Fundargerð Bæjarstjórnar 64

64. fundur

Fundur haldinn í Bæjarstjórn Hornafjarðar, fimmtudaginn 5.júní 2003, kl. 16:00 í Ekru.

Mætt voru: Halldóra B. Jónsdóttir, Björn E. Traustason, Einar Karlsson, Elín Magnúsdóttir, Reynir Arnarson, Ólafur Sigurðsson og Kristín Gestsdóttir. Einnig Albert Eymundsson, Inga Jóna Halldórsdóttir, Helgi Már Pálsson og Stefán Ólafsson.

Gengið var til dagskrár.

1.Fundargerðir

Bæjarráð Hornafjarðar 210.fundur fimmtudaginn. 8. maí 2003.

Atvinnumálanefnd Hornafjarðar 7. fundur 5. maí 2003.

Æskulýðs og tómstundarráð Hornafjarðar 50. fundur 5. maí 2003.

Starfshópur um stofnun Jöklaseturs á Hornafirði 6. fundur 29. apríl 2003.

Heilbrigðisnefnd Austurlands 35. fundur 8. apríl 2003 ásamt fylgigögnum - til kynningar.

Kristín Gestsdóttir ræddi um slæma umgengni á mörgum lóðum í sveitarfélaginu og spurði hvernig miðaði í úrbótum þar á. Bæjarstjóri sagði marga hafa brugðist við tilmælum frá byggingafulltrúa um tiltekt en þó væri ástæða til að ýta frekar við mönnum.

Fundargerð samþykkt.

Bæjarráð Hornafjarðar 211.fundur mánudaginn 12. maí 2003.

Fundargerð samþykkt.

Bæjarráð Hornafjarðar 212.fundur fimmtudaginn. 15. maí 2003.

Einar spurðist fyrir um hvort allir hafi fengið starf í vinnuskólanum sem um sóttu og hvort kostnaður við skólann haldist innan fjárhagsáætlunar. Kristín ræddi mikilvægi vinnuskóla í breyttu samfélagi. Hún telur að endurskoða þurfi vinnuskóla á þann veg að öllum unglingum bjóðist þar vinna óski þeir þess. Halldóra Bergljót lagði áherslu á félagslegan þátt vinnskólans. Einnig fjallaði hún um landbrot í Austur-Skaftafellssýslu og áhyggjur af því. Sagði svipað gróið land í hættu í sýslunni og færi undir Hálslón. Albert sagði alla fá vinnu í skólanum sem rétt eiga á samkvæmt reglum um aldursmörk. Þá upplýsti hann að vegna vaxandi fjölda ungmenna í vinnuskóla ykjust útgjöld. Taka þyrfti tillit til þess við endurskoðun fjárhagsáætlunar. Nýjasta áætlun hljóðar upp á um 12,5 millj. í stað rúmlega 10 millj. Albert greindi frá viðræðum við ráðherra vegna landbrots og fyrirhuguðum aðgerðum, þar á meðal hugmyndum um aðgerðir við Hólmsá sem lokar nú leið út á Suðurfjörur fyrir aðra en staðkunnuga.

Fundargerð samþykkt.

Bæjarráð Hornafjarðar 213. fundur fimmtudaginn. 22. maí 2003.

Byggingar- og skipulagsnefnd Hornafjarðar 44. fundur 15. maí 2003.

Félagsmálaráð Hornafjarðar 92. fundur 13. maí 2003.

Menningarmálanefnd Hornafjarðar 48. fundur 14. maí 2003.

Launanefnd sveitarfélaga 187. fundur 14. maí 2003 – til kynningar

Björn spurðist fyrir um lóðir til byggingar smærri húsa 70 – 90 fm. Kristín fagnar því að fyrirhugað sé að gera Sindrabæ að miðstöð fyrir leiklistar- og tónlistarstarfsemi í sveitarfélaginu og að í það verði varið stofnfjárveitingu frá ríkinu. Hún lýsti einnig ánægju með umsóknir um verkefni með styrk frá svæðisvinnumiðlun. Ólafur spurðist fyrir um úthlut lóðarinnar Kirkjubraut 9. Halldóra ræddi fyrirhugaðar endurbætu á Sindrabæ og vísaði þar í málþing sem haldið var í Nýheimum þar sem fram kom eindreginn vilji fundarmanna til að endurbæta húsið. Bæjarstjóri sagði lausar lóðir fyrir smærri byggingar á Leirusvæði. Hann sagði unnið að tillögu að tilfærslu á byggingareit á lóðinni Kirkjubraut 9. Forseti bar upp til afgreiðslu lið 3 í fundargerðinni sem er tillaga að deiliskipulagi á Lönguhólum.

