Nýja sundlaugin ársgömul á Sumardaginn fyrsta
Á Sumardaginn fyrsta er ársafmæli nýju sundlaugarinnar. Óhætt er að segja að afmælisbarninu hafi verið vel tekið og það fengið margar og góðar heimsóknir, því um 65.000 gestir hafa litið við og notið gestrisni þess frá opnun. Brátt fer afmælisbarnið að kasta snuddunni og fyrsta tönnin er komin, það er einlæg ósk þess að sem flestir haldi áfram að heimsækja það og njóta þess sem það býður uppá. Í tilefni afmælisins ætlar afmælisbarnið að bjóða öllum þeim sem vilja í smá afmælisveislu. Afmælisveislan byrjar kl. 10:30 með sundleikfimi sem er gott fyrir alla að mæta í Kl. 13:00 hefst afmælissundmóti Sunddeildar Sindra og sundsýning yngstu iðkendanna með léttu ívafi þar sem m.a. frambjóðendur til bæjarstjórnar í vor reyna með sér og lúðrasveitir koma í heimsókn.
Afmælisbarnið býður upp á kaffisopa/svala og auðvitað frítt í sund.
Vonumst til að sjá sem flesta samfagna afmælisbarninu frá kl. 10:00 – 17:00.
Starfsmenn Sundlaugar Hafnar og Sunddeild Sindra
Skrifa athugasemd