Fundargerð bæjarstjórnar 89

89. fundur

Fundur haldinn í Ekru, fimmtudaginn 8. september 2005 kl. 16:00. Mætt voru: Halldóra B. Jónsdóttir, forseti, Elín Magnúsdóttir, Björn E. Traustason, Reynir Arnarson, Ólafur Sigurðsson og Kristín G. Gestsdóttir. Einnig: Hjalti Þór Vignisson, Ásta H. Guðmundsdóttir og Stefán Ólafsson.

Gengið var til dagskrár. Forseti setti fund og bauð fundarmenn velkomna eftir sumarfrí.

Áður en gengið var til dagskrár minntist hún Þorsteins L. Þorsteinssonar sem lést 31. ágúst sl.og Egils Jónassonar sem lést 2. júlí sl. Bæjarstjórn sendir eiginkonum og fjölskyldum þeirra Þorsteins og Egils innilegar samúðarkveðjur.

1. Fundargerðir

Bæjarráð Hornafjarðar 296. fundur 16. júní 2005.

· Byggingar- og skipulagsnefnd 61. fundur 9. júní 2005.

· Umhverfisnefnd 52. fundur 6. júní 2005.

· Heilbrigðiseftirlit Austurlands 55./24 fundur 8. júní 2005.

Fundargerð samþykkt.

 Bæjarráð Hornafjarðar 297. fundur 23. júní 2005.

Elín Magnúsdóttir gerði að umtalsefni Háskólasetrið og óskaði eftir upplýsingum um stöðu mála.

Kristín G. Gestsdóttir spurðist fyrir um eyðingu minka og refa en minkur gerði sig heimakominn við Hafnarskóla í síðustu viku, einnig ræddi hún um Green globe 21, aðalskiðulag og sundlaugarmál.

Ólafur Sigurðsson ræddi um aðalskipulag og sagði að vinna væri í gangi í byggingarnefnd, fyrirhugaður er vinnufundur í bæjarstjórn og íbúaþing nú í haust. Reynir Arnarson gerði að umtalsefni Hrollaugsstaðaskóla.

Halldóra Bergljót Jónsdóttir benti á að Vegagerðin ætti hrós skilið fyrir hvernig hún gekk frá námu við Volasel einnig ræddi hún um málefni sundlaugar.

Hjalti Þór Vignisson svaraði fyrirspurnum og sagði m.a. að efla þyrfti háskólasetrið, að fá ríkið til að koma beint að rekstri setursins. Hann sagði að þekking á stofnstærð refs og minks sé lítt þekkt og ekki vitað nákvæmlega um skaðsemi þessara dýra. Hann upplýst að menn frá Hönnun á Reyðarfirði væru hér til að skoða hugmyndir um endurbyggingu á gömlu sundlauginni eða nýbyggingu.

 Reynir taldi að sú fjárveiting sem er á fjárhagsáætlun væri til að athuga með byggingu á nýrri sundlaug en ekki endurbyggingu á gömlu lauginni.

Fundargerð samþykkt.

Bæjarráð Hornafjarðar 298. fundur 7. júlí 2005.

· Félagsmálaráð Hornafjarðar 129. fundur 14. júní 2005.

· Heilbrigðis- og öldrunarráð Hornafjarðar 62. fundur 30. júní 2005 ásamt fundargerð Gjafa- og minningarsjóðs Skjólgarðs sama dag. · Skólanefnd Hornafjarðar 73. fundur 22. júní 2005.

Elín Magnúsdóttir gerði að umtalsefni malbikunarframkvæmdir og frágang hér á Höfn og spyr um lok þessara framkvæmda.

Kristín G. Gestsdóttir spyr um það sama og ræddi um frágang eftir framkvæmdir, einnig ræddi hún um menningarmál. Hjalti Þór Vignisson svaraði fyrirspurnum og upplýst að lokavinna sé hafin vegna framkvæmdanna.

Fundargerð samþykkt.

Bæjarráð Hornafjarðar 299. fundur 28. júlí 2005.

Kristín G. Gestsdóttir ræddi um fundargerð skólanefndar varðandi skólastefnu sem er að fara í gang. Hún skorar á og hvetur bæjarbúa til að taka þátt í vinnu við skólastefnuna. Hún ræddi einnig um greiðslur fyrir nemendur í framhaldsnámi í tónskólum utan heimabyggðar og sagði að staða þeirra væri mannréttindabrot og að sá kostnaður sem lendir á nemendum og foreldrum vegna þessa verði þess valdandi þeirra og hugsanlega flytja á brott.

Elín sagði að þetta málefni hafi verið til umræðu um árabil og hafi farið þess á leit að málið yrði tekið fyrir á SSA þinginu sem verður haldið um miðjan september.

Hjalti Þór upplýsti að vinna við skólastefnu hefjist nú í september og að henni ljúki í febrúar 2006. Hann ræddi einnig um tónlistanámið og sagði að verið væri að leita að sem bestum upplýsingum frá öðrum sveitarfélögum um þetta mál.

Fundargerð samþykkt.

Bæjarráð Hornafjarðar 300. fundur 10. ágúst 2005.

Kristín G. Gestsdóttir gerði að umtalsefni góða aðsókn að söfnum og sýningum og lýsir ánægju sinni með það. Hjalti upplýsti að aukning á Jöklasýningu það sem af er ári er um 2000 manns. Fundargerð samþykkt.

Bæjarráð Hornafjarðar 301. fundur 18. ágúst 2005.

· Félagsmálaráð Hornafjarðar 130. fundur 9. ágúst 2005.

Reynir Arnarsson ræddi um jarðhitaleit og að nauðsynlegt væri að ljúka tilraunaborunum. Halldóra B. Jónsdóttir tók undir varðandi jarðhitaleitina.

Fundargerð samþykkt.

Bæjarráð Hornafjarðar 302. fundur 25. ágúst 2005.

Björn E. Traustason spyr um breytingar í Nýheimum. Hjalti Þ. Vignisson sagði að breytingarnar væru vegna óskar Umhverfisstofnunar um aðstöðu fyrir landvörð. Reynir Arnarsson vakti athygli á að búið sé að flýta framkvæmdur við nýja brú yfir Hornafjarðarfljót. Fundargerð samþykkt. Bæjarráð Hornafjarðar 303. fundur 1. september 2005.

· Félagsmálaráð Hornafjarðar 131. fundur 23. ágúst 2005.

· Skólanefnd Hornafjarðar 24. ágúst 2005.

· Fundargerðir stjórnar Sambands íslenskra sveitarfélaga 723. fundar 17. mars , 274. fundar29. apríl, 725. fundar 10. júní, 726. fundar 1.júlí 2005 til kynningar.

Fundargerð samþykkt.

Bæjarstjórn Hornafjarðar 88. fundur 16. júní 2005, fundargerð áður samþykkt.

2. Kosningar

Umhverfisnefnd Hornafjarðar: Aðalmaður og formaður í stað Egils Jónassonar verður Sigurlaug Gissurardóttir. Elín Magnúsdóttir verður varamaður.

Aðalmaður í HAUST verður Björn E. Traustason og Elín Magnúsdóttir til vara.

3. Fyrirspurnir

Fundi slitið kl. 17:50