Hugað að sumarstörfum vinnuskóla
Hugað er að undirbúningi vinnuskólans á Höfn og byrjað er að auglýsa eftir vinnusömum flokkstjórum
Hugað er að undirbúningi vinnuskólans hjá Sveitarfélaginu Hornafirði. Það eru hlýindi í janúarmánuði sem minna á vorið og komandi átök við að halda sveitarfélaginu eins snyrtilegu og hægt er en talið er að ágætlega hafi tekist til síðasta sumar. Óskað er eftir umsóknum í eftirfarandi störf vinnuskólans fyrir 22. febrúar n.k.
1. Flokksstjórn í vinnuskóla á Höfn og í Nesjum
Starfið felst í að vinna með unglingum, aðallega í umhirðu grænna svæða sveitarfélagsins.
Umsækjendur þurfa helst að vera 20 ára eða eldri.
Tilvalið tækifæri fyrir þá sem vilja starfa í skemmtilegu umhverfi með skemmtilegum unglingum og öðlast reynslu á sviði stjórnunar.
2. Umsjón með skólagörðum
Starfið felst í því að taka á móti nemendum í yngri bekkjum Grunnskóla Hornafjarðar, leiðbeina og aðstoða nemendur við að rækta grænmeti, kartöflur og salöt. Æskilegt er að umsækjendur séu 18 ára eða eldri. Tilvalið fyrir þá sem hafa áhuga á að vera úti í náttúrunni og vinna með börnum.
3. Vinna við slátt
Umsækjendur þurfa að vera 16 ára eða eldri. Starfið felst í slætti á opnum svæðum, einkagörðum og almennri garðyrkju. Unnið er með m.a. sláttubíl, sláttuvélar og vélorf.
Hentar vel fyrir þá sem vilja vinna úti og í góðum félagsskap.
Umsóknareyðublöð
Umsóknareyðublöð fást á skrifstofu bæjarfélagsins og á http://www2.hornafjordur.is/stjornsysla/upplysingar/Umsoknir/nr/2915
einnig má skila inn rafrænt á netfangið haukuri@hornafjordur.is. Skila ber umsóknum fyrir 22. febrúar nk. Nánari upplýsingar veitir framkvæmdastjóri tækni- og umhverfissviðs í síma 470 8003
Skrifa athugasemd