Fundargerð bæjarráðs 420

420. fundur

Mætt voru: Reynir Arnarson, Árni Rúnar Þorvaldsson og Björn Ingi Jónsson. Einnig: Hjalti Þór Vignisson bæjarstjóri, Stefán Ólafsson, Haukur Ingi Einarsson og Ásta Halldóra Guðmundsdóttir. 

Reynir bauð fundarmenn velkomna og gengið var til dagskrár:   

 1.      Fundargerðir

·         Byggingar- og skipulagsnefnd Hornafjarðar, 91. fundur 14. maí 2008.

Björn Ingi spurði um helstu breytingar á deiliskipulagi vegna fyrirhugaðs knattspyrnuhúss, sbr. 3. lið fundargerðar. Haukur greindi frá þeim breytingum sem lagðar eru til frá fyrri umræðu um deiliskipulagstillögu um svæðið. Árni lagði áherslu á að samfara almennri auglýsingu á deiliskipulagi fari fram grenndarkynning.

Fundargerð samþykkt.

·         Menningarmálanefnd Hornafjarða, 101. fundur 14. maí 2008.

(Björg Erlingsdóttir sat fundinn undir þessum lið svo og 11. lið á dagskrá.)

Björg fór yfir geymslumál Menningarmiðstöðvar. Greindi hún frá mismunandi þörfum sem fara eftir hvað þarf að geyma, þ.e. hvers eðlis munirnir eru. Urðu töluverðar umræður um hvaða húsnæði hentaði best til þessa verkefnis. Bæjarstjóra falið að vinna áfram að þessu máli ásamt forstöðumanni Menningarmiðstöðvar. Nafni á húsinu „Glaðværð” vísað til vinnu hugmyndarinnar Hafnarvík – Heppa. Björn Ingi gerði að umtalsefni greinargerð vegna starfsemi í Miklagarði og þá hugmynd sem þar kemur fram að einungis megi vera þar listamenn og handverksfólk. Taldi ýmsa aðra starfsemi geta einnig átt þar heima.  Hjalti greindi frá fundi hans, Bjargar Erlingsdóttur og Hermanns Hanssonar með Þorbjörgu Arnórsdóttur vegna hugmynda um áframhaldandi samstarfs Menningarmiðstöðvar og Þórbergsseturs. Bæjaráð sammála að unnið verði áfram á þeim grunni sem Hjalti kynnti.

Fundargerð samþykkt.                         

·         Umhverfisnefnd Hornafjarðar, 78. fundur 15. maí 2008.

Haukur Ingi gerði grein fyrir helstu málum sem voru á dagskrá nefndarinnar.

Fundargerð samþykkt.

·         Æskulýðs- og tómstundaráð Hornafjarðar, 100. fundur 15. maí 2008.

Fundargerð samþykkt.

2.      Drög að samningi um kvikmyndagerð/þátt um Austur-Skaftafellssýslu

Bæjarráð samþykkir að þessum samningsdrögum verði hafnað.  

3.      Ósk um umsögn á umsókn um breytingu á rekstrarleyfi

Bæjarráð gerir ekki athugasemd við umsókn um breytingu á rekstrarleyfi.

4.      Brunaviðvörunarkerfi á Víkurbraut 26

Samþykkt að vísa erindi, sbr. innsent bréf til tækni- og umhverfissviðs.

5.      Ráðning verkstjóra á tækni- og umhverfissviði

Haukur Ingi sagði að eftir að hafa rætt við umsækjendur um stöðu verkstjóra og metið umsóknir væri það tillaga hans að ráða Birgi Árnason sem verkstjóra á tækni- og umhverfissiði. Birgir er byggingarmeistari að mennt og hefur mikla reynslu af verklegum framkvæmdum.  Einnig hefur hann reynslu af rekstri fyrirtækja.  Hann býr yfir mikilli reynslu á stjórnun starfsmanna.  Eftir umræður var samþykkt að gengið verði til samninga við Birgi Árnason.

6.      Lántaka sveitarfélagsins hjá Lánasjóði sveitarfélaga

Bæjarráð Hornafjarðar samþykkir hér með að taka lán hjá Lánasjóði sveitarfélaga ohf. að fjárhæð 1.250.000.- EUR. til 10 ára, í samræmi við Lánasamning nr. 7/2008 sem liggur fyrir fundinum. Til tryggingar láninu standa tekjur sveitarfélagsins, sbr. heimild í 3. mgr. 73. gr. sveitarstjórnarlaga nr. 45/1998. Er lánið tekið til fjármagna framkvæmdir við sundlaug , sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.

