Bæjarstjórn
Fundargerð bæjarstjórnar 171
171. fundur bæjarstjórnar Hornafjarðar haldinní Nýheimum,1. september 2011 og hófst hann kl. 16:00.
Fundinn sátu:
Ásgerður Kristín Gylfadóttir Forseti
Reynir Arnarson 1. varaforseti
Björn Ingi Jónsson 2. varaforseti
Kristján Sigurður Guðnason aðalmaður
Guðrún Ása Jóhannsdóttir aðalmaður
Árni Rúnar Þorvaldsson aðalmaður
Arna Ósk Harðardóttir 1. varamaður
Hjalti Þór Vignisson bæjarstjóri
Stefán Ólafsson starfsmaður fræðslu- og félagssviðs
Fundargerð ritaði: Stefán Ólafsson, framkvæmdastjóri fræðslu- og félagssviðs.
Dagskrá:
| 1. | 1108001F - bæjarráð Hornafjarðar - 554 (útsending) | |
| Björn Ingi tók til máls og lýsti yfir ánægju með að vera komin í Svavarssafn. Hann ræddi skýrslu KPMG vegna "minna frumvarpsins" og um leið hvort aukning í úthlutun fyrir næsta kvótaár mildaði það högg sem frumvarpið leiddi af sér. Einnig velti hann því upp hvort okkar rödd væri nógu áberandi í umræðunni um fiskveiðimál. Árni lýsti yfir ánægju með það umhverfi sem fundurinn væri nú haldinn í. Hann ræddi einnig áhrif "minna frumvarpsins" og minnti á að það væri orðið að lögum. Hann ræddi umsögn bæjarráðs um stærra frumvarpið og spurðist fyrir um hvenær endanleg skýrsla KPMG um það frumvarp yrði tilbúin. Hún gæti verið mikilvæg fyrir málflutning sveitarfélagsins í þessu máli. Reynir tók undir orð um fundarstaðinn. Hann ræddi sjávarútvegsmálin. Hann ræddi kvótaaukninguna fyrir næsta kvótaár og áhrif hennar. Hann vildi ekki nota orðin "mildandi áhrif" í umræðu um þetta mál, hér hefði einfaldlega komið fleiri tonn ef ný lög hefðu ekki tekið gildi. Hjalti fór yfir málið og ræddi með hvaða hætti við getum notað vinnu KPMG í málflutningi okkar í umræðu um fiskveiðistjórnunina og áhrif nýrra laga og frumvarps um þetta mikilvæga mál. Hann sagði slæmt að skýrsla frá KPMG lægi ekki enn fyrir. Hann sagði strandveiðar skila okkur litlu og mjög lítið af þeim afla færi hér til vinnslu. Árni ræddi hvernig við getum komið okkar rödd að í umræðu um fiskveiðistjórnuni, lagði áherslu á að rödd okkar heyrðist. Hann lagði áherslu á mikilvægi umræddrar skýrslu. Lagði áherslu á að við þurfum að vanda okkar málflutning en hann þurfi að heyrast. Fundargerð samþykkt. |
||
| 2. | 1108002F - bæjarráð Hornafjarðar - 555 | |
| Fundargerð samþykkt. | ||
| 3. | 1108005F - bæjarráð Hornafjarðar - 556 | |
| Hjalti gerði grein fyrir fundi starfsmanna með forsvarsmönnum USÚ vegna unglingalandsmóts 2013. Greindi frá hugmyndum um nýjar greinar og að fatlaðir unglingar geti einnig tekið þátt í mótinu, það verði aðgengilegt fyrir alla. Árni fagnaði væntanlegu unglingalandsmóti 2013 og hugmyndum þeim sem fram komu í máli Hjalta. Hann ræddi leikskólatímann frá 16 - 17, sbr. fundargerð skóla-, íþrótta- og tómstundanefndar. Lagði áherslu á að sambærileg þjónusta þyrfti að vera í boði í báðum leikskólunum, þ.e. af opið væri á þessum tíma þyrftu báðir skólarnir að vera opnir. Mönnun á þessum tíma mætti þar ekki ráð för. Ásgerður fór yfir tímann 16 - 17 og gerði grein fyrir af hverju ekki væri opið á þessum tíma í öðrum leikskólanum. Þá