Bæjarstjórn samþykkti tillöguna samhljóða.

Fundargerð samþykkt.

Bæjarráð Hornafjarðar 214. fundur fimmtudaginn. 5. júní 2003

Félagsmálaráð Hornafjarðar 93. fundur 27. maí 2003.

Hafnarstjórn Hornafjarðarhafnar 46. fundur 26. maí 2003.

Heilbrigðis- og öldrunarráð Hornafjarðar 42. fundur 4. júní 2003.

Húsnæðisnefnd Hornafjarðar 50. fundur 22. maí 2003.

Skólanefnd Hornafjarðar 50. fundur 21. maí 2003.

Starfshópur um stofnun Jöklaseturs á Hornafirði 7. fundur 27. maí 2003.

Æskulýðs- og tómstundaráð Hornafjarðar 51. fundur 26. maí 2003.

Reynir spurðist fyrir um fyrirhugaða dýpkun á Grynnslunum. Kristín ítrekaði þörf á úttekt á húsnæði í eigu sveitarfélagsins og að hugað verði að þvi hvort hægt sé að hagræða í þeim málum. Halldóra ræddi um húseignir sveitarfélagsins og möguleika á hagræðingu, jafnvel með sölu eigna. Bæjarstjóri sagði haft sem myndast í innsiglingaleið á Grynnslunum nokkru austan við Hvanney vera helsta farartálmann, einkum fyrir stærri skip á leið til Hafnar. Unnið er að útboði á gerð tilrauna-innsiglingarrennu.

Fundargerð samþykkt.

Bæjarstjórn Hornafjarðar 63. fundur mánudaginn 12. maí 2003 áður samþykkt.

2. Ársreikningar 2002 - síðari umræða

Bæjarstjóri fór yfir þær breytingar sem gerðar hafa verið á ársreikningi sveitarsjóðs frá fyrri umræðu en þær eru að sorphreinsigjöld kr. 16.360.000 og framlag vegna dagvistunar fatlaðra kr. 4.865.000 færist úr skatttekjum og inn á viðkomandi málaflokk. Niðurstöðutölur reikninganna breytast þó ekki. Leiðréttingar þessar eru til komnar vegna mismunandi túlkunar á nýrri framsetningu ársreikninga sveitarfélaga.

Kristín ræddi ársreikninginn og þá erfiðu stöðu sem hann sýni að sveitarfélagið er í. Hún telur að áætlanir sveitarfélagsins þurfi að vera mun nákvæmari og að gera verði kröfu til þess að þær standist betur. Hún benti þó á að oft eru það utanaðkomandi aðstæður sem valda óhjákvæmilegri framúrkeyrslu s.s ný lög og reglugerðir sem auka útgjöld sveitarfélagsins. Halldóra ræddi samkomulag ríkis og sveitarfélaga um að kostnaðarauki við ný lög og reglugerðir verði metinn og honum mætt. Bæjarstjóri sagðist ekki geta tekið undir að fjárhagsáætlanir sveitarfélagsins hafi ekki verið nægilega nákvæmar, þvert á móti hafi þær staðist í megindráttum.



Ársreikningar sveitarfélagsins Hornafjarðar og stofnana þess fyrir árið 2002 voru síðan bornir upp til afgreiðslu. Bæjarstjórn samþykkti samhljóða reikningana.



3. Kosningar

Forseti bar upp eftirfarandi tillögu um kjör í nefndir og ráð í bæjarstjórn til eins árs:

Bæjarstjórn :

Forseti bæjarstjórnar : Elín Magnúsdóttir

Varaforseti : Halldóra B. Jónsdóttir

2. varaforseti : Reynir Arnarson



Bæjarráð : Til vara

Halldóra B. Jónsdóttir Einar Karlsson

Elín Magnúsdóttir Ólafur Sigurðsson

Reynir Arnarson Friðrik Þór Ingvaldsson



Skrifarar bæjarstjórnar Til vara

Björn E. Traustason. Kristín G. Gestsdóttir

Ólafur Sigurðsson Reynir Arnarson



Fulltrúar á Aðalfundur SSA

Aðalmenn Til vara

Halldóra B. Jónsdóttir Björk Pálsdóttir

Björn E. Traustason Vignir Júlíusson

Ármann K. Guðmundsson Einar Karlsson

Þóra V. Jónsdóttir Elín Magnúsdóttir

Reynir Arnarson Ólafur Sigurðsson

Friðrik Þ. Ingvaldsson Margrét Ingólfsdóttir

Kristín G. Gestsdóttir Eyjólfur Guðmundsson

Albert Eymundsson Inga Jóna Halldórsdóttir



Tillagan samþykkt samhljóða.



4. Fyrirspurnir

Engar.


Fundi slitið kl.17:55