Fundargerð bæjarstjórnar 187

Valdemar Einarsson kom fram með fyrirspurn um veitur og frárensli og fjárhagsáætlun fyrir veitur hann spurði hvers vegna þessi liður hefði ekki verið tekin undir hafnarstjórn .

Hjalti útskýrði að eðlilegt væri að fjárhagsáætlun veitnanna ætti að fara undir hafnarstjórn og sagði að það yrði tryggt að nefndir fengu að fjalla um sína fjárhagsáætlun í framtíðinni.

Fundargerð samþykkt.

Valdemar Einarsson kom fram með fyrirspurnum hvort það verði ráðinn verði starfsmaður SASS/AÞS þegar stofnunin er komin með útibú á Hornafirði. Reynir Arnarson upplýsti að það sé búið að auglýsa starfið.

Björn Ingi Jónsson lýsti yfir að hann fagni því að það sé búið að auglýsa eftir starfsmannni SASS/AÞS og það sé mikilvægt að taka umræðu um framtíð Atvinnu-og rannsókarsjóðs Hornarfjarðar.  Það sé þó ljóst að þessi sjóður geti gefið meiri möguleika og einstaklingar fá frekar tækifæri að fá úr þeim sjóði.

Reynir fagnar umræðu um málið og segir að umræðan þurfi að fara fram í bæjarráði en bendir á að það verði úthlutað úr sjóðnum snemma á næstar ári og því sé góður tími til að taka ákvörðun um sjóðinn.

Árni fagnar því að þátttaka Hornafjarðar í svæðisbundnu samstarfi SASS/AÞS leiði til að starfsmaður þess muni koma til Hornafjarðar.

Einnig benti hann á að það sé nauðsynlegt að fara yfir framtíðarhlutverk Atvinnu-og rannskóknarsjóðsins.

Fundargerð samþykkt.

Hjalti gerði grein fyrir fjárhagsáætlun, síðari umræðu fyrir árið 2013 og áranna 2014 - 2016.

Helstu breytingar milli umræðna eru að rekstrarrammi fræðslumála hækkar um 979 þ.kr. og rekstrarrammi menningarmála um 2.624 þ.kr. Samtals hækka rekstrarrammar A-hluta um 4,1 m.kr. Í B- hluta hækkar rekstrarrammi Hornafjarðarhafnar um 4,1 m.kr.  Samtals í A og B hluta hækka rekstrarrammar um 8,2 m.kr.  Rekstrarniðurstaða verður því 8,2 m.kr. lakari og handbæra fé lækkar sem því nemur.
Helstu niðurstöður áætlunarinnar fyrir A og B hluta árin 2013 - 2016 eru eftirfarandi:

Björn Ingi lagði fram bókun fyrir hönd bæjarfulltrúa Sjálfstæðisflokksins.

Bókun við afgreiðslu á fjárhagsáætlun fyrir árið 2013

Í bókun okkar sjálfstæðismanna við fyrri umræðu um fjárhagsáætlun töldum við afar nauðsynlegt að sveitarfélagið héldi uppi ákveðnum framkvæmdum á hverju ári en taldi jafnframt að 400 milljónir væri mjög miklar framkvæmdir séstaklega í ljósi þess að í 10 ára áætlun er ekki gert ráð fyrir nema 250 milljónum króna á hvert í framkvæmdir árin 2014 til 2025.

Það verður einnig að teljast mjög ámælisvert að seinni umræða fer fram í bæjarstjórn þar sem gert er ráð fyrir framkvæmdum upp á  400 milljónir króna án þess að nokkur gögn liggi fyrir um hvernig þessi upphæð skiptist niður á einstök verkefni. Því er ekki ljóst í hvaða verkefni á að fara og hver forgangsröðunin er.  Við afgreiðslu fjárhagsáætlunar er sjálfsögð krafa að meirihlutinn leggi fram lista yfir þær framkvæmdir sem áætlaðar eru, gróft kostnaðarmat einstakra liða og hver er forgangsröðunin á næsta ári.

Hjalti greindi frá að fjárhagsáætlun hafi verið vel kynnt í bæjarfélaginu en alltaf sé hægt að gera betur. Björn Ingi ræddi um svör bæjarstjóra.

