Fundargerð bæjarráðs 476

476. fundur

Fundur haldinn í bæjarráði Hornafjarðar í Ráðhúsi mánudaginn 21. september 2009 kl. 16:15.

Mætt voru:  Árni Rúnar Þorvaldsson varaformaður, Elín Magnúsdóttir og Björn Ingi Jónsson.

Einnig: Hjalti Þór Vignisson bæjarstjóri,  Haukur Ingi Einarsson framkvæmdastjóri tækni- og umhverfissviðs, Stefán Ólafsson framkvæmdastjóri fræðslu- og félagssviðs og Ásta H. Guðmundsdóttir framkvæmdastjóri fjármálasviðs.

1.      Fundargerðir

·         Byggingar- og skipulagsnefnd Hornafjarðar 113. fundur, 10. september 2009.

Árni greindi frá fyrirhuguðum fundum með landeigendum í Stafafellsfjöllum og Félagi sumarhúseigenda í Stafafellsfjöllum.

Bæjarráð samþykkir afgreiðslu byggingar- og skipulagsnefndar um stækkun lóða við Dalbraut 10 og Hafnarbraut 47a. (Hjalti vék af fundi undir þessum lið.)

Fundargerð samþykkt.

·         Menningar- og tómstundanefnd Hornafjarðar, 13. fundur, 16. september 2009.

Fundargerð samþykkt.

·         Verkfundur 6 – þekja Álaugarey , 17. september 2009.

Fram kom að Siglingastofnun er ánægð með þetta verk.

Til kynningar.

·         Svæðisráð suðursvæðis Vatnajökulsþjóðgarðs, 16. fundur, 10. september 2009.

Hjalti greindi frá fyrirhuguðum fundi með ferðaþjónustuaðilum vegna málefna sem varða þjóðgarðinn og ferðaþjónustu á svæðinu.  

Til kynningar.

·         Samtök sunnlenskra sveitarfélaga, 426. fundur, 11. september 2009.

Til kynningar.

2.      Stofnun hitaveitu í Suðursveit – framhaldsumræður – gögn áður send

Hjalti greindi frá vinnu sem farið hefur fram á milli funda um þetta mál. Urðu um málið töluverðar umræður. Bæjarráðsmenn sammála um að bæjarstjóri fundi með landeigendum og færi inn á þann fund skilaboð í samræmi við það sem fram kom á fundinum.   

3.      Viðhald utanhúss á Holti á Mýrum

Bæjarráð samþykkir að fara í endurbætur á Holti á Mýrum fyrir kr. 4.200.000., sbr. kostnaðaráætlun.  

4.      Opnunartími sundlaugar

Bæjarráð samþykkir eftirfarandi opnunartíma sundlaugar sem gildir frá 1. október 2009 – 15. maí 2010: Mánud. – föstud. frá kl. 06:45 – 21:00. Laugard. og sunnud.  frá kl. 10:00 – 17:00.

5.      Hrollaugsstaðir

Bæjarráð sammála um að bjóða Hrollaugsstaði út til leigu til 3 – 5  ára með fyrirvörum.

6.      Innsend erindi

·         Bæjarstjóri Dębica í Póllandi, bréf dags. 7. september 2009, boð um þátttöku í The Europe of Towns Project.

Vísað til bæjarstjóra.

·         Bandalag íslenskra leikfélaga, bréf dags. 10. september 2009, ósk um útvegun húsnæðis fyrir Sumarskóla Bandalags íslenskra leikfélaga.

Vísað til menningarmálanefndar.

·         Samgönguráðuneytið. bréf dags. 11. september 2009, uppgjör á framlagi vegna lækkaðra fasteignaskattstekna 2009.

Til kynningar.

·         Landssamband slökkviliðs- og sjúkraflutningamanna, bréf dags. 11. september 2009, ósk um styrk til Eldvarnaátaks 2009.

Til kynningar.

7.      Önnur mál 

·         Björn Ingi gerði að umtalsefni minnisblað sem unnið er að vegna heimsóknar bæjarráðs á fund fjárlaganefndar og var með ákveðnar ábendingar þar að lútandi.

·         Björn Ingi spurði um undirbúning fyrir aðalfund SASS sem haldinn verður á Höfn 15. og 16. október nk. Hjalti greindi frá þeim undirbúningi sem er í gangi.

·         Stefán gerði grein fyrir fundi með starfsmanni ARKÞING vegna fyrirhugaðra framkvæmda við Lönguhóla.

Fundi slitið kl. 17:55