Breytingar í ráðhúsi
Síðast liðið sumar létu Erna Einarsdóttir, aðalbókari, og Hákon Valdimarsson byggingarfulltrúi af störfum. Þann 1. september tóku gildi breytingar á embættum sveitarfélagsins en þær eru helstar að tækni-og umhverfissvið sveitarfélagsins er sameinað fjármálasviði.
Breytingarnar eru þær að Haukur Ingi Einarsson sem hefur verið framkvæmdastjóra tækni- og umhverfisviði verður framkvæmdastjóri hins nýja sviðs sem fær heitið framkvæmda- og fjármálasvið. Haukur Ingi verður jafnframt staðgengill bæjarstjóra. Framkvæmdastjóri fjármála- og framkvæmdasviðs ber ábyrgð á rekstri sviðsins og hefur umsjón með starfsmannmálum innan þess. Fjármálastjóri ber ábyrgð á bókhaldi, áætlanagerð og uppgjöri fyrir sveitarfélagið ásamt því að sinna innra eftirliti. Fjármálastjóri útdeilir verkefnum innan sviðsins er snúa að bókhaldi í samráði við framkvæmdastjóra sviðsins. Launafulltrúi bætir við sig starfshlutfalli fer úr 80% í 100% starf. Auk launamála og gerð launaáætlunar fyrir allar stofnanir sveitarfélagsins sinnir launafulltrúi bókhaldi fyrir HSSA.
Auglýst var í starf umhverfis- og skipulagsstjóra og hefur Gunnlaugur Rúnar Sigurðsson, byggingarfræðingur, verið ráðinn. Hann tekur til starfa snemma árs 2011. Meginhlutverk hans verður að hafa umsjón með byggingar-, skipulags- og umhverfismálum í sveitarfélaginu.
Þessar breytingar fela í sér fækkun um eitt stöðugildi í ráðhúsi.
Skrifa athugasemd