtæki.

 

Leið 13.2.1.

Boðið verði upp á opna fyrirlestra um heilsutengd málefni a.m.k. tvisvar á ári og þeir auglýstir vel.

 

Leið 13.2.2.

Lögð verði áhersla á ferkari heilsueflingu barna og unglinga í gegnum starf í skólum. Jafnframt að kenna börnum og unglingum næringarfræði og gildi hollrar hreyfingar. Árlega verði haldinn heilsudagur unga fólksins með fyrirlestrum, íþróttaæfingum og hollri næringu.

Ábyrg: Heilsustofnun Suðausturlands

Kostnaður: (leiðir 13.2.1 og 13.2.2) 500.000 kr. á ári.

Tímasetning: Heilbrigðisstofnun Suðausturlands hefur þegar hafist handa við heilsueflingu með átaki sem felst í að bjóða íbúum úttekt á heilsu þeirra. Hafist verði handa um önnur verkefni árið 2002.

Leið 13.2.3.

Bæjarfélagið gangi á undan með góðu fordæmi í því að bjóða starfsfólki sínu niðurgreiðslu á þátttöku í líkamsrækt að ósk hvers og eins. Yfirmenn allra stofnana og sviða fái til ráðstöfunar ákveðna upphæð sem nemi hluta af  launum starfsmanna sem varið verður í þetta verkefni og ekki má nota til annars. Þeir móti tillögur í samráði við starfsmenn sína um hvernig best er að koma verkefninu fyrir þannig að reglur séu gagnsæjar og réttlátar.

Ábyrgir: Yfirmenn allra sviða og stofnana

Kostnaður: 3-4 milljónir á ári.

Tímasetning: Niðurgreiðslur hefjist árið 2002.

 

Leið 13.2.4.

Íþróttaaðstaða og önnur aðstaða til tómstundastarfs í sveitarfélaginu verði smátt og smátt bætt. Gerð verði forgangsáætlun með nákvæmum kostnaði og því hvaða hópum fyrirhugaðar umbætur nýtist best. Þær sem nýtist flestum gangi að öðru jöfnu fyrir, þó þannig að heild sveitarfélagsins gleymist ekki.

Ábyrgir: Æskulýðs- og tómstundafulltrúi, æskulýðs og tómstundaráð.

Kostnaður: 15 milljónir á árunum 2001-2004 og síðan 160 milljónir á árunum 2007-2010.

Tímasetning: Kostnaðaráætlun og forgangsröð liggi fyrir eigi síðar árið 2002. Fyrsta verkefnið hefjist þegar árið 2001.

 

 

14. SVEITARFÉLAGIÐ, STOFNANIR OG TENGSL VIÐ ÍBÚA

 

Stefna: Sveitarfélagið Hornafjörður stefnir að því að vera framsækið sveitarfélag og vera til fyrirmyndar að því er varðar upplýsingastreymi, samráð við íbúa og lýðræðis­leg vinnubrögð. Kappkostað verði að upplýsingar um umbætur og framkvæmdir sem varða umhverfis­­mál verði sem aðgengilegastar. Lögð er áhersla á að stefnumótun í umhverfis­málum skili sér í ákvarðanatöku og stofnanir sveitarfélagsins séu til fyrirmyndar í umhverfismálum.

Markmið 14.1.

Unnið verði að metnaðarfullri stefnumótun fyrir Sveitarfélagið Hornafjörð til 10-20 ára með virkri þátttöku íbúa. Henni verði lokið fyrir árslok 2001.

Leið 14.1.1.

Borgarafundir verði haldnir um einstök málefni, fjölmiðlar nýttir og upplýsingavefur sveitarfélagsins. Fastur liður í gerð fjárhagsáætlunar er að boða íbúa sveitarfélagsins til funda þegar að fyrstu umræðu bæjarstjórnar lokinni. Bæjarbúar verði hvattir til þess að koma ábendingum til viðeigandi aðila sem bregðist fljótt og vel við þeim. Stefnan verði í sífelldri endurskoðun eftir því sem reynslan gefur tilefni til. Íhugað verði að nota beinar kosningar við ákvörðun fleiri málefna á vegum sveitarfélagsins.

Ábyrgir: Bæjarstjóri Hornafjarðar, bæjarstjórn.

Kostnaður: 50.000 kr. á ári.

Tímasetning: Þegar er í gangi ákveðið samráð en það skal aukið jafnt og þétt.

 

 

15. ÚTIVIST

Stefna: Aðstaða til útivistar og einstakar náttúrperlur verði metnar sem mikilvægur þáttur í að auðga búsetu og mannlíf í sveitarfélaginu og íbúar verði hvattir til þess að nýta sér þessa möguleika.

Markmið 15.1.

Í samráði við íbúa verði gerð áætlun um bætta aðstöðu til útivistar í sveitarfélaginu og hún tilbúin fyrir árslok 2001.

Ábyrgur: Framkvæmdastjóri tækni- og umhverfissviðs, umhverfisnefnd.

Kostnaður: 50.000 kr.

Tímasetning: Vinna með áhugahópum hefjist vorið 2001 og áætlun liggi fyrir í árslok 2001.

Markmið 15.2.

Aðgengi að náttúruperlum verði bætt.

 

Leið 15.2.1.

Lagðir verði göngustígar að náttúruperlum. Þrep verði sett yfir girðingar og ræsi eða göngubrýr í læki og ár. Árlega verði teknir fyrir tveir staðir.

Ábyrgir: Framkvæmdastjóri tækni- og umhverfissviðs, umhverfisnefnd.

Kostnaður: Óviss. Sjá 6.2.1. og 10.2.1.

Tímasetning: Hafist verði handa árið 2002 og haldið áfram þar til árangur telst viðunandi.

 

Leið 15.2.2.

Veiðimenn verði hvattir til þess að ganga vel um landið og bráð sína.

Ábyrgir: Framkvæmdastjóri tækni- og umhverfissviðs, umhverfisnefnd.

Kostnaður: 50.00 kr. á ári.

Tímasetning: Hefjist haustið 2001.

 

Leið 15.2.3.

Komið verði upp borðum og bekkjum á áningarstöðum víða um sveitarfélagið.

Ábyrgir: Framkvæmdastjóri tækni- og umhverfissviðs, umhverfisnefnd.

Kostnaður: Vegagerð ríkisins ber allan kostnað af þessu.

Tímasetning: Er hafið.

 

ST21 Viðauki Tímááætlun framkvæmda.