Fundargerð bæjarstjórnar 95

95. fundur

Fundur haldinn á Hótel Höfn, fimmtudaginn 19. janúar 2006 kl. 15:00.

Mætt voru: Halldóra B. Jónsdóttir, forseti, Einar Karlsson, Björn E. Traustason, Elín Magnúsdóttir, Reynir Arnarson, Friðrik Þór Ingvaldsson og Kristín G. Gestsdóttir. Einnig Albert Eymundsson, bæjarstjóri, Ásta H. Guðmundsdóttir, Helgi Már Pálsson og Stefán Ólafsson.

Gengið var til dagskrár og eftirfarandi tekið fyrir:

1. Fundargerðir

Bæjarráð Hornafjarðar 314. fundur 1. desember 2005.

· Hafnarstjórn Hornafjarðarhafnar 71. fundur 29. nóvember 2005

· Skólanefnd Hornafjarðar 77. fundur 23. nóvember 2005.

Elín spurði um stöðu mála varðandi byggingu sundlaugar. Friðrik Þór formaður framkvæmdarnefndar vegna íþróttamannvirkja upplýsti að búið væri að ráða hönnuði við verkið og eru það Verkfræðistofa Sigurðar Thoroddsen og Ask teiknistofa og hafa þeir kynnt þrjár tillögur og ákveðið er að vinna áfram með tillögu A sem er staðsetning vestan við íþróttahúsið. Reynir óskaði eftir að bæjarstjóri geri grein fyrir stöðu framkvæmda við Hornafjarðarhöfn. Bæjarstjóri sagði að búið væri að ganga frá samningi við Smíðastofu Sveins Sighvatssonar um byggingu Bátstangabryggju. Friðrik spurði um gjöf Slysavard. Framtíðarinnar um radarmælingartæki og uppsetningu á því. Björn spurði um Háskólasetrið stöðu og framtíð. Halldóra Bergljót ræddi um umferðarspegil á horni Vesturbrautar og Kirkjubrautar. Albert sagði staðsetningu radarmælingatækis vera í skoðun hjá starfsmönnum, sýnishorn af speglum væri komið á staðinn einnig sagði hann að auglýst hefði verið eftir starfsmanni við Háskólasetrið og væri 7 m.kr. framlag til þess á fjárlögum 2006. Fundargerð samþykkt.

Bæjarráð Hornafjarðar 315. fundur 13. desember 2005.

· Félagsmálaráð Hornafjarðar 136. fundur 29. nóvember 2005.

· Menningarmálanefnd Hornafjarðar 73. fundur 7. desember 2005.

· Nefnd um íþróttamannvirki 1. fundur 8. desember 2005.

· Heilbrigðisnefnd Austurlands 58. fundur 30. nóvember 2005.

Fundargerð samþykkt.

Bæjarráð Hornafjarðar 316. fundur 29. desember 2005

· Æskulýðs- og tómstundaráð Hornafjarðar 75. fundur5. desember 2005.

· Nefnd um íþróttamannvirki 2. fundur 15. desember og 3. fundur 22. desember 2005 til kynningar.

Björn Emil spurðist fyrir um vinnu við vaxtasamninginn. Albert sagði að allir aðilar samningsins ættu að vera búnir að skila inn tillögum. Næsta skref væri að forngangsraða þeim og leggja mat á kostnað sagði hann vinnu heimamanna hér hafa verið góða.

Fundargerð samþykkt.

Bæjarráð Hornafjarðar 317. fundur 5. janúar 2006

· Hafnarstjórn Hornafjarðarhafnar 27. og 28. desember 2005.

· Stjórn Sambands íslenskra sveitarfélaga 730. fundar 12. desember 2005.

Björn Emil spurðist fyrir um ráðstefnu um þjóðgarða og NEST verkefnið í Nýheimum 12. janúar sl. Bæjarstjóri svaraði Birni og sagði að fólk hafi verið ánægt með ráðstefnuna og verkefnið. Fundargerð samþykkt.

Bæjarráð Hornafjarðar 318. fundur 12. janúar 2006. Fundargerð samþykkt.

Bæjarstjórn Hornafjarðar 92. fundur 8. nóvember 2005 áður samþykkt.

Bæjarstjórn Hornafjarðar 93. fundur 1. desember 2005 áður samþykkt.

2. Lögreglusamþykkt fyrir Sveitarfélagið Hornafjörð ? síðari umræða

Lögreglusamþykktin samþykkt samhljóða.

3. Þriggja ára áætlun ? seinni umræða

Áætlunin samþykkt með 6 atkvæðum 1 sat hjá. 4.

Kosningar

Forseti gerði grein fyrir að Ari Jónsson og Axel Jónsson hafi beðist lausnar frá setu í hafnarstjórn. Lögð fram tillaga um Pál Guðmundsson sem formann nefndarinnar í stað Ara og Björn E. Traustason varaformann í hafnarstjórn í stað Axels. Samþykkt með 6 atkvæðum 1 sat hjá.

Hjalti Þór Vignisson var kosinn sem varamaður í almannavarnarnefnd í stað Ingu Jónu Halldórsdóttur.

5. Fyrirspurnir

Fleira ekki gert, fundi slitið kl. 16:00