Umhverfisviðurkenning 2009
Óskað er eftir tilnefningum til umhverfisviðurkenningar fyrir árið 2009
Óskað er eftir tilnefningum til Umhverfisviðurkenningar Hornafjarðar fyrir árið 2009
Í reglum um viðurkenninguna segir:
Tilgangur viðurkenningarinnar er að vekja íbúa til umhugsunar um gildi náttúru og umhverfis fyrir samfélag og atvinnulíf í Sveitarfélaginu Hornafirði og hvetja þá til að sýna því tilhlýðilega virðingu með sjálfbæra þróun að leiðarljósi.
Viðurkenninguna skal veita einstaklingi (um), félagasamstökum, stofnun eða fyrirtæki þ.m.t. lögbýlum til sveita, sem hefur með athöfnum sínum og snyrtimennsku verið til fyrirmyndar og gert umgengni við náttúru og umhverfi að eðlilegum þætti í störfum sínum og rekstri eða hefur á annan hátt lagt mikið af mörkum til verndunar náttúru og umhverfis.
Einnig veitir Sveitarfélagið Hornafjörður árlega viðurkenningar til einstaklinga fyrir snyrtilega lóð eða götu og til fyrirtækja þ.m.t. lögbýli í sveitum fyrir snyrtilega umgengni og útlit.
Frestur til að tilnefna er miðvikudaginn 10. mars 2010. Tilnefningar ásamt stuttum rökstuðningi skal skila á skrifstofu Ráðhússins, Hafnarbraut 27, 780 Hornafirði.
Hægt er að kynna sér reglurnar á þessari vefslóð. http://www2.hornafjordur.is/stjornsysla/stjornsyslan/nr/5204
Fyrir hönd umhverfis- og tæknisviðs,
Haukur Ingi Einarsson
netfang: haukuri@hornafjordur.is
Skrifa athugasemd