greindi hún frá könnum vegna þessa máls. Sagði Ásgerður það vera stefnu að hafa sömu þjónustu í báðum skólunum og gerði jafnframt grein fyrir erfiðleikum á að manna þennan tíma skóladagsins. Árni þakkaði fyrir þessa umræðu og svör formanns skóla-, íþrótta- og tómstundanefndar. Einnig ræddi hann hvort foreldrar þess skóla sem hefði lokað eftir 16 gætu keypt tíma af hinum skólanum. Einnig velti hann því upp hvort þessa staða væri uppi ef skólarnir væru undir einni og sömu stjórn. Ásgerður fór yfir hvernig mál leystust sl. vor, þ.e. hjá foreldrum sem áttu börn í þeim sem lokaði eftir 16.15, það hafi foreldrar getað leyst. Fundargerð samþykkt. |
||
| 4. | 1108007F - bæjarráð Hornafjarðar - 557 | |
| Fundargerð samþykkt. | ||
| 5. | 1107004F - bæjarstjórn Hornafjarðar - 170 | |
| Fundargerð áður samþykkt. | ||
| 6. | 200805074 - Hafnarvík Heppa deiliskipulag - fyrri umræða (útsending) | |
| Bæjarstjóri fylgdi deiliskipulaginu úr hlaði. Svæðið afmarkast af bryggjunni fyrir framan Miklagarð, Graðaloftið, Pakkhúsið og Hafnarvogina á Höfn, opið svæði neðan Bogaslóðar, upp með Hafnarbrautinni þar sem lóðir n.r. 6, 4, og 2 eru hluti af deiliskipulagssvæðinu, athafnasvæðið í átt að sláturhúsinu, þ.e Kartöfluhúsið og lóð þess, Gíslaverkstæðið og rústirnar. Hafnarvík - Heppa er mikilvægt svæði vegna sögu byggðarlagsins, varðveislu bygginga og staðsetningar við höfnina. Innan skipulagssvæðisins er gamla hafnarsvæðið á Höfn og kjarni elstu byggðar sem hófst þar árið 1897. Innan svæðisins standa enn nokkur elstu húsanna, í misgóðu ástandi, sum er hægt að lagfæra, önnur að endurbyggja. Innan svæðisins er ennfremur landrými til að skilgreina nýjar byggingarlóðir, á eina þeirra er gert ráð fyrir að Gamlabúð verði flutt, á öðrum er gert ráð fyrir að reistar verði endurgerðir horfinna húsa, og enn öðrum nýbyggingar skv. skilmálum. Í dag er svæðið og húsnæði þar nýtt undir ýmsa starfsemi svo sem veitingarekstur, safna- og listastarfsemi, léttan iðnað, geymslurými, athafnasvæði fyrir sjávarútveg og íbúðir. Deiliskipulagssvæðið er eitt af kjarnasvæðum í þeim sveig sem afmarkar miðhluta Hafnar - milli tveggja gatnamóta Hafnarbrautar og Víkurbrautar - og er þungamiðja verslunar og þjónustu auk annarrar atvinnustarfsemi. Um hús sem byggð eru fyrir 1918 gilda Lög um húsafriðun nr. 104 / 2001. Um deiliskipulagssvæðið og athafnir á því gilda Þjóðminjalög nr. 107 / 2001. Mannvistarminjar kunna að vera duldar í jörðu á deiliskipulagssvæðinu. Við framkvæmdir skal fara að fyrirmælum í Þjóðminjalögum. Bæjarstjóri lagði til að skipulagið yrði vísað til síðari umræðu. Reynir sagði málið hafa fengið mikla umfjöllun í viðkomandi nefnd. Þá ræddi hann kort sem breyta þyrfti áður en deiliskipulagið færi í kynningu. Þá benti hann á að ekki lægi fyrir endanleg ákvörðun um að Gamla búð verði flutt á næsta ári, ákvörðun um það biði fjárhagsáætlunar fyrir árið 2012. Samþykkt samhljóma að vísa málinu til umfjöllunar á næsta fundi bæjarstjórnar. |
||
| 7. | 200901107 - Fyrirspurnir - bæjarstjórn | |
| Engar. | ||
Fleira ekki gert. Fundi slitið kl. 17:00
