Fundargerð bæjarráðs 599

Lögð fram drög að minnisblaði um helstu áhersluatriði í viðræðum við alþingismenn og ráðherra. Samþykkt að bæjarráðsmenn sendi athugasemdir við drög að minnisblaði til bæjarstjóra

og það síðan endanlega afgreitt í bæjarráði.   Stefnt að fundum í tengslum við fjármálaráðstefnu sveitarfélaga í haust. Bæjarstjóra falið að bóka fundi með viðeigandi aðilum.

Björn Imsland sat fundinn undir þessum lið og þremur næstu.

Lögð fram drög að yfirliti um framkvæmdir, viðhald og sérstök verkefni áranna 2013-2014.  Bæjarstjóri sagði að áhersla verði lögð á að ljúka við Heppuskóla,

fegrun opinna svæða á Höfn og við félagsheimili í sveitum sem og umfangsmiklar úrbætur á gangstéttum og götum.  Sagði bæjarstjóri mikilvægt að hefja þegar undirbúning að

lagfæringum á götum og gangstéttum á Hafnarbraut og á Leirusvæði með það að markmiðið að framkvæmdum yrði lokið fyrir næsta vor.

Þá sagði bæjarstjóri jafnframt að marka þurfi fjármuni til safnamála, gerð deiliskipulags við Holt auk annarra slíkra verkefna. Undir þessum lið var rætt um ástand slökkvistöðvar og

endurbætur sem þar þarf að fara í.  

Lögð fram drög að forsendum fyrir fjárhagsáætlun 2013. Hjalti lagði til að forsendur fjárhagsáætlunar verði ræddar á fundi bæjarstjórnar í september.

Fram kom að í núverandi fjárhagsáætlun er heimild til að taka lán á þessu ári fyrir allt að 50 millj. króna en ekki liggur fyrir hvort sú heimild verði nýtt.

Vegna hugsanlegra framkvænda við Hafbarbraut o.fl. götur benti Björn Ingi á að mikilvægt sé að rætt verði við veitustofnanir, svo sem Símann og RARIK, sem þyrftu að gera ráð

fyrir tengdum framkvæmdum í sínum áætlunum. Samþykkt að forsendum fjárhagsáætlunar verði vísað til áframhaldandi vinnu.

Lögð fram útboðsgögn vegna byggingar einnar deildar við Krakkakot.  Samþykkt að ákvörðun um útboð verði tekin á næsta fundi bæjarráðs.

Reynir óskaði eftir tölum um fjölda leikskólabarna og stöðu starfsmannamála í leikskólunum.

Farið yfir stöðu framkvæmda við Gömlubúð og m.a. rætt um hvaða verk ættu að vera að baki, sbr. áður samþykkt útboð. Lögð áhersla á að lokið verði framkvæmdum utan húss.

Björn Ingi lagði áherslu á að vönduð verði sem best öll vinna við við útboðsgögn þannig að verk sem ættu að vera fyrirséð falli ekki undir aukaverk.

Samþykkt að Björn Imsland leggi fyrir bæjarráð yfirlit yfir allan áfallinn kostnað vegna framkvæmda við Gömlubúð.  

Kvörtun vegna sandfoks kom upphaflega frá íbúum á Leirusvæði sem beindu henni til Heilbrigðiseftirlits Austurlands. 

Hjalti greindi frá því að hann hafi upplýst HAUST um þær ráðstafanir sem gripið hafi verið til nú í sumar.  Sagði hann, eftir samtal við verkstjóra í Áhaldahúsi, að vel hafi gengið að þökuleggja, sá og gera aðrar ráðstafanir til að hefta fok.  Nú eigi eftir að reisa "sandfangara" á uppdælingarsvæðinu til heftingar á foki.

Reynir bauð Ragnhildi Jónsdóttur, sem sat fundinn undir þessum lið, velkomna til starfa og sagðist vona að bæjarráð ætti eftir að eiga við hana langt og gott samstarf.

Lagður fram tölvupóstur frá Sverri Mar Albertssyni, starfandi framkvæmdastjóra Austurbrúar, vegna stöðu framhaldsfræðslu og fjarnáms á Háskólastigi á Höfn. 

Bæjarstjóri gerði grein fyrir atburðarrás í starfi Austurbrúar á síðustu vikum og samtölum við forsvarsmenn stofnunarinnar.

Fram kom við fyrrirspurn Björns Inga að tímabundin staða verkefnastjóra Þekkingarnets á Höfn hafi ekki verið auglýst. 

