Fundargerð bæjarstjórnar 96

96. fundur

Fundur haldinn í Hofgarði, mánudaginn 27. febrúar 2006 kl. 18:00. Mætt voru: Halldóra B. Jónsdóttir, forseti, Einar Karlsson, Björn E. Traustason, Elín Magnúsdóttir, Reynir Arnarson, Ólafur Sigurðsson og Kristín G. Gestsdóttir. Einnig Albert Eymundsson, bæjarstjóri, Ásta H. Guðmundsdóttir, Helgi Már Pálsson, Stefán Ólafsson og Hjalti Þór Vignisson.

1. Fundargerðir

Bæjarráð Hornafjarðar 319. fundur 19. janúar 2006.

· Menningarmálanefnd Hornafjarðar 74. fundur 11. janúar 2006.

Forseti spurði um hvernig vinnu miðaði við endurskoðun á reglum um fjárhagsaðstoð til einstaklinga á aldrinum 18-24 ára sem stunda nám í framhaldsskóla.

Bæjarstjóri upplýsti að félagsmálastjóri hafi safnað gögnum um málið og væri búið að dreifa þeim til fulltrúa í félagsmálaráði. Fundargerð samþykkt.

Bæjarráð Hornafjarðar 320. fundur 26. janúar 2006.

· Hafnarstjórn Hornafjarðarhafnar 73. fundur 19. janúar 2006.

· Heilbrigðis- og öldrunarráð Hornafjarðar 67. fundur ásamt fundargerð stjórnar Gjafa og minningarsjóðs Skjólgarðs 26. fundar 18. janúar 2006.

· Umhverfisnefnd Hornafjarðar 54. fundur 16. janúar 2006.

· Nefnd um íþróttamannvirki, 5. fundur 18. janúar 2006.

Reynir Arnarson ræddi um skýrslu Páls Imsland um Álaugarey og kvikmyndaefni Rafns Eiríkssonar. Þá spurði hann um hvernig mál standa varðandi malarnám í Friðsæld. Bæjarstjóri upplýsti að ákveðnar deilur hafi átt sér stað varðandi Friðsæld en verið sé að vinna að lausn með það að markmiði að skriflegir samningar liggi fyrir um nýtingu á námunni. Forseti ræddi um flutningi á eldhúsi á hjúkrunarheimilið og breytingar á Mjallhvíti og lýsti yfir ánægju með framkvæmdirnar.

Fundargerð samþykkt.

Bæjarráð Hornafjarðar 321. fundur 2. febrúar 2006.

· Almannavarnanefnd Hornafjarðar 28. fundur 25. janúar 2006.

· Félagsmálaráð Hornafjarðar 137. fundur 13. desember 2005 og 138. fundur 10.

· Skólanefnd Hornafjarðar 78. fundur 25. janúar 2006.

· Æskulýðs- og tómstundaráð Hornafjarðar 75. fundur 23. janúar 2006.

· Haust 59. fundur 18. janúar 2006

Reynir Arnarson ræddi um fuglaflensu og spurði um viðbrögð ef flensan berst á svæðið. Forseti ræddi um fund með Flugmálastjórn og fyrirhugaðar framkvæmdir á flugvellinum. Bæjarstjóri upplýsti um samtal sitt við smitsjúkdómalækni. Jafnframt benti bæjarstjóri á heimasíðu landlæknis þar sem upplýsingar liggja fyrir um fuglaflensu.

Fundargerð samþykkt.

Bæjarráð Hornafjarðar 322. fundur 3. febrúar 2006.

Fundargerð samþykkt.

Bæjarráð Hornafjarðar 323. fundur 9. febrúar 2006.

· Félagsmálaráð Hornafjarðar 139. fundur 31. janúar 2006.

· Húsnæðisnefnd Hornafjarðar 65. fundur 31. janúar 2006.

Kristín gerði Norðurljósaverkefnið að umtalsefni og spurði um framhald verkefnisins. Þá spurði hún um hvort sveitarstjórn ætlaði að vinna áfram málefnum tónlistarnema sem stunda nám fjarri heimabyggð.

Reynir Arnarson spurði um hvernig hafi gengið að selja þau ærgildi sem sveitarfélagið átti.

Bæjarstjóri upplýsti um vaxandi áhuga á norðurljósaferðum, innan lands og utan. Þá gerði hann grein fyrir að félagsmálaráðuneytið hafi nýverið úrskurðað um að ákvörðun sveitarstjórnar varðandi tónlistarnám fjarri heimabyggð sé gild. Málinu þurfi hins vegar ekki að vera lokið þar sem enn sé möguleiki á að kæra ákvörðunina til umboðsmanns Alþingis.

Fundargerð samþykkt.

Bæjarráð Hornafjarðar 324. fundur 15. febrúar 2006.

· Byggingar- og skipulagsnefnd 64. fundur, 8. febrúar 2006.

