Fundargerð bæjarráðs 546

Árni Rúnar spurði um starfsmannamál og hvort búið sé að ráða í stöður lækna hjá HSSA fyrir sumarið.  Einnig spurði hann um samskipti HSSA og heilbrigðisráðuneytisins í tengslum við liðinn önnur mál.   Ásgerður gerði grein fyrir að erfiðlega gangi að ráða lækna hjá HSSA einnig kom fram að efiðlega hafi gengið að ráða í sumarstörf hjá HSSA.  Hjalti gerði grein fyrir samskiptum milli HSSA og ráðuneytisins, búið er að óska eftir fundi með ráðuneytinu.  Umræður sköpuðust um stefnumótun fyrir HSSA. 

Fundargerð samþykkt.

Hjalti kynnti hugmynd að úttekt á áhrifum kvótafrumvarpa á samfélagið á Hornafirði. Taldi mikilvægt að slík úttekt yrði gerð sérstaklega vegna hversu mikilvægur sjávarútvegur er fyrir staðinn.  Jafnframt greindi hann frá samtali sínum við þingmann kjördæmisins.  Árni Rúnar fagnar því og þakkar fyrir að bæjarráð fái tækifæri til að ræða þessa tillögu áður en hún fer lengra.  Árni Rúnar lagði áherslu á að vandað yrði til verka svo að trúverðugleiki úttektarinnar verði ekki dregin í efa.  Einnig spurðist hann fyrir um hvort viðskiptin standist innkaupareglur sveitarfélagsins.  Hjalti fjallaði um markmið með úttektinni og hæfi KPMG til að vinna hana.  Umræður sköpuðust um úttektina og not hennar fyrir önnur byggðarlög.  

Bæjarráð óskar eftir að fulltrúi frá KPMG komi inn á næsta fund bæjarráðs.

Eftirfarandi fyrirspurn lögð fram af áheyrnarfulltrúa samfylkingarinnar:

1.                  Af hverju var bæjarráð ekki upplýst um það fyrir síðasta bæjarráðsfund að til stæði að taka ráðningu starfsmanns í stöðu forstöðumanns íþróttamannvirkja fyrir á fundinum?

Framkvæmdastjóri fræðslu- og félagssviðs hafði ekki tekið ákvörðun um val á umsækjanda fyrr en mánudaginn 16. maí, þann sama dag og bæjarráði var kynnt niðurstaðan.

2.                  Telja bæjarstjóri og framkvæmdastjóri fræðslu ? og félagssviðs ekki að bæjarfulltrúar eigi rétt á því að vita með hæfilegum fyrirvara hvaða mál verða tekin á dagskrá svo þeir geti undirbúið sig með viðeigandi hætti?

Forstöðumaður íþróttamannvirkja er ekki einn af helstu stjórnendum sveitarfélagsins og heyrir því undir næsta yfirmann að ráða í þá stöðu.  Framkvæmdastjóra fræðslu- og félagssviðs þótti hins vegar rétt að kynna niðurstöðuna fyrir bæjarráði og þótti eðlilegra að nota tækifærið þegar bæjarráð kom saman þennan dag en að senda út tilkynningu með tölvupósti.

Árni Rúnar lagði fram eftirfarandi bókun:

Hefði áheyrnarfulltrúi Samfylkingarinnar haft vitneskju um að greint yrði frá ákvörðun framkvæmdastjóra fræðslu ? og félagssviðs um ráðningu í starf forstöðumanns íþróttamannvirkja á síðasta fundi bæjarráðs þá hefði varamaður verið boðaður á fundinn þar sem um vanhæfi var að ræða hjá aðalmanni í þessu máli og væntir efnislegs svars við 2. lið fyrirspurnarinnar á næsta fundi bæjarráðs.

Reynir gerði grein fyrir ferð bæjarráðsmanna og bæjarstjóra á íbúafund í Öræfum vegna áhrifa eldgoss í Grímsvötnum.

Hjalti sagði frá samskiptum sínum við Siglingastofnun um málið.  Bæjarráð leggur áherslu á að verkið hefjist sem allra fyrst.  Einnig að samkvæmt útboðsgögnum hafi verklok átt að vera 15. maí 2011.  Ásgerður spurðist fyrir um starfsmannamál hafnarinnar.  Hjalti gerði grein fyrir stöðu mála.

Fundargerð samþykkt.

Ásgerður spurði um opnunartíma upplýsingarmiðstöðvar.  Hjalti gerði grein fyrir fyrirhuguðum opnunartíma upplýsingarmiðstöðvarinnar í sumar.

Fundargerð samþykkt.