Fundargerð bæjarráðs 460

160. fundur

Fundur haldinn í bæjarráði Hornafjarðar í Ráðhúsi mánudaginn  27.  apríl 2009  kl. 16:00.

Mættir voru:  Árni Þorvaldsson formaður,  Reynir Arnarson  og Björn Ingi Jónsson.

Einnig:  Ásta H. Guðmundsdóttir framkvæmdarstjóri fjármálasviðs, Stefán Ólafsson framkvæmdastjóri fræðslu- og félagssviðs og Haukur Ingi Einarsson framkvæmdastjóri tækni- og umhverfissviðs.

 1.      Fundargerðir

·         Atvinnumálanefnd Hornafjarðar, 50. fundur, 20. apríl 2009.

Stefán lagði fram bréf frá Vinnumálastofnun dags. 22.4 .09 þar kemur fram að samþykkt voru  3 störf í 4 mánuði hvert  varðandi átaksverkefnið   „Atvinnuátak Skógræktarfélags Íslands“

Fundargerð samþykkt.

·         Umhverfisnefnd Hornafjarðar, 88. fundur, 20. apríl 2009.

Haukur upplýsti um stöðu mála varðandi flokkun á sorpi.   Haukur minnir á málþing í Nýheimum  3. maí um umhverfismál.

Fundargerð samþykkt.

·         Skólanefnd Hornafjarðar, 114. fundur, 22. apríl 2009.

Rætt var um skólaakstur og tómstundir barna í dreifbýli og kostnað vegna þessa.  Stefán upplýsti um stöðu mála varðandi breytingar og endurbætur á Hafnarskóla.

Fundargerð samþykkt.

2.      Minnisblað eftir fund vallarstjórnar íþróttavalla

Haukur ræddi um kaup á öðru setti af keppnismörkum til að hafa á Mánavöllum,  kostnaður er um 500.000.- kr.   Ákvörðun um kaup á mörkum frestað til næsta fundar.

3.      Ósk um umsókn við endurnýjað rekstrarleyfi Jöklaveraldar ehf. vegna sölu gistinga og veitinga

Bæjarráð gerir ekki athugasemd við leyfisveitinguna.

4.      Innsend erindi

·         Landgræðsla ríkisins, boð um fund þann 30. apríl nk. kl 13:00 vegna fyrirkomulags afhendingar landsvæða á Skógeyjarsvæðinu.

Samþykkt að Haukur Ingi Einarsson sitji fundinn fyrir hönd sveitarfélagsins.

5.      Önnur mál 

·         Bæjarráð samþykkir að veita 10% afslátt á  árskorti  í sundlaug Hafnar  til  15. maí 2009 í tilefni opnunar  sundlaugarinnar.

·         Rætt var  um leigusamning  sem í gildi er um leigu á Hrollaugsstöðum.  Bæjarráð samþykkir að segja upp núgildandi  leigusamningi í samræmi við 8. grein samningsins.

·         Bæjarráð telur mikilvægt að markaðssetja nýju sundlaugina með góðum og áberandi auglýsingum  og felur starfsmönnum að koma með tillögur varðandi málið.

Fundi slitið kl. 17:20