Jafnframt er Hjalta Þór Vignissyni, bæjarstjóra kt. 240178-4009, veitt fullt og ótakmarkað umboð til þess f.h. sveitarsjóðs Hornafjarðar  að undirrita lánssamning við Lánasjóð sveitarfélaga ohf.sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

7.      Jöfnunarsjóður sveitarfélaga

Starfsmenn gerðu grein fyrir heimsókn sinni í Jöfnunarsjóð sveitarfélaga.  Kom fram að nú liggi tillögur fyrir um breytingar á sjóðnum sem enn ekki hafa verið afgreiddar.   Samkvæmt upplýsingum frá sjóðnum munu þær ekki verða þess valdandi að tekjur Sveitarfélagsins Hornafjarðar skerðast. Aðstæður í þjóðfélaginu eru hins vegar sjóðnum ekki hagstæðar um þessar mundir og líklegt að tekjur sjóðsins vaxi ekki eins og undanfarin ár.  Ennfremur er óvíst með aukaframlag ríkissjóðs en loforð liggur fyrir um aukaframlag upp á 1400 miljónir króna árið 2008.  Ekkert hefur verið gefið út um aukagreiðslur úr ríkissjóði á næstu árum.  Kom fram í máli starfsmanna að í 3ja ára áætlun sveitarsjóðs sé ekki gert  ráð fyrir aukaframlagi ríkisins.

8.      Verkaskiptamál ríkis og sveitarfélaga

Starfsmenn sögðu frá heimsókn sinni í félagsmálaráðuneytið og samtali við verkefnisstjóra verkaskiptinganefndar.  Kom fram í máli hans að unnið er að flutningi öldrunarmála, málefni fatlaðra og heilsugæslu til sveitarfélaga.  Vinna við flutning þessara þriggja málaflokka er mislangt á veg komið.  Stefnt er að yfirfærslu málefni fatlaðra árið 2011 og öldrunarmála og heilsugæslu árið 2012. 

9.      Þjóðgarðsmál

Gerð grein fyrir stöðu í þjóðgarðsmálum. Hjalti sagði frá vinnu við reglugerð og stöðu í samningaviðræðum við landeigendur sem eru á forræði umhverfisráðuneytisins. Gert er ráð fyrir að þjóðgarðurinn verði formlega stofnaður 7. júní nk. Einnig gerði hann grein fyrir samráði við ýmsa hagsmunaðila hér heima fyrir vegna þjóðgarðsmála.  Þá sagði hann frá viðræðum sínum við framkvæmdastjóra þjóðgarðsins um Jöklasýningu.

10.  Ósk um umsögn á frumvarpi til laga um sjúkratryggingar 613. mál, heildarlög

Sveitarfélagið gerir ekki athugasemdir við frumvarpið.

11.  Leiga á hluta af kjallara í Hafnarbraut 30 fyrir Menningarmiðstöð

Sagt frá hugmynd um kennsluaðstöðu fyrir járnsmíðar, vélaviðgerðir og smiðju á vegum Grunnskóla Hornafjarðar, FAS, Menningarmiðstöðvar og Nýsköpunarmiðstöðvar (að hluta til).  Lagt fram tilboð frá Urtusteini ehf. um leiguverð.  Tilboðið hljóðar upp á að leigðir verði 207 fm á 250 krónur / fm  á mánuði.  Stefán greindi frá því að Framhaldsskólinn muni greiða 50% af kostnaðinum. Bæjarráð leggur til að gengið verði að þessu tilboði.  

12.  Innsend bréf og erindi

·         Menntamálaráðuneytið, bréf dags. 28. apríl 2008. niðurstöður úr rannsókninni Ungt fólk 2007- Framhaldsskólanemar.

Til kynningar

·      Sýslumaðurinn á Höfn, bréf dags. 30. apríl 2008, tilkynning um mannabreytingu í hóp sem vinnur að yfirlandskiptum á Skógey.

Vísað til atvinnumálanefndar.

·      Félags- og tryggingamálaráðuneytið, bréf dags. 2. maí 2008, Dagur barnsins.

Til kynningar.

·      Siglingastofnun, bréf dags. 2. maí 2008, landrof á Suðurfjöru og varnir formerkja.

Vísað til hafnarstjórnar

·      Samband ísl. sveitarfélaga, tölvubréf dags. 5. maí 2008, ráðstefnan „Hvernig virkar lýðræðið í sveitarfélögum“.

Til kynningar.

·         Samband ísl. sveitarfélaga, tölvubréf dags. 6. maí 2008, ráðstefna um menningarstefnur sveitarfélaga.

Til kynningar.

·         Félag opinberra starfsmanna á Suðurlandi, bréf dags. 6. maí 2008.

Til kynningar.

·         Landskerfi bókasafna hf, aðalfundur Landskerfis bókasafna hf.,30. maí 2008.

Vísað til Menningarmiðstöðvar.

·         Hafnasamband Íslands, ársreikningur 2007.

Vísað til hafnarstjórnar.

13.  Önnur mál

Engin önnur mál.                                                                                  

Fundi slitið kl. 18:30