Hjólað í vinnuna - Hornafjörður í 6 sæti
Nú liggja endanleg úrslit fyrir í verkefninu Hjólað í vinnuna 2006. Verkefnið er liður í fræðslu og hvatningarverkefni ÍSÍ, Ísland á iði. Glæsilegur árangur náðist í heildina og voru öll þau met sem hægt var að slá sleginn. Alls áttu 246 vinnustaðir frá 34 sveitarfélögum lið í Hjólað í vinnuna í ár. Farnir voru hvorki meira né minna en 230,543 km eða 172,18 hringir í kringum landið. Til samanburðar þá voru farnir í fyrra 173.762 km eða 129,8 hringir í kringum landið. Ferðamáti var í 59,98% tilfella á hjóli, 38,37% gangandi, 1,18% með strætó, 0,17% á línuskautum og í 0,29% ferða nýttu þátttakendur eigin orku á annan hátt.
Hér á Hornafirði tóku 6 vinnustaðir þátt í verkefninu og hjóluðu starfsmenn þeirra alls 2666 km. í 850 daga sem dugði í 6. sæti fyrir sveitarfélagið í heildina.
Keppt var um flesta þátttökudaga og flesta kílómetra miðað við fjölda starfsmanna.
Niðurstaðan á Hornafirði er sem hér segir:
Í hópi vinnustaða með 10-29 starfsmenn náði Hafnarskóli 23. sæti af 83. vinnustöðum sem tóku þátt, Leikskólinn Lönguhólar varð í 30. sæti, Heppuskóli í 39. sæti og Náttúrulega (Nýheimaliðið) í 46. sæti.
Í hópi vinnustaða með 30-69 starfsmenn náði HSSA 5. sæti af 49 vinnustöðum sem tóku þátt.
Í hópi vinnustaða með 70-149 starfsmenn náði Skinney/Þinganes 27. sæti af 45 vinnustöðum sem tóku þátt.
Hornfirðingar eru hvattir til að fylgja eftir þessum góða árangri og halda áfram að hjóla eða ganga í vinnuna.
Nánar er hægt að sjá úrslit á vefnum www.isisport.is. Hjólað í vinnuna.
Skrifa athugasemd