· Hafnarstjórn 74. fundur, 9. janúar 2006. · Menningarmálanefnd Hornafjarðar 75. fundur, 8. febrúar 2006.

· Umhverfisnefnd Hornafjarðar 55. fundur, 6. febrúar 2006.

Fundargerð samþykkt.

Bæjarráð Hornafjarðar 325. fundur 23. febrúar 2006.

· Félagsmálaráð, 140. fundur, 14. febrúar 2006 · Heilbrigðis- og öldrunarráð, 68. fundur 15. febrúar 2006.

· Gjafasjóður Skjólgarðs, 28. fundur 15. febrúar 2006 – lagt fram á fundinum.

· Nefnd um íþróttamannvirki, 4. fundur 5. janúar 2006, 6. fundur 2. febrúar 2006, 7. fundur 7. febrúar 2006, 8. fundur 9. febrúar og 9. fundur 16. febrúar 2006.

· Skólanefnd Hornafjarðar 79. fundur 22. febrúar 2006.

Kristín spurði um ástæður þess að ákvörðun um skipurit HSSA hafi verið frestað.

Bæjarstjóri greindi frá því að aðilar hafi viljað fá lengri tíma til að ganga frá skipuritinu.

Fundargerð samþykkt.

Bæjarstjórn Hornafjarðar 95. fundur 19. janúar 2006 áður samþykkt.

2. Breytingar á aðalskipulagi

Bæjarstjóri fylgdi málinu úr hlaði. Bæjarstjórn Hornafjarðar samþykkir að lóðum við Hvannabraut 3 – 5 verði breytt úr íbúðarsvæði í verslunar- og þjónustusvæði. Lóðin er um 1.840 fermetrar og á henni hefur hin síðustu ár verið starfrækt dvalarheimili fyrir aldraða á vegum sveitarfélagsins.

Breytingin er tilkomin þar sem sveitarfélagið hefur ákveðið að leggja niður núverandi starfsemi og í framhaldi af því verði möguleiki að á fyrrnefndum lóðunum verði möguleiki að starfrækja gistiheimili. Tilgangur með aðalskipulagsbreytingunni er að auka fjölbreytni og gistimöguleika í ferðaþjónustu á svæðinu og skapa um leið aukningu í verslun, þjónustu og atvinnu fyrir íbúa héraðsins. Ferðamennska skiptir sveitarfélagið Hornafjörð miklu máli. Ekki er talið að nein neikvæð umhverfisáhrif hljótist af breytingunni heldur skapi frekar jákvæð áhrif á mannlíf á svæðinu.

3. Sundlaugarmannvirki

Forseti ræddi um þær tillögur sem fram eru komnar vegna uppbyggingar nýrrar sundlaugar. Þá gerði forseti grein fyrir því að fyrstu áætlanir um fjárþörf hafi ekki verið raunhæfar og gera þurfi ráð fyrir auknum fjármunum í framkvæmdir. Að lokum ræddi forseti um að hægt væri að áfangaskipta framkvæmdum.

Kristín Gestsdóttir spurði um útfærslu á áfangaskiptum og lagði áherslu á mikilvægi þess að ný sundlaug henti vel fyrir skólasund.

Reynir Arnarson sagði að ekki ætti að hvika frá því að reisa nýja sundlaug. Hann lýsti yfir stuðningi sínum við að nefnd um íþróttamannvirki vinni áfram að málum í samræmi við þær tillögur sem fyrir liggja. Forseti greindi frá hugmyndum framkvæmdanefndarinnar, t.d. að lögð sé áhersla á að mannvirkin nýtist sem best fyrir alla. Reynir ræddi um áfangaskiptingu á framkvæmdum.

Kristín Gestsdóttir lýsti yfir stuðningi sínum við byggingu sundlaugar en lagði áherslu á að kostnaðaráætlanir væru raunhæfar áður en lagt væri af stað í framkvæmdir.

Björn Emil Traustason taldi ekki sjálfgefið að nauðsynlegt væri að áfangaskipta framkvæmdum.

Bæjarstjórn samþykkir samhljóða að fela starfshópnum að vinna áfram að uppbygginu sundlaugarmannvirkja samkvæmt fyrirliggjandi frumteikningum og tillögum.

4. Hrollaugsstaðaskóli

Bæjarstjórn samþykkir samhljóða tillögu skólanefndar að skóli verði ekki starfræktur á Hrollaugstöðum á næsta skólaári. Þau börn sem nú eru í skólanum sæki nám í Nesjaskóla og Hafnarskóla.

Jafnframt er bæjarstjórn sammála skólanefnd um að ef breyting verður á búsetu í Suðursveit þannig að börnum á grunnskólaaldri, 1.-7. bekk, fjölgi umtalsvert fram yfir það sem nú er verði þessi ákvörðun endurskoðuð.

Einnig samþykkir bæjarstjórn tillögu skólanefndar varðandi framkvæmd á skólaakstri.

5. Fyrirspurnir

Fundi slitið kl. 19.20