Fundargerð bæjarráðs 547

Bæjarráð vill koma fram þakklæti til viðbragðsaðila og aðgerðarstjórnar fyrir störf þerra í tengslum við gosið í Grímsvötnum.  Í ljósi þeirrar reynslu sem fengist hefur gos í Grímsvötnum beinir bæjarráð því til almannavarnarnefndar að endurskoða áætlun um viðbrögð við náttúruvá.

Fundargerð samþykkt.

Flosi Eiríksson, Sigurjón Arnarson og Hlynur Sigurðsson frá KPMG komu á fundinn undir þessum lið ( í síma ).  Rætt um hugmynd  og tilboð þeirra um úttekt á áhrifum breytinga á fiskveiðistjórnun fyrir Hornafjörð.  Hvaða áhrif frumvarpið geti haft á rekstrarreikning sveitarfélagsins, sjáverútveg á Hornafirði og afleidd störf.   Árni ræddi  trúverðugleika úttektarinnar út frá tengslum KPMG við sjávarútvegsfyrirtæki. Hlynur fór yfir tengsl KPMG við sjávarútvegsfyrirtæki, taldi hann að þau tengsl eigi ekki að hafa áhrif á faglega niðurstöðu úttektarinnar.  Umræður sköpuðust um kostnað við úttektina.  Bæjarráð felur bæjarstjóra að fá nýtt tilboð í verkið í ljósi umræðna á fundinum.

Áheyrnarfulltrúi Samfylkingarinnar lagði fram eftirfarandi bókun:

Ástæða er til að fagna því að frumvarp til breytinga á fiskveiðistjórnunarkerfinu er komið til meðferðar Alþingis. Með því hefur mikilvægt skref verið stigið í þá átt að aflétta óvissu um rekstrarumhverfi sjávarútvegs. Mikilvægt er að bæjarstjórn Sveitarfélagsins Hornafjarðar fylgist vel með umræðum um málið á Alþingi því töluverðar líkur eru á því að málið taki breytingum í meðförum þingsins. Vönduð vinnubrögð og málefnaleg umræða eru lykilatriði í þeirri vinnu sem framundan er á Alþingi, ekki síst í því ljósi að margt bendir til þess að framtíð fiskveiðistjórnuarnkerfisins verði á endanum útkljáð í þjóðaratkvæðagreiðslu.

Hjalti vék af fundi að loknum þessum lið.

Björn Ingi ræddi þriðja lið er varðar félagsstarf þeirra sem eldri eru en 16 ára.  Umræður sköpuðust um hvaða leiðir eru bestar til að virkja ungmennaráðið.

Árni Rúnar fjallaði um bókun nefndarinnar um ráðningu í stöðu verkefnisstjóra við Grunnskóla Hornafjarðar.

Ásgerður fór yfir ráðningu verkefnisstjóra og lagði fram eftirfarandi tillögu:

Lagt er til að bæjarstjóra verði falið að setja af stað vinnu við endurskoðun reglna um ráðningar hjá Sveitarfélaginu Hornafirði.  Í þeim reglum verði settar fram leiðbeiningar til þeirra sem ráða í störf um málsmeðferð, hvernig skuli tilkynna ákvörðun til umsækjenda og önnur atriði sem skipta máli.  Taldi hún jafnframt mikilvægt að forstöðumenn og trúnaðarmenn í stofnunum sveitarfélagsins taki virkan þátt í vinnunni.

Bæjarráð samþykkir tillöguna.

Björn Ingi lagði á það áherslu að við vinnuna verði einnig farið yfir með hvaða hætti athugasemdum umsækjenda er svarað.

Ásgerður greindi frá hugmyndum að styrkfyrirkomulagi sveitarfélagsins í Skólahreysti.  Nemendur GH verði styrktir til þátttöku í Skólahreysti.  Umræður sköpuðust um forvarnargildi Skólahreysti.

Fundargerð samþykkt.

Á 546. fundi bæjarráðs lagði áheyrnarfulltrúi Samfylkingar fram fyrirspurn í tveimur liðum sem svarað var á þeim sama fundi.  Í bókun var óskað efnislegs svars við 2. tölulið fyrirspurnarinnar.  Til að bregðast við þeirri ósk er eftirfarandi lagt fram.

2. tl fyrirspurnar var eftirfarandi:

Telja bæjarstjóri og framkvæmdastjóri fræðslu- og félagssviðs ekki að bæjarfulltrúar eigi rétt á því að vita með hæfilegum fyrirvara hvaða mál verða tekin á dagskrá svo þeir geti undirbúið sig með viðeigandi hætti?

Svar:

Samkvæmt 46. gr. í samþykkt um um stjórn og fundarsköp Sveitarfélagsins Hornafjarðar segir um undirbúning bæjarráðsfunda að bæjarstjóri í samráði við formann bæjarráðs sjái um að boða til fundar með skriflegu fundarboði ásamt dagskrá a.m.k. einum sólarhring fyrir fund.  Samkvæmt þessu er ekki hægt að taka mál fyrir á dagskrá nema með sérstöku leyfi fundarins sé það ekki tilgreint á fundarboði.  Það mál sem fyrirspyrjandi víkur að fellur undir þetta.  Því verður að telja að þurft hefði að bera undir fundinn áður en tilkynnt var um niðurstöðu ráðningar í starf forstöðumanns íþróttamannvirkja, hvort að fundurinn gerði athugasemdir við það.  Eins og framkom í bókun á 546. fundi bæjarráðs benti áheyrnarfulltrúi Samfylkingar á að eðlilegt hefði verið að tilkynna að málið yrði tekið fyrir með nægjanlegum fyrirvara þannig að hann hefði getað kallað inn varamann í hans stað.  Bæjarstjóri og framkvæmdastjóri fræðslu- og félagssviðs taka undir að niðurstöðuna hefði átt að tilkynna með öðrum hætti en þarna var gert.

Árni Rúnar þakkaði fyrir veitt svör.

Ásgerður upplýsti að ákveðið hafi verið að breyta verklagi að undirbúningi bæjarráðsfunda til að fyrirbyggja að slíkt atvik geti hent aftur. Hún harmaði að áheyrnarfulltrúi Samfylkingarinnar í bæjarráði hafi ekki fengið upplýsingar um það fyrir fund að tilkynna ætti um ráðningu forstöðumanns íþróttamannvirkja. 

Umræður sköpuðust um undirbúning funda bæjarráðs.