Fundargerð bæjarráðs 481

481. fundur

Fundur haldinn í bæjarráði Hornafjarðar í Ráðhúsi miðvikudaginn 28. október 2009 kl.13:00.

Mætt voru:  Árni Rúnar Þorvaldsson formaður, Reynir Arnarson og Björn Ingi Jónsson.

Einnig: Hjalti Þór Vignisson bæjarstjóri, Haukur Ingi Einarsson framkvæmdastjóri tækni- og umhverfissviðs, Stefán Ólafsson framkvæmdastjóri fræðslu- og félagssviðs og Ásta H. Guðmundsdóttir framkvæmdastjóri fjármálasviðs.

1.      Fjárhagsáætlun 2010  -  forstöðumenn mæta á fundinn

Farið var yfir rekstrarramma og óskir forstöðumanna um stofnbúnað.

2.      Fundargerðir

·         Atvinnumálanefnd Hornafjarðar, 53. fundur, 20. október 2009.

Fundurinn var ólögmætur, aðeins mættu tveir kjörnir fulltrúar á fundinn.

Bæjarráð samþykkir að taka stuðning við Matvælasmiðju fyrir sem sér liður á næsta bæjarráðsfundi.

 Fundargerð til kynningar.

·         Almannavarnanefnd Hornafjarðar, 24. fundur, 19. október 2009.

Upplýst var að Almannavarnardeild Ríkislögreglustjóra komi til fundar 13. nóvember n.k.

 Fundargerð samþykkt.

·         Heilbrigðis- og öldrunarráð Hornafjarðar, 106. fundur, 22. október 2009.

 Fundargerð samþykkt.

 3.      Stuðningur sveitarfélagsins við fyrirtæki í atvinnurekstri

Bæjarráð er sammála um að sveitarfélaginu sé ekki stætt á að koma með beinum hætti að rekstri einstakra fyrirtækja.  Bæjarráð telur að allur atvinnurekstur í sveitarfélaginu sé á sinn hátt samfélagslega mikilvægur.  Bæjarráð beinir til fyrirtækja og atvinnurekenda að sveitarfélagið rekur atvinnu- og rannsóknasjóð sem getur veitt styrki í einstök þróunarverkefni.

 4.      Endurskoðun reglna um flutningsstyrki og húsaleigustyrki starfsmanna

Bæjarráð samþykkir að fella úr gildi reglur um flutnings- og húsaleigustyrk til starfsmanna frá og með næsta fjárhagsári.  Núgildandi samningar við starfsfólk haldi gildi sínu.

 5.      Endurskoðun gjaldskrár og samþykktar um sorphirðu í sveitarfélaginu

Bæjarráð vísar málinu til áframhaldandi vinnu og málið tekið upp á næsta bæjarráðsfundi.

 6.      Sorpmál í Öræfum

Rætt var um málefni Brennu-Flosa.  Bæjarráð er sammála um það að lagfæra brennsluofn.  Starfsmönnum falið að ljúka málinu.

 7.      Innsendi erindi

·         Sólheimar, tölvubréf dags. 15. október 2009, ósk um til byggingar vinnustofu og verkstæðishúss.

Erindinu hafnað

·         Snorraverkefnið, bréf dags. 16. október 2009,  ósk um stuðning við verkefnið.

 Erindinu hafnað.

·         Samband ísl. sveitarfélaga, tölvubréf dags. 21. október 2009, úrskurðir mennta- og menningarmálaráðuneytisins vegna vettvangsferða og skólagöngu  fósturbarna.

Vísað til skólanefndar.

·         Landgræðslan, auglýsing um málþing um notkun lífræns áburðar.

Vísað til tækni og umhverfissviðs.

8.      Önnur mál 

·         Afnot af Eystrahorni.  Bæjarráð samþykkir að auglýsa eftir aðilum sem áhuga hafa á  notkun á nafninu Eystrahorni.

·         Bæjarstjóri ræddi um málefni Hestamannafélagsins Hornfirðings.

Fundi slitið kl.  17.40