Fundargerð bæjarráðs 508

Fundargerð bæjarráðs 508

Fundur haldinn í bæjarráði Hornafjarðar í ráðhúsi mánudaginn 3. ágúst 2010 kl. 13:00.

 Mætt voru: Reynir Arnarson formaður, Ásgerður K. Gylfadóttir, Björn Ingi Jónsson og Guðrún Ingimundardóttir sem áheyrnarfulltrúi. Einnig Hjalti Þór Vignisson bæjarstjóri, Stefán Ólafsson framkvstj. fræðslu- og félagssviðs og Haukur Ingi Einarsson framkvstj. tækni- og umhverfissviðs.

 1.      Ósk um leyfi til að breyta lóðarmörkum milli lóðanna Hafnarbrautar  34 og Tjarnarbrúar 1

Bæjarráð samþykkir að framangreindum lóðarmörkum verði breytt í samræmi við gögn sem lágu fyrir fundinum.

 2.      Uppgjör við Verkís vegna sundlaugar

Hjalti og Haukur gerðu grein fyrir stöðu málsins og viðræðum þeirra við starfsmann Verkís. Bæjarráð samþykkir að gengið verði til samninga við Verkís um skiptingu endanlegs uppgjörs við verkið.  

 3.      Ráðning tómstundafulltrúa

Umsækjendur um starfið eru Herdís Waage, Jón Björnsson og Hólmfríður Þrúðmarsdóttir. Bæjarráð samþykkir fram lagða tillögu starfsmanna um að Hólmfríður Þrúðmarsdóttir verði ráðin í starfið.

 4.      Ráðning yfirmanns umhverfis- og skipulagsmála

Umsækjendur um starfið eru Einar Már Steingrímsson, Eyjólfur Eyjólfsson, Guðmundur Baldvin Ólason, Gunnlaugur Rúnar Sigurðsson, Gunnar Fannberg Gunnarsson, Nikólína Jónsdóttir, Ragnar Már Ragnarsson, Sigurgeir Þórðarson, Stefán Þór Steindórsson, Vignir Björnsson, Þórhallur Pálsson. Capacent ráðningar sá um auglýsingu starfsins, móttöku umsókna og úrvinnslu. Í samræmi við skilyrði til umsækjenda sem fram koma í auglýsingu um starfið voru þrír umsækjendur sem uppfylltu öll skilyrði.

Á fundinn mætti einn þeirra umsækjanda sem uppfylltu öll skilyrði, Gunnar Fannberg Gunnarsson.  Gerði hann grein fyrir menntun sinni, reynslu á þessu sviði, fjölskylduhögum, áhugamálum og svaraði spurningum bæjarráðs. Bæjarráð samþykkir að haldið verði áfram viðræðum við Gunnar.

 5.      Endurnýjun verksamninga við sálfræðing og talmeinafræðing

 Núverandi samningar, sem voru til 2ja ára, eru runnir út. Bæjarráð felur starfsmönnum að ljúka samningum á þeim grunni sem ræddur var á fundinum. 

 6.      Skólahreysti, umsókn um styrk

Bæjarráð leggur áherslu á ferðakostnað keppenda frá Hornafirði, sem sveitarfélagið greiðir, vegna þátttöku í þessari keppni. Einnig bendir bæjarráð á að halda megi keppnina hér og þá kæmi styrkur til greina. Styrkumsókn hafnað.

 7.      Tilboð í íbúð á Sandbakka 1 – kynnt á fundinum

Bæjarráð samþykkir sölu á íbúð að Sandbakka 1, íbúð nr. 0101. Bæjarráð samþykkir að starfsmenn gangi frá sölu framgreindrar íbúðar.

 8.      Staða framkvæmda í Sindrabæ og Lönguhólum

Kynnt greinargerð Björns Imsland um stöðu framkvæmda við Sindrabæ og Lönguhóla. Í Sindrabæ þarf að leggja stofna fyrir brunaslöngur, áætlaður kostnaður kr. 350 þús. Bæjarráð samþykkir stofnlögn fyrir brunaslöngur.

Gallar voru í útboðsgögnum vegna hurða. Viðbótarkostnaður þeirra vegna er áætlaður kr. 700 þús. Bæjarráð ekki sátt við mistök í útboðsgögnum.

Á Lönguhólum þarf að kaupa nýja stjórnstöð við brunaviðvörunarkerfi, núverandi stöð er of lítil. Kostnaður áætlaður um kr. 480 þús. Bæjarráð samþykkir kaup á stjórnstöð.  

Breyta þurfti legu glugga í viðbyggingu þar sem ekki hafði verið farið eftir arkitektateikningum. Kostnaður kr. 240 þús. Starfsmenn leggja til að samið verði um skiptingu þess kostnaðar. Bæjarráð samþykkir tillögu um skiptingu kostnaðar.

 9.      Innsend erindi

·         Umhverfisstofnun, bréf dags. 12. júlí 2010, skil gagna um magn og tegundir úrgangs sem móttekinn var árið 2009.

Haukur Ingi gerði grein fyrir flokkun og endurvinnslu úrgangs í sveitarfélaginu og um leið að minna magn fari til urðunar.

·         Lex lögmannsstofa,bréf dags. 13. júlí 2010, umsókn Ingvars Geirssonar um leyfi til nýs rekstrar við Jökulsárlón.

Til kynningar.

·         Samband íslenskra sveitarfélaga, bréf dags. 13.07. 2010, námskeið um lýðræði í sveitarfélögum 6. september nk.

Til kynningar.

·         Skipulagsstofnun, bréf dags. 15. júlí 2010, deiliskipulag verslunar- og þjónustusvæðis í landi Lambleiksstaða, Sveitarfélaginu Hornafirði.

Til kynningar.

 10.  Skoðunarferð um íþróttamannvirki, gervigrasvöllur og körfuboltavöllur, sundlaug

Farin að fundi loknum.

 11.  Önnur mál

·         Greint frá áhyggjum Sigurðar Guðjónssonar leiðsögumanns af fjölda hreindýra á svæði 9. Sagði dýrum hafa fækkað þar mikið. Taldi hann að tarfafjöldi dygði ekki upp í veiðikvóta þessa árs en fjöldi belja nægði til að fylla upp í kvótann. Hann talaði um nauðsyn þess að friða svæði 9 fyrir veiðum með það að markmiði að fjölga dýrum aftur á svæðinu. Samþykkt að þessi mál verði rædd í umhverfis- og skipulagsnefnd.

·         Björn Ingi gerði að umtalsefni skort á gögnum með fundarboðum. Sagði nauðsynlegt að hverjum lið fylgi gögn, a.m.k. minnisblað með hverjum lið. 

Fundi slitið kl. 15:05