Fundargerð bæjarstjórnar 82

82. fundur

Mætt voru: Halldóra B. Jónsdóttir forseti, Elín Magnúsdóttir, Einar Karlsson, Björn Emil Traustason, Reynir Arnarson, Ólafur Sigurðsson og Kristín Gestsdóttir. Einnig: Albert Eymundsson, Hjalti Þór Vignisson Ásta H. Guðmundsdóttir, Stefán Ólafsson og Helgi Már Pálsson.

Gengið var til dagskrár.

1. Fundargerðir

Bæjarráð Hornafjarðar 276. fundur 22. desember 2004.

· Heilbrigðis- og öldrunarráð, 56. fundur, dags. 15. desember 2004.

Fundargerð samþykkt.

Bæjarráð Hornafjarðar 277. fundur 6. janúar 2005..

· Atvinnumálanefnd, 15. fundur 20. desember.

Fundargerð samþykkt.

Bæjarráð Hornafjarðar 278. fundur 13. janúar 2005.

Fundargerð samþykkt.

Bæjarráð Hornafjarðar 279. fundur 20. janúar 2005.

· Umhverfisnefnd, 48 .fundur, 10. janúar 2005.

· Félagsmálaráð, 120. fundur, 11. janúar 2005.

· Heilbrigðisnefnd Austurlands, 20. fundur, 12. janúar 2005.

Fundargerð samþykkt.

Bæjarráð Hornafjarðar 280. fundur 27. janúar 2005.

· Menningarmálanefnd Hornafjarðar 64. fundur, 17. janúar 2005.

Fundargerð samþykkt.

Bæjarráð Hornafjarðar 281. fundur 10. febrúar  2005.

· Félagsmálaráð Hornafjarðar 121. fundur, 25. janúar 2005.

· Heilbrigðis- og öldrunarráð Hornafjarðar 57. fundur, 25. janúar 2005.

· Heilbrigðis- og öldrunarráð Hornafjarðar 58. fundur, 1. febrúar 2005.

· Skólanefnd Hornafjarðar 67. fundur, 26. janúar 2005.

· Æskulýðs- og tómstundaráð, 65. fundur, 24. janúar 2005.

Reynir gerði fyrirspurn um stöðuna í raforkumálum vegna breytinga á orkulögum og fyrirhugaðra hækkana.

Björn spurði um málefni Frumunnar og hvernig vinnu í sambandi við tillögu frá Jóni Garðari Bjarnasyni um nýsköpun í atvinnumálum miðaði.

Bæjarstjóri gerði grein fyrir að á bæjarráðsfundi fyrr um morguninn hafi fyrri bókun bæjarráðs um raforkumál verið ítrekuð.  Þá upplýsti hann að á nýliðnum fundi í stjórn Frumunnar hafi verið almenn samstaða um að halda starfseminni áfram.  Bæjarstjóri fagnaði framkominni tillögu Jóns Garðars og því frumkvæði sem þar er sýnt.  Bæjarstjóri gerði málefni Ratsjárstofnunar að umtalsefni og gerði grein fyrir viðræðum sveitarfélagsins við forsvarsmenn og starfsmenn stofnunarinnar.  Þá benti bæjarstjóri á að skólamálaþing sé fyrirhugað laugardaginn, 19. febrúar.

Elín gerði forvarnarmál að umtalsefni.   Hún benti á að 9. bekkur í Heppuskóla sé reyklaus og fyrir það ætti að verðalauna þau sérstaklega.

Fundargerð samþykkt.

Bæjarstjórn Hornafjarðar 80. fundur 22. desember 2004, fundargerð óundirrituð.

2. Þriggja ára áætlun – fyrri umræða

Bæjarstjóri fylgdi áætluninni úr hlaði og sagði m.a.

Bæjarstjórn þarf samkvæmt lögum að gera þriggja ára áætlun fyrir sjóði sveitarfélagsins og að þessu sinni nær hún yfir árin 2006 til 2008. Markmiðið er að varpa ljósi á það svigrúm sem er til sérstakra framkvæmda og stærri fjárfestinga á tímabilinu. Sömuleiðis þarf að skila þriggja ára áætlun fyrir samstæðureikning þ.e.a.s. bæði A-hluta og B-hluta sem eru vatnsveitan, höfnin og íbúðakerfið en heilbrigðisstofnunin HSSA er gerð upp sér. Áætlun til þriggja ára eða lengri tíma sem byggist á fjárhagsáætlun ársins í ár getur aldrei verið alveg nákvæm þó svo að rekstur sveitarfélagsins sé í mjög föstum skorðum. En þær eru samt gott tæki til að átta sig á ákveðinni þróun og hvaða möguleikar eru á framkvæmdum til lengri tíma litið. Sömuleiðis segir langtímaáætlun líka til um hvaða markmið sveitarstjórn setur um stöðu sjóðanna og sveitarfélagsins í heild hvað varðar afkomu og skuldsetningu.

Forsendur áætlunarinnar eru einfaldar. Rekstraráætlun er á föstu verðlagi og allar upphæðir miðast við tekjur og gjöld í áætlun fyrir árið 2005. Gert er ráð fyrir varanlegum fjárfestingum að upphæð 218,6 m.kr., á árunum 2006 til 2008.  Áætlunin gerir ráð fyrir að taka langtímalán að upphæð 194,0 m.kr. og á móti greiða niður langtímalán að upphæð 338,5 m.kr. Langtímalán eiga því að lækka á tímabilinu um 144,5 m.kr. Rétt er að benda á miklar framkvæmdir vegna hafnarsjóðs og vatnsveitu eru áætlaðar eða um 64 m.kr.

Forseti vísaði 3. ára áætlun til annarrar umræðu í bæjarstjórn

3. Staðfesting á breyttu aðalskipulagi við Freysnes í Öræfum

Bæjarstjóri gerði grein fyrir breytingunum.  Málið varðar frístundabyggð og frekari uppbyggingu í Freysnesi.  Málið hefur farið í lögformlegt ferli og engar athugasemdir né kærur hafa borist.

Samþykkt samhljóða.

4. Ráðning framkvæmdastjóra HSSA

(Halldóra vék af fundi og Elín tók við fundarstjórn). 

Ráðningin samþykkt með fimm atkvæðum og Kristín sat hjá.

5. Fyrirspurnir

Engar fyrirspurnir.

Fundi slitið kl. 16.45.