 Bæjarstjóri falið að leita eftir að gerður verði samningur við Austurbrú vegna starfsemi Þekkingarnetsins á Höfn og leggja fyrir bæjarráð.  

Áður en lögð voru fram svör við fyrirspurnum fulltrúa Sjálstæðisflokksins sagðist bæjarstjóri harma þau mistök sem áttu sér stað í aðdraganda mannlífsþáttar RÚV auk annarra mála sem komið hafa upp fyrr á þessu ári.  Þau mál hafa ítrekað verið rædd við hlutaðeigandi aðila og eru ekki enn til lykta leidd.  Samt hafa þegar verið gerðar breytingar á skipulagi í stjórnsýslu sveitarfélagsins. 

Þannig hefur umhverfis- og skipulagsmálum verið breytt þannig að öll mál sem þeim tengjast eru endanlega á ábyrgð umhverfis- og skipulagsstjóra og eftir atvikum umhverfis- og skipulagsnefndar.  Þá hefur umsjón með verklegum framkvæmdum verið breytt þannig að umsjónarmaður fasteigna, verkstjóri í Áhaldahúsi og starfsmaður Verkfræðiþjónustunnar beina sínum málum beint til bæjarstjóra og bæjarráðs eftir atvikum.  Auk þess liggur fyrir að farið verður í gagngerar skipulagsbreytingar í stjórnsýslu ráðhússins núna í haust, þegar nýr upplýsinga- og gæðastjóri tekur til starfa. 

Bæjarstjóri sagði það sína skoðun að það sjónvarpsefni sem liggur fyrir í kjölfar gerð mannlífsaþátta RÚV, sem er mun meira en það sem sýnt var í þáttunum tveimur, muni nýtast við kynningu á sveitarfélaginu í framtíðinni. Jafnframt að þær framkvæmdir sem ráðist var á hafnarsvæðinu voru til bóta og eru hvatning til þess að ráðast í lagfæringar og endurbætur á fleirum opnum svæðum í sveitarfélaginu.  Engu að síður er málið litið alvarlegum augum, sérstaklega er lítur að framúrkeyrslu samþykktrar kostnaðaráætlunar og samskiptum við verktaka í sveitarfélaginu að undanförnu.

Lögð fram svör við fyrirspurnum bæjarfulltrúa Sjálfstæðisflokksins vegna byggingar knattspyrnuhúss og gerðar mannlífsþáttar á vegum RÚV.

Fyrirspurn fulltrúa Sjálfstæðisflokksins í bæjarráði Hornafjarðar vegna byggingar fótboltahúss yfir gervigrasvöll.

Nú standa yfir framkvæmdir við byggingu húss yfir gervigrasvöllinn sem gerður var fyrir um tveim árum. Húsið sjálft er gjöf frá fyrirtækinu Skinney Þinganes ehf. Nauðsynlegt er fyrir kjörna fulltrúa að fá upplýsingar um ýmis mál þessu tengd, einkum ef einhver kostnaður þessu tengdur fellur á bæjarsjóð því ekki var gert ráð fyrir fjárframlögum í þessa framkvæmd.

A.                 Hver er ástæða þess að grafa þarf upp lagnir að vellinum sem lagðar voru við gerð vallarins. ?

Ástæðan fyrir því er að þær voru á þeim stöðum sem að staurar og sökklar byggingarinnar koma og því eina leiðin að fjarlægja þær.

Hvaða lagnir er verið að fjarlægja ?

Fjarlægðar voru stofn fyrir snjóbræðslukerfi, dreifikistur fyrir snjóbræðslu og snjóbræðslulagnir voru skornar í sundur upp við völlinn þar sem ekki var hægt að koma þeim fyrir fyrir innan sökkla þar sem lítið pláss er fyrir þær þar. Snjóbræðslulagnir lágu með ca. 25 cm bili við allan NA-enda vallarins og því ekki hægt að reka niður staura þar né slá upp sökkli með góðu móti og því var ákveðið að klippa á þær allar og sjóða þær síðan saman aftur þegar sökkulinn er kominn. Ídráttarrörum verður komið fyrir í sökklum þannig að snjóbræðslulagnir liggja í gegnum sökklana eftir að búið verður að sjóða þær saman aftur.

Drenlagnir við NA-enda vallarins voru fjarlægðar.

