Fundargerð bæjarráðs 617

1.

1212012F - Umhverfis- og skipulagsnefnd - 35

Ásgerður spurði um breytingu á sorphirðu í sveitarfélaginu tveggja tunnu kerfi og endurvinnslu, Haukur upplýsti um stöðu málsins.   Björn ræddi þær breytingar sem komu frá á fundinum um deiliskipulag á Jökulsárlóni,  Hjalti upplýsti um málið. Einnig rætt um deiliskupulag vegna akstursíþróttabrautar. 

Fundargerð samþykkt.

2.

201301036 - Stofnbúnaður 2013, Stofnanir Sveitarfélagsins Hornafjarðar.

Lögð fram drög að úthlutun dags. 10. janúar 2013

 Björn Ingi ræddi um kaup á bifreið fyrir tæknideild og umsjón með Bárunni. Umræðu um Báruna frestað þar til síðar á fundinum. Ásgerður benti á hvort fatnaður fyrir slökkvilið ættu ekki heima í rekstrarramma.

Bæjarráð samþykkir framlagðan lista.

3.

201301006 - Málefni Menningarmiðstöðvar

Hjalti gerði grein fyrir fundum með starfsfólki Menningarmiðstöðvar.  Gerði grein fyrir drögum að erindi sem senda eigi starfsmönnum í kjölfarið.  Bæjarráð felur bæjarstjóra áframhaldandi vinnu að málinu, og senda umrætt erindi.

Björn Ingi taldi rétt að öllum starfsmönnum Menningarmiðstöðvar yrði sagt upp og tíminn notaður til að endurskipuleggja starf í menningar- og safnamálum með hlutaðeigandi aðilum.

4.

201203093 - Skipurit fyrir sveitarfélagið

Staða málsins kynnt eftir rýni KPMG og kynningu á forstöðumannafundi, málinu vísað til áframhaldandi vinnu.

5.

201010037 - Refaveiðar í Sveitarfélaginu Hornafirði

Bæjarráð samþykkir framlagðar reglur.

6.

201210013 - Umsóknir um styrki 2013

  Starfsmönnum falið að koma með tillög að úthlutun.

7.

201009100 - Fyrirspurnir - bæjarráð

Fyrirspurn áheyrnarfulltrúa Samfylkingarinnar í bæjarráði vegna reksturs Bárunnar, nýs fjölnota knatthúss í eigu Sveitarfélagsins Hornafjarðar

1. Hvaða aðili innan stjórnkerfis sveitarfélagsins ber ábyrgð á umsjón og eftirliti með starfsemi og nýtingu fjölnota knatthússins, Bárunnar?

Forstöðumaður íþróttmannvirkja.
2. Hvernig er umsjón og eftirliti með nýtingu og starfsemi í húsinu háttað?

Unnið er að skipulagi umsjónar og eftirlits en því ekki lokið.  Forstöðumaður íþróttamannvirkja, fræðslustjóri og framkvæmdastjóri UMF Sindra hafa komið að þeim undirbúningi.

Fyrirspurn áheyrnarfulltrúa Samfylkingarinnar í bæjarráði vegna reksturs Mánagarðs, félagsheimilis og íþróttahúss

1. Hvaða aðili innan stjórnkerfis sveitarfélagsins ber ábyrgð á umsjón og eftirliti með starfsemi og nýtingu Mánagarðs?

Forstöðumaður íþróttamannvirkja.
2. Hvernig er umsjón og eftirliti með nýtingu og starfsemi í húsinu háttað?

Í ljósi slyss sem varð í Mánagarði í desember var ákveðið  að fara í endurskoðun á umsjón með húsinu. Jafnframt hefur bæjarstjóri óskað eftir því við tryggingarfélag sveitarfélagsins að það fari yfir orsakir umrædds slyss.

Bæjarráð óskar eftir að skóla-, íþrótta- og tómstundanefnd taki umsjón og eftirlit með ofangreindum húsum til nánari umræðu.

Árni Rúnar Þorvaldsson

Bæjarfulltrúi Samfylkingarinnar og áheyrnarfulltrúi í bæjarráði