Fundargerð bæjarstjórnar 168

Fundur haldinn      í Bæjarstjórn Hornafjarðar, fimmtudaginn 5. maí 2011, kl. 16.00 í Nýheimum.

Mætt voru: Reynir Arnarson, Ásgerður K. Gylfadóttir, Kristján S. Guðnason, Arna Ósk Harðardóttir, Valdemar Einarsson, Björn Ingi Jónsson og Árni Rúnar Þorvaldsson.

Einnig: Hjalti Þór Vignisson bæjarstjóri, Ásta Halldóra Guðmundsdóttir fjármálastjóri og Haukur Ingi Einarsson framkvæmdastjóri fjármála- og framkvæmdasviðs.

1. Fundargerðir bæjarráðs  (Upptaka)

·        Fundargerð bæjarráðs 541. fundur

Björn Ingi ræddi fundargerð hafnarstjórnar, spurðist hann fyrir um framvindu dýpkunar innan hafnarinnar.  Björn Ingi fjallaði einnig hugmynd að göngustíg inn í Nes, ræddi hann um þá hugmynd að hafa stíginn meðfram strandlengjunni.  Einnig taldi hann að sveitarfélagið eigi að taka forystu í notkun vistvænna orkugjafa. 

Árni Rúnar ræddi fundargerð umhverfis- og skipulagsnefndar, fjallaði hann um endurbætur á Heppuskóla og endanlegt skipulag innan skólans.   Tók hann einnig undir orð Björns Inga um uppbyggingu fjölorkustöðvar.  Árni Rúnar spurðist fyrir um störf rýnihóps um leikskólamál.

Ásgerður gerði grein fyrir störfum rýnihóps um leikskólamál, gerði hún grein fyrir því að rýnihópurinn hefur lokið störfum og verið er að taka saman lokaskýrslu sem kynnt verður á næstu vikum.

Valdemar fjallaði um endurvinnslu úrgangs.

Árni fjallaði um leikskólamál. 

Ásgerður svaraði fyrirspurnum Árna.

Árni fjallaði aftur um leikskólamál.

Björn Ingi fjallaði um leiksólamál, ræddi hann um mikilvægi þess að skoða alla kosti með framtíðina að leiðarljósi til að bæta leikskólamál.

Hjalti fjallaði um leikskólamál, gerði hann grein fyrir fyrstu hugmyndum að breytingum til að leysa biðlista.  Hjalti svaraði fyrirspurn um dýpkun Hornafjarðarhafnar og gerði grein fyrir stöðu mála.  Hjalti þakkaði Birni Inga um góða hugmynd að lagningu göngustígs frá Höfn inn að Nesjum.  Hjalti gerði grein fyrir hugmyndum að mismunandi leiðir í orkunýtingu fyrir samfélagið.  Hjalti gerði grein fyrir endurbótum á Heppuskóla og hugmyndir að skipulagi innan skólans, ræddi hann einnig um tengingu skólans við sundlaug og Heppuskóla.  Hjalti fjallaði einnig um mikilvægi endurvinnslu úrgangs.

Fundargerð samþykkt samhljóða

·        Fundargerð bæjarráðs 542. fundur

Hjalti þakkaði fyrir gjöf Slysavarnadeildarinnar Framtíðar, gjöfin verður nýtt til að bæta úr umferðaröryggi við gatnamót Víkurbrautar og Hafnarbrautar.  Hjalti fjallaði um hugmyndir að stækkun þjóðgarðsins og gerði grein fyrir samskiptum sínum við hagsmunaaðila að málinu.

Árni Rúnar fjallaði um leikskólamál, taldi hann að skoða eigi kosti þess að vera með eina yfirstjórn yfir báða leikskólana til lengri tíma.  Árni fjallaði einnig um stefnumótunarvinnu HSSA.  Ræddi hann um hvort stjórnun HSSA eigi að vera í höndum sveitarfélagsins eða ríkisins.  Árni Rúnar spurðist fyrir um starf fjármálastjóra Vatnajökulsþjóðgarðs og staðsetningu yfirstjórnar þjóðgarðsins.