Skólplagnir við NV-hlið vallarins var fjarlægð en skólplögn við NA-enda vallarins var látin vera þar sem  hún var staðsett nægjanlega langt frá væntanlegum sökklum.

Neysluvatnslögn við SV-horn vallarins var færð um ca. 1 m, sjóða þurfti bút í hana til að koma henni út fyrir væntanlegan sökkul.

a.                  Hver er kostnaðurinn við að fjarlægja lagnirnar ?

Bókfært eru um 300 þúsund krónur vegna þessa verkefnis.

b.                  Hver er kostnaðurinn við að leggja og tengja þær að nýju ?

Það er ekki búið að áætla það ennþá en það hleypur á hundruð þúsunda króna.

Hér má bæta við að rekstur snjóbræðslukerfis á gervigrasvelli nam árið 2011 alls 2,3 m.kr. og það sem af er ári 2012 nemur rekstur kerfisins 2,2 m.kr.  Yfirbygging vallarins mun lækka þessa tölu umtalsvert.

c.                   Hvað nýtist af þeim lögnum sem lagðar voru við lagningu gervigrasvallar ?

Stærsti hluti lagna (ef ekki allar) sem lagður var við lagningu gervigrasvallar nýtist að nýju.

B.                  Þegar ákveðið var að byggja gervigrasvöll var einnig ákveðið að hanna hann þannig að hægt væri að byggja yfir hann síðar.

a.                  Var þeirri ávörðun breitt og þá hvers vegna ?

Nei.

b.                  Ef svo er hver tók þá ákvörðun ?

Þegar gervigrasvöllurinn var byggður lágu ekki fyrir neinar  fullnaðarteikningar á því húsi sem hugsanlega kæmi einhvern tíman yfir gervigrasvöllinn.  Lykilatriði var að hægt yrði að reisa húsið án þess að laska völlinn sjálfan.

c.                   Er aukakostnaður vegna þess að steypa þarf steinsúlur og reka þær niður umhverfis völlinn en ekki steyptir hefðbundnir sökklar ?

Sveitarfélagið ber ekki þann kostnað.

d.                  Ef svo er hver er hann og hver ber kostnaðinn ?

Verkkaupi ber þann kostnað.  Sveitarfélagið hefur því ekki upplýsingar um kostnað.

e.                  Er einhver annar kostnaður sem ekki er spurt sérstaklega um sem fellur á sveitarfélagið við þess framkvæmd ?

Upptaka á girðingu með kostnaði upp á 900 þúsund.

C.                  Girðing umhverfis gervigrasvöllinn

a.                  Hver var kostanaður við girðingu umhverfis fótboltavöllinn skipting milli efnis og vinnu ?

Efniskostnaður var 2.177.578

Vinna við uppsetningu var 1.211.750

b.                  Er hægt að selja þessa girðingu eða nýta annar staðar ?

Hægt er að nota þessa girðingu í margvíslegum tilgangi. TIl dæmis fyrir hafnarverndina.

D.                 Það lá fyrir að Skinney Þinganes gaf sveitarfélaginu 60 milljónir á afmælisári sínu. Sú gjöf var skilyrt því að reist yrði fótboltahús og því var hún ekki greidd út þegar ákveðið var að byggja aðeins gervigrasvöll á sínum tíma.

a.                  Hafði meirihlutinn eða bæjarstóri einhverja vitneskju um hugmyndir eða vilja Skinneyjar Þinganes til að byggja og gefa sveitarfélaginu fótboltahús á þeim tíma sem ráðist var í gerð gervigrasvallarins ?

Nei.

b.                  Hafði meirihlutinn eða bæjarstóri einhverja vitneskju um hugmyndir eða vilja Skinneyjar Þinganes til að byggja og gefa sveitarfélaginu fótboltahús á þeim tíma sem ráðist var í að girða fótboltavöllinn af ?

Nei.

Fyrirspurn fulltrúa Sjálfstæðisflokksins í bæjarráði Hornafjarðar vegna kostnaðar og skipulagsmála við gerð mannlífsþáttar RUV dagana 15 til 18 júní 2012.

Svör við fyrirspurn vegna mannlífsþáttar í ríkissjónvarpinu bárust bæjarráðsmönnum í tölvupósti.

Hver er heildarkostnaður á verkinu ?

