Fundargerð bæjarráðs 475

475. fundur

Fundur haldinn í bæjarráði Hornafjarðar í Ráðhúsi mánudaginn 14. september 2009 kl. 16:00.

Mætt voru:  Árni Rúnar Þorvaldsson formaður, Reynir Arnarson og Björn Ingi Jónsson.

Einnig:  Haukur Ingi Einarsson framkvæmdastjóri tækni- og umhverfissviðs, Stefán Ólafsson framkvæmdastjóri fræðslu- og félagssviðs og Ásta H. Guðmundsdóttir framkvæmdastjóri fjármálasviðs.

1.      Fundargerðir

·         Hafnarstjórn Hornafjarðar, 118.fundur, 9. september 2009.

Bæjarráð gerir athugasemd við fyrirsögnina í 4 lið um er að ræða Flutningaskipið Axel.

Fundargerð samþykkt.

·         Umhverfisnefnd Hornafjarðar, 90. fundur, 9. september 2009.

Reynir benti á að mikið vatn væri notað við endurvinnsluna t.d. við skolun á mjólkurfernum.

Fundargerð samþykkt.

2.      Stofnun hitaveitu í Suðursveit – framhaldsumræður – gögn áður send

Björn Ingi gerði athugasemdir við samningsdrögin, Haukur Ingi svaraði.  Bæjarráð  felur starfsmönnum að vinna áfram að málinu og leggja það fyrir á  næsta fund í samræmi við umræður á fundinum.

3.      Fundir í stofnunum í Reykjavík haustið 2009

Lagt var fram drög að minnisblaði varðandi málið. Árni ræddi um áherslur sveitarfélagsins  á fundum með stofnunum í Reykjavík.

4.      Fiskur í mynd – ósk um styrk vegna gerðar þáttaraðar Saga Film

Bæjarráð felur bæjarstjóra að kanna áhuga hjá matvælaklasa í Ríki Vatnajökuls varðandi málið.

5.      Verkferlar fjármálasviðs – drög

Ásta kynnti málið, Bæjarráð óskar eftir umsögn endurskoðenda sveitarfélagsins. 

6.      Uppbygging gervigrasvallar  - tilboð í hönnun

Haukur fylgdi málinu úr hlað.  Bæjarráð  samþykkir fyrirliggjandi samning.

7.      Sorpgjöld - drög að gjaldskrá

Haukur ræddi um gjaldskrána og breytingu frá fyrir gjaldskrá.  Bæjarráð vísar drögunum til áframhaldandi vinnu.

8.      Vistvænir áfangastaðir  -  verkefni um uppbyggingu vinsælla áningarstaða

Bæjarráð vísar málinu til tæknideildar.

9.      Viðbygging við tjaldstæðishús – kostnaðaráætlun

Haukur kynnti málið.  Bæjarráð vísar málinu til fjárhagsáætlunar 2010.

10.  Innsend erindi

·         Menntamálaráðuneytið, bréf dags. 7. september 2009, evrópskur tungumáladagur 26. september 2009.

Vísað til skólaskrifstofu og grunnskóla sveitarfélagsins.

·         Evrópuskrifstofan, bréf ódagsett, kynning á ráðgjafaþjónustu.

Til kynningar.

11.  Önnur mál 

·         Hugmyndir um útboð á rekstri kaffiteríu í Nýheimum. Bæjarráð gerir ekki athugasemdir við hugmyndir um útboð.

·         Viðhald á Holti á Mýrum, klæðning eða múrviðgerð og málun útveggja. Björn Imsland fór yfir málið og kynnti kostnað við þessa framkvæmd.  Ákveðið að taka málið á dagskrá á næsta fundi.

Fundi slitið kl. 19:10