Fundargerð bæjarstjórnar 122

122. fundur

Fundur haldinn      í Bæjarstjórn Hornafjarðar, fimmtudaginn 1. nóvember 2007, kl. 16:10 í Ekru.

Mætt voru:           Árni Rúnar Þorvaldsson forseti bæjarstjórnar, Gunnar Sigurjónsson, Elín Magnúsdóttir, Reynir Arnarson, Guðrún Ingimundardóttir, Björn Ingi Jónsson og Björk Pálsdóttir.  Einnig Hjalti Þór Vignisson bæjarstjóri, Ásta H. Guðmundsdóttir og Haukur Ingi Einarsson.        

Forseti setti fund og bauð fundarmenn velkomna. 

1.        Fundargerðir

Bæjarráð Hornafjarðar, 394.  fundur, dags. 1. október  2007.

·         Hafnarstjórn Hornafjarðarhafnar 96. fundur 26. september 2007.

·         Skólanefnd Hornafjarðar 92. fundur  26. september 2007.

·         Æskulýðs- og tómstundaráð 92. fundur 20. september 2007.

·         Yfirstjórn Vatnajökulsþjóðgarðs 24. september 2007.

Björk Pálsdóttir fagnar samningsdrögum við Siglingastofnun og óskar eftir nánari upplýsingum, hún tekur undir með skólanefnd varðandi starfshóp um  húsnæðismál grunnskólans, einnig ræddi hún um textavél vegna bíósýninga og um frágang á íþróttavelli.  Elín Magnúsdóttir ræddi um skólanefnd varðandi húsnæðismál grunnskólans telur hún að fara eigi vel yfir málið og fagnar hún væntanlegri vinnu við fjölskyldustefnu sveitarfélagsins.  Hjalti Þór Vignisson svaraði fyrirspurnum.  Árni Rúnar Þorvaldsson ræddi einnig um starfshóp varðandi húsnæðismál grunnskólans og húsnæði sveitarfélagsins almennt.  Einnig ræddi hann um Vatnajökulsþjóðgarð og hollvinasamtök þjóðgarðsins. Hjalti Þór Vignisson ræddi um hugmynd að stofnun hollvinasamtaka í tengslum við stofnun Vatnajökulsþjóðgarðs sagði hann að drifkraftur kæmi fyrst og fremst héðan af svæðinu,  einnig ræddi hann um staðsetningu gestastofunnar. Björn I. Jónsson tekur undir orð Hjalta varðandi Vatnajökulsþjóðgarð og staðsetningu gestastofu í nágrenni Hafnar.  Þá ræddi Björn Ingi um að ráða ætti framkvæmdastjóra á næstunni og lagði áherslu á að starfstöð hans væri á Höfn.  Árni Rúnar Þorvaldsson þakkar fyrir góð svör varðandi Vatnajökulsþjóðgarðs og taldi að höfuðstöðvar Vatnajökulsþjóðgarð eiga að vera hér í ríki Vatnajökuls.

Fundargerð samþykkt.

Bæjarráð Hornafjarðar, 395 fundur, dags. 15. október 2007.

·         Byggingar- og skipulagsnefnd Hornafjarðar 81. fundur 27. september 2007.

·         Félagsmálaráð Hornafjarðar 170. fundur 9. október 2007.

·         Stjórn Sambands íslenskra sveitarfélaga 746. fundur 28. september 2007.

Björk Pálsdóttir ræddi um fjárhagsáætlun 2008 og hvort reksturinn væri á áætlun, ræddi hún um staðsetningu á knattspyrnuhúsi og aukaframlag úr Jöfnunarsjóði.  Árni Rúnar Þorvaldsson ræddi um staðsetningu knattspyrnuhúss og sagði að verið væri að vinna að tölvugerðra mynda um staðsetninguna einnig sagði hann að þetta hús væri í hans huga ekki fjölnota íþróttahús heldur knattskjól.  Hjalti Þór Vignisson ræddi um knattspyrnuhúsið  og staðsetningu.  Hjalti sagði frá aukaúthlutun úr Jöfnunarsjóði sbr. reglur nr. 884/2007, hlutur sveitarfélagsins er um 88 m.kr.  Hjalti sagði að forstöðumenn standi sig vel í að halda útgjöldum innan ramma.

Reynir Arnarsson ræddi um knattspyrnuhús og staðsetningu þess og taldi að vanda ætti vel ákvörðun um staðsetningu.

Fundargerð samþykkt.

Bæjarráð Hornafjarðar, 396 fundur, dags. 22. október  2007.

·         Menningarmálanefnd Hornafjarðar, 93. fundur 10. október 2007.

·         Umhverfisnefnd Hornafjarðar, 70. fundur 10. september og 71. fundur 11. október 2007.

·         Starfshópur um félagslíf grunnskólanema, 1. fundur 16. október 2007.

Björk Pálsdóttir fagnar því að Umhverfisnefnd hafi farið í skoðunarferð og spyr hvort hún hafi farið á Leirusvæðið og Óslandið.  Einnig ræddi hún um önnur mál c. lið varðandi heilbrigðismál og leggur hún til að bæjarstjórn stilli saman strengi sína í viðræðum við heilbrigðisráðuneytið um þjónustusamning við HSSA.  Hjalti Þór Vignisson sagði frá fundi með ráðgjafa varðandi læknamál og sagði að innan ríkistjórnarinn væri verið að skoða breytingar varðandi öldrunarmál.  Hann ræddi um Need verkefni.  Árni Rúnar Þorvaldsson ræddi einnig um þjónustusamninginn.

Fundargerð samþykkt.

Fundargerð 121.fundar bæjarstjórnar frá 4. október 2007 áður samþykkt.

2.        Erindisbréf fyrir ungmennaráð

Erindisbréfið var samþykkt á fundi æskulýðs- og  tómstundaráðs  20. september 2007 í

bæjarráði Hornafjarðar 1. október 2007.

Bæjarstjórn samþykkir erindisbréfið og felur æskulýðs- og tómstundaráði að kalla ráðið saman til fyrsta fundar.

3.        Fyrirspurnir

Engar.

Fundi slitið kl. 17.20