Hjalti fjallaði um málefni HSSA.   Svaraði hann einnig fyrirspurnum Árna Rúnars um Vatnajökulsþjóðgarðs.  Gerði hann grein fyrir því að búið er að samþykkja að auglýsa eftir fjármálastjóra Vatnajökulsþjóðgarðar í hálfa stöðu.  Ræddi hann um þjóðgarðsstofnunar og hugmyndir á bak við hana. 

Björn Ingi fjallaði um leikskólamál.  Lagði hann áherslu á að hugsa þarf um þessi mál heildstætt.  Björn Ingi fjallaði um húsnæðismál HSSA.  Björn Ingi fjallaði einnig um málefni þjóðgarðsins.

Árni Rúnar fjallaði um hlutskiptingu ríkis og sveitarfélaga á opinberri þjónustu.  Í því samhengi ræddi hann um fjármögnun rekstrar HSSA.  Árni Rúnar fjallaði einnig um málefni Vatnajökulsþjóðgarðs.

Hjalti svaraði fyrirspurnum um málefni þjóðgarðsins.  Fjallaði hann um skiplagsvinnu á lykilsvæðum innan sveitarfélagsins, benti hann á deiliskipulagsvinnu í Skaftafelli, Hafnarvík Heppu og við Jökulsárlón á Breiðamerkursandi, hugmyndir að uppbyggingu svæða svo sem Heinabergssvæðis, Lónsöræfa og Breiðamerkursands.   Saman mynda þessi svæði mynda sterka keðju áningarstaða úr vestri til austurs.

Fundargerð samþykkt samhljóða.

·        Fundargerð bæjarráðs 543. fundur

Árni Rúnar ræddi um sóknaráætlun 2020, beindi hann því til formanns bæjarráðs að fara yfir mál sem bæjarstjórn hefur vísað til bæjarráðs.  Árni fjallaði um málefni Þekkingarnets Austurlands.  Árni fjallaði um skólamál og mögulega tengingu skóla á Höfn við aðrar skólaskrifstofur.

Hjalti gerið grein fyrir vinnustaðagreiningu fyrir sveitarfélagið Hornafjörð.  Hjalti fjallaði um og svaraði fyrirspurn Árna Rúnars um skólamál.

Árni Rúnar þakkaði bæjarstjóra fyrir svörin.

Fundargerð samþykkt samhljóða.

2.  Ársreikningur 2010 – síðari umræða. (upptaka)

Hjalti fylgdi málinu úr hlaði, gerði hann grein fyrir kynningu endurskoðenda frá fyrri umræðu.  Lagði hann til að ársreikningurinn verði samþykktur.

Ársreikningurinn Sveitarfélagsins fyrir árið 2010 samþykktur samhljóða.

3. Ársreikningur HSSA. (upptaka)

Hjalti fylgdi málinu úr hlaði.  Gerði hann grein fyrir helstu stærðum ársreikningsins.  Afkoman er jákvæð um rúmar 3 m.kr.  Lagði hann til að ársreikningurinn verði samþykktur.

Ársreikningur HSSA fyrir árið 2010 samþykktur samhljóða.

4. Tillaga að matslýsingu á endurskoðun á aðalskipulagi sveitarfélagsins. (upptaka)

Hjalti fylgdi málinu úr hlaði.  Gerði hann grein fyrir undirbúning og gerð matslýsingarinnar, einnig gerði hann grein fyrir megin áherslum tillögunarinnar.  Lagði hann til að bæjarstjórn vísi málinu í sitt lögformlega ferli.

Samþykkt samhljóða

5. Fyrirspurnir – bæjarstjórn

Engar.

Fundi slitið kl. 17:50