Samtals bókfærður kostnaður er 9.657.265.-.  Hluti færist á verkið Gamlabúð og hluti færist á umhverfi hafnarsvæðis, samtals 1.424.306.- hluti færist á verkfæra og stofnbúnaðarkaup Áhaldahússins, samtals 350.000.-

Vinna og vélavinna sveitarfélagsins, tæknideild, áhaldahús, vélavinna áhaldahúss, vinnuskóli, er samtals 4.153.131.-

Samtals bókfærður kostnaður á verkið er 13.810.396.-

a.       Hvernig skiptist hann á milli efniskaupa og vinnu ?

Áætluð skipting er Efnis- og þjónustukaup = 4.783.124.-, Vinna 4.874.142.-

b.      Hvaða verktaka fengu greitt fyrir vinnu og hvað mikið ?         

c.       Hvaða félagasamtök fengu greitt og hvað mikið ?

3. fl. Sindra fengu greiddar 75.000.- kr í fjáröflun v/Noregsferð

d.      Hvaða einstaklingar fengu greitt og hvað mikið ?

Sjá svar við lið B.

e.      Hvernig sundurliðast efniskaup á verkþætti ?

Verkefni
  
 

 
Verkefni
 

f.        Var eitthvað að efni sem lagt var til framkvæmda til á lager hjá bænum ?
Já

g.       Ef svo er hvert er virði þess efnis ?

Áætlað virði efnisins, Girðingastaurar 18 stk = 180.000.-, Ljósastaurar 2 stk = 50.000.- Stólpaefni = 300.000.-.  Samtals 530.000.-

B.      Hver er skiptingin á milli aðkeyptrar vinnu og vinnu starfsmanna sveitarfélagsins ?

Aðkeypt vinna samkvæmt A.a lið hér að ofan er 4.874.142.-, vinna áhaldahúss er bókfærð 1.113.560.- samtals vinna er 5.987.702.-

a.       Hvað fór mikill tími starfsmanna ráðhús í þetta verkefni og hver er kostnaðurinn ?

Áætlaður tími starfsmanna ráðhússins eru tvær vikur framkvæmdastjóra fjármála- og framkvæmdasviðs, ein vika umsjónarmanns fasteigna, samtals áætlaður kostnaður er 451.635.-

b.      Hvað fór mikil vinna starfsmanna áhaldahúss í verkefni og hver er kostnaðurinn ?

Samtals bókaðir tímar í verkið eru 679 tímar.   Kostnaður út frá útseldri vinnu er 1.113.560.-

c.       Hver er kostnaður áhaldahús við verkefnið annar en b. Liður og í hverju fellst hann ?

Samtals bókaðir tímar í verkið vegna vélavinnu eru 445 tímar.  Kostnaður vegna vélavinnu er bókfærður 1.077.345.- .

d.      Hvað fór mikil vinna vinnuskólans í verkefnið og hver er kostnaðurinn ?

Áætlaður tímafjöldi vinnuskólans eru fjórir dagar, laun, launatengd gjöld og lífeyrissjóðsframlög eru áætluð samtals 1.510.591.-   Hluti af undirbúningi nýttist einnig sem undirbúningur fyrir Humarhátíð.

e.      Hver er kostnaður við ferð á Sauðarkrók vegna stensla ?

Áætlaður kostnaður við akstur er 113.000.-

f.        Hver er kostnaður við skemmd á ljósleiðara ?

358.832.-

C.      Hvernig er eigin tækjavinna kostnaðarreiknað ?

Eigin tækjavinna er kostnaðarreiknuð út frá tímagjaldi véla og fjölda tíma hverrar vélar fyrir sig.

a.       Tímagjald traktorsgröfu og fjöldi tíma ?

Tímagjald traktorsgröfu er 2.421.- og fjöldi tíma á verkið er samtals 137, ( opin svæði 91, klöpp 46 )

b.      Tímagjald dráttavélar og fjöldi tíma ?

Tímagjald dráttarvélar er 2.421.- og fjöldi tíma á verkið er samtals 196, ( opin svæði 164, klöpp 32 )

c.       Tímagjald dráttavélar með sturtuvagn og fjöldi tíma ?

Tímagjald sturtuvagns er 2.421.- og fjöldi tíma á verkið er samtals 112, ( opin svæði 80, klöpp 32 )

D.      Hver stóran hluta þessarar framkvæmdar má telja sem varanlega eign eða framkvæmd og í hverju fellst þá sú eign ?

Endurskoðendur sveitarfélagsins munu meta hvort ástæða sé til að eignfæra hluta af framkvæmdinni í bækur sveitarfélagsins.  Færa má líkur að því að söluhjallar sem byggðir voru geti flokkast undir sem varanlega eign en sennilega með skamman afskriftartíma.  Söluhjallarnir eru hugsaðar sem innáskiptingar fyrir gáma sem notaðir hafa verið á mannmótum á Höfn hingað til.  Auðvelt er að færa þá til á önnur svæði standi vilji til þess.  Nokkur stór hluti af framkvæmdum voru breytingar á opnum svæðum og fegrum þeirra sem ekki verða eignfærðar.

