Fundargerð bæjarráðs 450

450. fundur

Fundur haldinn í bæjarráði Hornafjarðar í Ráðhúsi mánudaginn 9. febrúar  2009  kl. 16.00 Mætt voru: Árni Þorvaldsson, Reynir Arnarson og Björn Ingi Jónsson.

Einnig: Hjalti Þór Vignisson bæjarstjóri, Ásta H. Guðmundsdóttir og Stefán Ólafsson.

Formaður setti fund og bauð fundarmenn velkomna.

1.      Fundargerðir

·         Byggingar- og skipulagsnefnd Hornafjarðar, 104. fundur 4. febrúar 2009.

Fundargerð samþykkt.

·         Hafnarstjórn Hornafjarðarhafnar, 111. fundur 3. febrúar 2009.

Fundargerð samþykkt.

·         Húsnæðisnefnd Hornafjarðar, 84. fundur 3. febrúar 2009.

Fundargerð samþykkt.

2.      Heilsugæslu- og öldrunarmál

Bæjarstjóri kynnti drög að bréfi til félagsmálaráðuneytis og heilbrigðisráðuneytis sem varðar nýjan þjónustusamning um heilbrigðis- og öldrunarþjónustu. Bæjarráð samþykkir að fela bæjarstjóra að ganga frá bréfinu og senda það til framangreindra ráðuneyta.

3.      Fjarskipti í dreifbýli

Bæjarstjóri greindi frá stöðu netvæðingar í dreifbýli og velti upp hugmyndum um framhald þess máls. Fram komu í umræðum um málið ýmsar ábendingar sem hafa þarf í huga við netvæðingu í dreifbýli. Samþykkt að málið verði áfram til skoðunar hjá starfsmönnum sveitarfélagsins. Undir þessum lið var samþykkt, sbr. fyrri samskipti um málið, að árétta við útvarpsstjóra að sett verði upp RDS kerfi í sveitarfélaginu.

4.      Bráðabirgðauppgjör bæjarsjóðs 31.desember 2008

Ásta fór yfir bráðabirgðauppgjör og skýrði einstaka liði. Bæjarráð óskar eftir skýringum frá forstöðumönnum á útgjaldaliðum sem ekki standa áætlun.

5.      Ósk um umsögn á endurnýjun gisti- og veitingaleyfis

 Bæjarráð gerir ekki athugasemdir við útgáfu gisti- og veitingaleyfis.

6.      Innsend erindi

Menntamálaráðuneytið, bréf dags. 26. janúar 2009, tilkynning um úttektir á sjálfsmatsaðferðum grunnskóla.

 Vísað til skólanefndar og starfsmanna.

Vegagerðin, bréf dags. 30. janúar 2009, umsögn vegna aðalskipulagsbreytingar- Vegastæði yfir Hornafjarðarfljót.

 Til kynningar.

Umhverfisstofnun, bréf dags. 30. janúar 2009, endurskoðun starfsleyfis eða lokun urðunarstaðar.

Vísað til umhverfisnefndar.

Samband ísl. sveitarfélaga, tölvubréf dags. 3. febrúar 2009, ráðstefnan íslensk byggðamál á krossgötum, ráðstefna 20. febrúar 2009 í Borgarnesi.

Samþykkt að bæjarstjóri sitji fundinn fyrir hönd sveitarfélagsins.

Jóhanna Guðmundsdóttir, tölvubréf dags. 3. febrúar 2009, vegur á Ægissíðu.

Vísað til byggingar- og skipulagsnefndar.

Kári G. Schram, tölvubréf dags. 4. febrúar 2009, þáttagerð  í A-Skaft. 2009.

Bæjarráð samþykkir að hafna tillögum bréfritara.

7.      Önnur mál 

·         Hjalti greindi frá hugmyndum sem komið hafa inn á hans borð um nýtingu á gömlu sundlauginni. Hjalti lagði til að sundlaugin verði auglýst, með því móti komi í ljós hver raunverulegur áhugi er á að nýta mannvirkið. Var það samþykkt með þeim fyrirvara að komi ekki fram raunhæfar hugmyndir um nýtingu mannvirkisins verði laugin rifin sem er í samræmi við fyrri samþykkt bæjarráðs.

·         Árni spurðist fyrir um aðstöðu unglingahljómsveita til æfinga. Hjalti greindi frá í hvaða farvegi málið er.

·         Bæjarstjóri gerði að umtalsefni sauðfjárveikivarnalínu við Hornafjarðarfljót og hugmyndir um úrbætur.

·         Reynir greindi frá heimsókn til Vestmannaeyja þar sem sérstakt tölvuver „fablab“ var m.a. skoðað. Reikna má með að Vestmannaeyingar komi hingað og endurgjaldi heimsóknina

·         Reynir greindi frá sýnatöku vatns við Grjótbrú. Fram kom að vatn er þar hreint og gott. Magn hefur enn ekki verið mælt.

Fundi slitið kl. 18:00