Fundargerð bæjarráðs 490

490. fundur

Fundur haldinn í bæjarráði Hornafjarðar í Ráðhúsi laugardaginn 23. janúar 2010 kl. 9:00.

Mætt voru: Reynir Arnarson varaformaður, Guðrún Ingimundardóttir og Björn Ingi Jónsson. Einnig Hjalti Þór Vignisson bæjarstjóri, Stefán Ólafsson framkvæmdastjóri fræðslu- og félagssviðs og Haukur Ingi Einarsson framkvæmdastjóri tækni- og umhverfissviðs.

1.        Fundargerðir

·         Atvinnumálanefnd Hornafjarðar, 55. fundur 12. janúar 2010 og 56.fundur 14. janúar 2010.

Hjalti sagði að þróun atvinnuleysis væri svipuð og á sl. ári. Bæjarstjóra falið að taka saman yfirlit á mögulegum átaksverkefnum á vegum sveitarfélagsins. Farið yfir umsóknir og úthlutanir í atvinnu- og rannsóknasjóð sveitarfélagsins. Nokkur umræða var um hvernig úthlutanir fara fram og rætt hvort ekki þurfi að skerpa úthlutunarreglur sjóðsins.

Fundargerðir samþykktar.

·           Byggingar- og skipulagsnefndar Hornafjarðar, 118. fundur 14. janúar 2010.

Fundargerð samþykkt.

·           Menningar- og tómstundanefnd Hornafjarðar, 16. fundur 2010.

 Fundargerð samþykkt.

·           Stýrihópur vegna fjölskyldustefnu,m 32. fundur 16. desember 2009.

Fundargerð samþykkt.

2.        Skiptitjald í íþróttahúsi

Haukur Ingi fór yfir málið. Greindi frá því að efni í dúk sé þegar til staðar. Bæjarráð samþykkir að gengið verði til samninga við þá einstaklinga sem buðu í skiptitjald, kr. 2.115.000. Samþykkt að taka af óráðstöfuðu.

3.        Drög að endurskoðun samninga vegna jarðhitaleitar

Haukur Ingi gerði grein fyrir breytingum á milli funda.  Bæjarráð sammála um að unnið verði eftir fyrirliggjandi drögum að samningi. Starfsmönnum falið að kynna samninga fyrir landeigendum og undirbúa næstu skref.

4.        Fasteignagjöld Íbúðalánasjóðs vegna íbúða á Hornafirði

Vegna fyrirspurnar Íbúðalánasjóðs bendir bæjarráð á gildandi reglur um staðgreiðsluafslátt á fasteignagjöldum. Hvað varðar sorphirðugjöld af íbúðum sem ekki eru nýttar verður tekin afstaða í hverju tilfelli fyrir sig óháð hver er eigandi íbúðarinnar í lok árs.

5.        Beiðni um framkvæmdaleyfi til efnistöku við Breiðá í Öræfum

Vísað til byggingar- og skipulagsnefndar.

6.        Fyrirhugaðar jarðvegsframkvæmdir á Höfn 2010

Haukur Ingi fór yfir málið og ræddi mögulega nýtingu á fergingarefni á gervigrasvelli á Leirusvæði – Sílavík. Urðu töluverðar umræður um málið. Hauki Inga falið að ræða við viðkomandi veitustofnanir vegna lagna í götur sveitarfélagsins.

 7.        Innsend erindi

·           Vinnumálastofnun, desember 2009, erindi Vinnumarkaðsráðs Austurlands varðandi stuðning við atvinnulífið.

Vísað til atvinnumálanefndar.

·           Sigurgeir Jónsson/Hvítingur ehf. , afrit bréfs til samgönguráðuneyti dags. 29. desember 2009, málefni Uppsala I og II.

Vísað til byggingarfulltrúa.

·           Brynjúlfur Brynjólfsson vegna Fuglaathugunarstöðvar Suðausturlands, tölvubréf dags. 18. janúar 2010, höfnun fjárlaganefndar um Alþingis um styrk.

Til kynningar. 

·           Samband ísl. sveitarfélaga/Menntmálaráðuneytið, tölvubréf dags. 18. janúar 2010, Dagur leikskólans 6. febrúar n.k..

Er á dagskrá skólanefndar 27. janúar nk.

·           Samband ísl. sveitarfélaga, tölvubréf dags. 20. janúar 2010, athygli vaki á fréttum um styrki sveitarfélaga til hjálparstarfs á Haítí.

Samþykkt að styrkja hjálparstarf á Haítí um 210.000 kr. og upphæðin verði afhent Rauða kross Íslands.  Tekið af óráðstöfuðu.

·           Ríkiskaup, tölvubréf 20. janúar 2010,  rammasamningur Ríkiskaupa 2010.

Upplýst að staðfest hafi verið aðild sveitarfélagsins að samningunum..

8.        Önnur mál 

·         Rætt um viðbyggingu við Lönguhóla, grundun byggingar, áætlaðan verktíma o.fl.  

·         Bæjarráð lýsir yfir vonbrigðum með lokun á svæðisútvarpsstöðvum Ríkisútvarpsins.

·         Hjalti gerði grein fyrir viðræðum um möguleg kaup Sveitarfélagsins á líkamsræktartækjum.  Bæjarstjóra falið að halda áfram að vinna að málinu.  

Fundi slitið kl. 11: 40