E.       Hvað er það sem verður fjarlægt og sett í fyrra horf ?

Vegna áforma um frekari uppbyggingu á svæðinu verður deiliskipulagið endurskoðað nú á haustmánuðum.  Það liggur fyrir að núgildandi skipulag svæðisins gerir ráð fyrir bílastæðum við suðurhlið svokallaðrar skreiðarskemmu þar sem nú standa fjórir söluhjallar, þrjú borð sem áður voru kefli fyrir rafmagnskapla, sethnallar sem auðvelt er að færa til og þrjár súlur sem reistar voru á svæðinu.  Ef vilji stendur til þess hjá umhverfis- og skipulagsnefnd að fella svæðið út sem bílastæði að þá getur það hæglega staðið eins og það er í dag en að öðrum kosti þarf að fjarlæga hjalla, hnalla og borðin sem áður voru rafmagnskefli.

Einnig er ljóst að taka þarf umræðu um svæðið milli Pakkhúss og Graðalofts.  Þar stendur klöpp eftir með handriðum, litlum palli og grænu svæði með leiktækjum fyrir börn.  Hægt yrði að taka þökurnar sem nú eru á svæðinu og klæða klöppina aftur í þann búning sem hún var í áður en ráðist var í framkvæmdir, svæðið yrði þá eins og áður var þó með handriðum við klöppina og setbekkjum við hana.

F.       Er einhver kostnaður sem aðrar stofnanir sveitarfélagsins en þær sem hér hafa verið nefndar bera vegna verkefnisins. ?

Ekki svo vitað sé.

G.     Eru einhver áform um frekari framkvæmdir á svæðinu og ef svo er í hverju felast þær ?

Skipulag svæðisins gerir ráð fyrir endurgerð húsa sem standa og stóðu á svæðinu.  Kunnugt er um áhuga Fosshótela á uppbyggingu þarna.

H.      Hver eru rökin fyrir því að ekkert af þeim framkvæmdum sem farið var í vegna þessa verkefnis hefur fengið lögformlega umfjöllun inna stjórnsýslu sveitarfélagsins ?

Rökin voru þau að í boði var sjónvarpsþáttur sem sýndur yrði á RÚV og drægi athygli að sveitarfélaginu.  Valið stóð á milli þess að fá tökulið RÚV á staðinn, fá aðgang að öllum þeim hreyfimyndum sem myndaðar voru á meðan teymið var á Höfn og fór um allt sveitarfélagið að leita fanga, eða hafna hugmyndinni og beina þeim annað.  Í upphafi var stefnt að tökum á allt að sex stöðum á landinu en þegar teymið sem vann að hugmyndinni fór betur yfir málin fannst þeim ljóst að þau myndu ekki ráða við svo umfangsmikið verkefni á einu vori.  Því varð Hornafjörður og Vestmannaeyjar fyrir valinu í vor en stefnt er á fleiri þætti seinna, og eins að koma þeim í drefingu til Norðurlandanna.  Sveitarfélagið Hornaförður fær aðgang að öllu efni sem myndað var á meðan tökulið RÚV var á staðnum.  Í því felast umtalverð verðmæti og eins eru líka verðmæti í því fólgin að fá sýningartíma hjá RÚV upp á samtals 100 mínútur auk þess sem hugsanlega kann að  verða í framtíðinni með sjónvarpsstöðvar á Norðurlöndum.

a.       Í hvaða stöðu setur það starfsfólk sveitarfélagsins þegar ekki er farið að lögformlegum reglum við slíka framkvæmd ?

Umhverfis- og skipulagsstjóri ráðfærði sig við Skipulagsstofnun vegna málsins.  Ljóst er að uppsetning söluhjalla á svæðinu hefði þarfnast lögformlegrar umfjöllunar og íhugaði hann að setja lögbann á framkvæmdina.  Hér þarf að hafa í huga að forsvarsmenn sveitarfélagsins voru settir í vonda stöðu nokkrum dögum fyrir töku sjónvarpsþáttanna.  Þá voru hugmyndir um söluhjallanna fyrst kynntar og ljóst að valið stæði þá á milli þess að láta hugmyndina verða að veruleika eða taka fyrir verkefnið og beina tökuliði RÚV á aðra staði. 