Hjalti svaraði Birni Inga.

 Fjárhagsáætlun 2013-2016 samþykkt með fjórum atkvæðum.

Árni kom fram með fyrirspurn, hvort bæjarstjórn hafi verið að samþykkja þriggja ára áætlun eða fjárhagsáætlun 2013.

Hjalti greindi frá að í öllum gögnum hafi verið þriggja ára áætlun og hún verið samþykkt.

Hjalti greindi frá breytingum í reglum sjóðsins og hvaða áhrif hann hefur haft á samfélagið.

Framlagðar reglur Atvinnu-og rannsóknarsjóðs bornar upp til aktvæða.

Samþykkt.

Hjalti fylgdi stefnumótun HSSA úr hlaði.  Gerði grein fyrir ferli málsins.  Sagði að bæjarráð hafi óskað eftir lögfræðiáliti á útfærslu skipurits eins og það er sett fram í skjalinu.  Sagði að fyrst væri gerð grein fyrir hlutverki og stöðu stofnunarinnar, sett væri fram skýr framtíðarsýn, kjörorð og síðan stefna og markmið fyrir stofnunina.

Árni Rúnar fagnaði því að það væri búið að vinna stefnumótun fyrir HSSA og þakkaði starfsmönnum sem hafa unnið að þessari stefnu og vonar að það séu möguleikar á að leysa úr samningamálum við ríkið um stofnunina.

Framlögð stefna borin upp til atkvæða.

Samþykkt.

Árni Rúnar vék af fundi undir þessum lið.

Ásgerður Gylfadóttir fylgdi málinu úr hlaði.  Gerði grein fyrir vinnu skóla-, íþrótta- og tómstundanefndar og starfsmanna á því sviði og þáttöku íbúa í umsóknarferlinu.  Stefnunni er skipt upp í fjóra meginkafla, fyrst íþróttastarf barna og unglinga, þá keppnis- og afreksíþróttir, í þriðja lagi almenningsíþróttir og að lokum æskulýðs- og tómstundastarf.

Hjalti kom upp undir þessum lið og greindi frá að fyrri stefna um skóla,-íþrótta- og tómstundamál hafi aðalega fjallað um mannvirki sem falla undir þennan málaflokk og benti á að ný stefna taki á innri þáttum málaflokksins og benti jafnframt á að það sé enn verið að byggja upp aðstöðu.

Stefnumótun lögð fram og samþykkt.

Ásgrímur fór yfir málið og lagði til að svör Umhverfis- og skipulagsnefndar við athugsemdum sem bárust við deilskipulagi þjónustusvæðis Skaftafelli yrðu svör bæjarstjórnar.

Björn Ingi benti á að það þyrfti að gera svör nefndarinnar opinber.

Hjalti benti á að það væri nóg að vísa til svaranna í fundargerð nefndarinnar.

Deiliskipulagið borið upp til atkvæða.

Samþykkt.

Hjalti gerði grein fyrir skipulagsskrá Nátúrustofu Suðausturlands Ses.  Þá gerði hann grein fyrir aðdraganda stofnunarinnar, samnings við ráðuneytið og Skaftárhrepp.  Jafnframt upplýsti hann að auglýst hafi verið eftir forstöðumanni og stofan taki til starfa strax á nýju ári.

Reynir fagnaði því að Náttúrustofa er að verða að veruleika á Hornafirði og greindi frá því að málið hefur átt langan aðdraganda eða 10 ár. Árni tók undir orð Reynis og fagnaði stofnun Náttúrustofu.

Stofnskrá borin upp til atkvæða.

Samþykkt.

Reynir kynnti málið og greindi frátilurð samningsins. Samningurinn gildir til ársloka 2013 með möguleika á endurnýjun að samningstíma loknum. Samningur Sveitarfélagsins Hornafjarðar við sambýlið Hólabrekku vegna þjónustu við fatlað fólk lagður fram.

Ásgrímur kynnti málið og bað fundarmenn að samþykkja framkvæmdaleyfið.

Samþykkt.