Fundargerð bæjarráðs 601

1.

1207004F - hafnarstjórn Hornafjarðar - 146

Rætt um umferðarmerkingar og hugsanlega einstefnu við Pakkhúsið.  Vísað til umhverfis- og skipulagsnefndar.

Umræður sköpuðust um nýtt starf forstöðumanns hafnarinnar.  Björn Ingi taldi rétt að tititillinn á nýja starfinu væri hafnarstjóri en ekki forstöðumaður Hornafjarðarhafnar, ekki síst vegna þess að sá titill er þekktur í opinberri umræðu.

Fundargerð samþykkt.

2.

1208001F - félagsmálaráð Hornafjarðar - 232

Fundargerð samþykkt.

3.

1208005F - Stjórn Heilbrigðisstofnunar Suðausturlands - 23

Hjalti gerði grein fyrir drög að innheimtubréfi vegna þjónustusamnings um rekstur HSSA.  Bæjarráð tekur afstöðu til málsins nk mánudag og óskar eftir að stjórn HSSA mæti á fundinn til að ræða málið.

Björn Ingi spurði um stöðu mála er varða viðræður við Búmenn.  Ásgerður upplýsti að óskað hafi verið eftir að Búmenn komi á staðinn og kynni starfsemi sína.

Fundargerð samþykkt.

4.

201206031 - Fjárhagsáætlun 2013 - viðauki

Hjalti fór yfir drög að viðauka dags. 2. september 2012.  Árni spurði um tilfærslur á fjármunum vegna framkvæmda.  Einnig rætt um lið 2 í viðaukanum og að endureikna hann með tilliti til þess hvenær nýr starfsmaður hefji störf og vegna skipulagsbreytinga í stjórnsýslu.  Afgreiðslu frestað til næsta fundar.

5.

201206055 - Úrbætur á Leirusvæði

Hjalti sagði frá samtölum við íbúa á Leirusvæði og framkvæmdastjóra HAUST.  Málið er í áframhaldandi vinnslu starfsmanna.  Árni lagði ríka áherslu á að viðunandi lausn fáist á foki á Leirusvæðinu.  Bæjarráð tók undir orð hans.

6.

201208037 - Útboð á raforkukaupum sveitarfélagsins

Bæjarráð samþykkir að bjóða út kaup á raforku og útboðsgögn verði unnin í samvinnu við Ríkiskaup.

7.

201206018 - Viðræður um kennsluhúsnæði Nesjaskóla

Bæjarstjóra falið að draga upp samning við aðila og leggja fyrir bæjarráð.

8.

201208032 - Keðja - markaðssetning svæðisins fyrir listamenn og hópa yfir vetrartímann

Vísað til atvinnu- og menningarmálanefndar.

9.

201208034 - Tillaga að göngustíg á golfvelli

Vísað til umhverfis- og skipulagsefndar.

10.

201208027 - Ósk um samstarf Huldusteins og sveitarfélagsins

Bæjarráð fagnar frumkvæðinu og vísar málinu til atvinnu- og menningarmálanefndar.

11.

201209001 - Ósk um samstarf um uppbyggingu búvélasýningar

Bæjarráð fagnar frumkvæðinu og vísar málinu til atvinnu- og menningarmálanefndar.

12.

201209002 - Ósk um viðræður um uppsetningu Jöklasýningar í Hoffelli

Bæjarráð fagnar frumkvæðinu og vísar málinu til atvinnu- og menningarmálanefndar.

13.

201208038 - Ósk um styrk

Vísað til bæjarstjóra.

14.

201208033 - Strandráðstefna 2013

Vísað til hafnarstjórnar.

15.

201208036 - Ósk um ums. á endurnýjun rekstrarleyfis f. Kaffi Hornið

Engar athugasemdir.

16.

201208035 - Notkun vélknúinna ökutækja við leitir

Vísað til atvinnu- og menningarmálanefndar.

17.

201208039 - Skilgreining á skóladögum í grunnskólum,álit mennta- og menningarmálaráðuneytis til Kennarasambands Íslands

Árni benti á að könnun á vegum Sambands sveitarfélaga og Kennarasambandsins hafi verið gerð á viðhorfi grunnskólakennara til kjara og starfsumhverfis.  Ræddi mikilvægi þess að könnunin yrði rædd í bæjarráði eða skólanefnd.

Málið til kynningar.

18.

201207015 - Ósk um framkvæmdaleyfi til kvikmyndatöku

Bæjarráð samþykkir umræddar framkvæmdir fyrir sitt leyti.

19.

201009100 - Fyrirspurnir - bæjarráð

Fyrirspurn áheyrnarfulltrúa Samfylkingarinnar

Undanfarna daga hafa borist fréttir af kaupum Síldarvinnslunnar hf í Neskaupstað á útgerðarfélaginu Bergur- Huginn ehf frá Vestmannaeyjum og áhuga Vestmannaeyjabæjar á að verja kvótastöðu sveitarfélagsins með því að nýta sér forkaupsrétt á skipum Bergs-Hugins með vísan til 12. gr. laga um stjórn fiskveiða. Í ljósi þessara frétta spyr áheyrnarfulltrúi Samfylkingarinnar bæjarstjóra, hvort hann telji að beiting 12. gr. laga um stjórn fiskveiða komi til greina, standi Sveitarfélagið Hornafjörður frammi fyrir sömu stöðu og Vestmannaeyjabær gerir í dag.

Svar: Bæjarstjóri telur að inngrip sveitarfélagsins í atvinnurekstur í sveitarfélaginu verði að meta í hverju tilfelli fyrir sig, út frá heildarhagsmunum samfélagsins sem, heimildir í lögum um slík mál og reglum í sveitarstjórnarlögum um skuldsetningu og fjárfestingu sveitarfélaga.