Við þetta má bæta að hönnuðir bera einnig ábyrgð á framkvæmdum sem þeir koma að.

b.      Hvaða fordæmi er sveitarfélagið að gefa út í samfélagið þegar það fer ekki að settum reglum ?

Um er að ræða nær algjörlega afturkræfa framkvæmd.  Auðvelt er að flytja söluhjalla til og taka þau svæði sem áður voru bílastæði aftur til síns fyrra horfs.  Nú kemur það til kasta umhverfis- og skipulagsnefndar hvort vilji standi til þess að laga skipulagið að þessum breytingum eða að það verði fært aftur til fyrra horfs.  Því hefur ekkert fordæmi skapast.

c.       Hvað var það sem réði því að ráðist var í allar þessar framkvæmdir á þessum stað en ekki t.d. miðbæ sveitarfélagsins ?

Fyrstu hugmyndir sem bæjarstjóri viðraði við teymið sem vann að undirbúningi framkvæmda og þáttarins var að horfa á göngustíginn við strandlengju Hafnar en þá lágu fyrir ýmsar hugmyndir um uppbyggingu áningarstaða á stígnum.  Hönnunarteymið fór víða um land og skoðað bæi og þorp.  Þau voru sammála eftir þá skoðun að það sem sammerkt væri með þessum stöðum og væri í raun hjarta þeirra væri höfnin og hafnarsvæðið.  Vildu þau með þættinum reyna að leitast við að draga saman hefðbundna starfsemi við hafnir og nýsköpun í formi matvæla, ferðaþjónustu, hönnunar og annarra sviða atvinnu- og mannlifs.  Það er óumdeilt að ráðast þarf á fleiri opin svæði í sveitarfélaginu, innan þéttbýlisins og utan þess.  Í umræðunni hefur verið að ráðast í úrbætur á umhverfum félagsheimila, verslunarkjarna á Höfn, Hafnarbrautar og Víkurbrautar.

Björn Ingi fór yfir fyrirliggjandi svör við fyrirspurn um kostnað við mannlífsþátt. Benti hann á að sú verkþáttaskipting sem fram kemur sé ekki nógu skýr það þurfi að koma fram hver er heildarkostanaður við hvern verkþátt svo sem sölukofana, seglin,pallinn bak við pakkhúsið, aðgerðir á klöppinni, málun á miklagarði og miðsvæðinu að kostnaðinum verði skipt niður á einstök verkefni sem í gangi voru. Einnig bendir hann á að það vanti í það minnsta reikning frá einum verktaka í uppgjörið. Einnig gerði hann að umtalsefni lítin tímaafjölda starfsmanna ráðhúsins í verkinu sem og lágt tímagjald á vélar og tæki sveitarfélagsins. Ekki er heldur ljóst hvort þær tölur sem fram koma eru með eða án virðisauka allar eða hluti þeirra. Eru þær stofnanir sveitarfélagsins sem verða látnar bera þennan kostnað með burði til þess innan sína fjárhagsramma eða verður að breita römmum þeirra til að standa undir þessu.  Björn Ingi spurði einnig um hver ber ábyrgð á þessari umframeyðslu og hvernig, taldi eðlilegt að það kæmi fram. Björn Ingi gerði að umtalsefni stöðu þess starfsmanns sem bar ábyrgð á verkinu og taldi í það minnsta væri niðurstaða sem fram kemur í svörunum við fyrirspurninni ástæða til áminningar.

Ásgerður óskaði eftir að metið verði hver áhrif boðaðrar hækkunar á virðisaukaskatti verði á ferðaþjónustu í sveitarfélaginu.

Undir þessum lið greindi Stefán frá því að þar sem hann væri að hætta sem framkvæmdastjóri fræðslu- og félagssviðs vildi hann þakka bæjarfulltrúum, sem og öðrum kjörnum fulltrúum sveitarfélagsins, fyrir gott samstarf þau rúmlega fimmtán ár sem hann hafi starfað í ráðhúsinu.

Reynir þakkaði Stefáni fyrir gott og ánægjulegt samstarf. Þetta hafi í alla staði verið ánægjulegt og lærdómsríkt samstarf. Tóku aðrir bæjarráðsmenn undir orð Reynis.