Fundargerð bæjarstjórnar 162

162. fundur

Fundur haldinn    í Bæjarstjórn Hornafjarðar, fimmtudaginn 2. desember 2010, kl. 16.00 í Nýheimum.

Mætt voru: Reynir Arnarson, Ásgerður K. Gylfadóttir, Kristján S. Guðnason, Ásgrímur Ingólfsson, Björn Ingi Jónsson, Guðrún Ása Jóhannsdóttir og Guðrún Ingimundardóttir.

Einnig: Hjalti Þór Vignisson bæjarstjóri, Haukur Ingi Einarsson og Stefán Ólafsson.

      Forseti bar upp dagsskrárbreytingu, lagði hann til að liður 3, Breyting á deiliskipulagi miðbæjarsvæði - reitur A -  síðari umræða, í auglýstri dagsskrá falli niður vegna þess að umsagnafrestur er ekki liðinn.  Samþykkt með öllum greiddum atkvæðum.

1.      200811043 – Fundargerðir  (Upptaka)

·         201011066 - Fundargerð bæjarráðs 520. fundur, 25. október 2010

Guðrún Ingimundardóttir fjallaði um úrgangsmál.  Hvatti hún til þess að heimilum yrði kynnt þau úrræði sem þeim bjóðast í stærð sorpíláta.

Hjalti Þór fjallaði um yfirbreiðslu sundlaugar og um málefni Vatnajökulsþjóðgarðs.

Björn Ingi ræddi um yfirbreiðslu sundlaugar.  Sagði mikilvægt að leitað verði leiða til að draga úr kostnaði við rekstur sundlaugar.  Þá fjallaði hann einnig um samstarf sveitarfélagsins við Atvinnuþróunarfélag Suðurlands og mikilvægi þess að unnið verði markvist að uppbyggingu atvinnumála.

Hjalti fjallað um atvinnumál.

Reynir Arnarsson fjallaði um atvinnumál og um jákvæðar fréttir sem bárust í síðustu viku um uppbyggingu atvinnustarfsemi í fullvinnslu sjávarafurða.    

Fundargerð samþykkt.

·         201011067 - Fundargerð bæjarráðs 521. fundur, 15. nóvember 2010.

Fundargerð samþykkt

·         201011068 - Fundargerð bæjarráðs 522. fundur, 22. nóvember 2010

Hjalti Þór fjallaði um deiliskipulag við Jökulárlón, fór yfir þá vinnu sem fram hefur farið í málinu og það ferli sem framundan er í málinu.

Björn Ingi fjallaði um deiliskipulag við Jökulsárlón.  Þá fjallaði hann einnig um samstarf við Markaðsstofu Suðurlands. 

Fundargerð samþykkt.

·         201011069 - Fundargerð bæjarráðs 523. fundur, 29. nóvember 2010.

Fundargerð samþykkt.

·         201011074 - Fundargerð bæjarstjórnar 161. fundur, fundargerð áður samþykkt.
Til kynningar.

2.      201007005 - Ákvörðun um útsvarsprósentu 2011  (Upptaka)

Hjalti gerði grein fyrir málinu og lagði fram eftirfarandi tillögu:

Bæjarstjórn Hornafjarðar samþykkir að útsvarshlutfall árið 2011 verði óbreytt, þ.e. 13,28%, en með fyrirvara um að nauðsynlegar lagabreytingar nái fram að ganga á Alþingi um tilfærslu þjónustu við fatlaða frá ríki til sveitarfélaga og hækkun útsvarshlutfalls um 1,20 prósentustig sem af því leiðir, verður álagningarhlutfallið 14,48% á árinu 2011.

Forseti bar bókun upp til atkvæða.  Samþykkt samhljóða.

 3.      201011017 – Atvinnumál  (Upptaka)

Kristján Guðnason lagði fram eftirfarandi tillögu um ráðstöfun á 24 m.kr. af aukaframlagi jöfnunarsjóðs til atvinnutengdra verkefna:

 ·         14 m.kr. verður varið í að styrkja atvinnu- og rannsóknasjóð sveitarfélagsins.

·         3 m.kr.verði varið í markaðs- og kynningarstarf. Það verkefni verður mótað með Ríki Vatnajökuls og endanleg útfærsla á því háð samþykki bæjarráðs.

·         2 m.kr. verður varið í að efla handverkstæði  í samvinn við handverksfólk, hönnuði, framhaldsskólann og grunnskólann.

·         2 m.kr. verði varið til kaupa á ýmsum búnaði til fjallaferða, s.s. brodda, ísaxa, lína, rötunarbúnaðar. Verkefnið verði unnið með Framhaldsskólanum og björgunarfélaginu.

·         2 m.kr. verði varið í rannsóknir á vegum Háskólasetursins á Hornafirði.

·         1 m.kr. í að setja upp gönguskilti við strandlengjuna.

 Björn Ingi fjallaði um tillöguna og ræddi reglur atvinnu- og rannsóknarsjóðs.

Guðrún Ingimundar fjallaði um tillöguna og sagði mikilvægt væri að ráðstafa fjármagninu með skýrum hætti þar sem verkáætlun liggi fyrir við úthlutun fjármagnsins.

Hjalti þakkaði þeim sem tóku til máls undir þessum lið og þeirri samstöðu sem var við vinnu tillögunnar.

 Forseti bar tillöguna upp til atkvæða. Samþykkt samhljóða.. 

4.      200901107 - Fyrirspurnir – bæjarstjórn

Fundi slitið kl. 17:00