Fundargerð bæjarráðs 403

403. fundur

Fundur haldinn í bæjarráði Hornafjarðar í Ráðhúsi fimmtudaginn 20. desember 2007  kl. 13.00. Mætt voru: Reynir Arnarson formaður, Árni Rúnar Þorvaldsson og Björn Ingi Jónsson.  Einnig Hjalti Þór Vignisson bæjarstjóri, Stefán Ólafsson og Haukur Ingi Einarsson.  

Reynir setti fund og bauð fundarmenn velkomna.  Hann bar upp tillögu um breytingu á dagskrá og lagði til að þau erindi sem borist hafi nefndarmönnum eftir að fundarboð var sent yrðu tekin fyrir á fundinum, en það er fundargerð skólanefndar, erindi Þrúðmars Þrúðmarssonar um Hafnarbraut 40 og tvær umsagnir um umsóknir um rekstur veitinga- og gististaða.

Tillagan samþykkt.

Gengið var til dagskrár:

1. Fundargerðir

· Atvinnumálanefnd Hornafjarðar, 35. fundur 13. desember 2007.

Rætt um stefnu atvinnumálanefndar.  Hjalti gerði grein fyrir því að í vikunni hafi honum verið kynnt hugmynd um málþing um atvinnumál á vegum Háskólasetursins í mars.  Vegna framkominna upplýsinga leggur bæjarráð til að málþing um samfélagsþróun verði haldið á vegum atvinnumálanefndar næsta haust. 

Rætt um áherslur atvinnumálanefndar um að vinna sérstaklega í verkefnum sem tengjast tækifærum á vinnslu og útflutningi á vatni, uppbyggingu matvælaklasa og að greina atvinnutækifæri í tengslum við stofnun Vatnajökulsþjóðgarðs. Björn Ingi sagðist ánægður með að mál sem snúa að sölu vatns til útflutnings séu hjá Frumunni. Bæjarráð sammála um að Frumkvöðlasetur haldi utan um þau mál sem snúa að vatnsútflutningi.

Rætt um að sveitarfélagið ásamt Frumkvöðlasetrinu hefðu frumkvæði að stofnun félags hagsmunaaðila í héraðinu um útflutning á vatni.  Bæjarráð fagnar framkominni tillögu og felur bæjarstjóra að fylgja henni eftir.   

Fundargerð samþykkt.

· Byggingar- og skipulagsnefnd Hornafjarðar, 85. fundur 12. desember 2007.

Bæjarráð samþykkir stækkun lóðar á Litlubrú 1 samkvæmt umsókn Urtusteins ehf. þar um.

Bæjarráð felur framkvæmdastjóra tækni- og umhverfissviðs að vinna að breytingum á samþykkt um ökuhraða innan bæjarmarka Hafnar.  Stefnt er að því að bæjarstjórn taki málið fyrir á fundi í byrjun febrúar 2008. Undir þessum lið kynntu Árni og Haukur að nefndin hafi farið og skoðað fjögur svæði sem koma helst til greina að mati nefndarinnar sem land undir kirkjugarð.

Björn Ingi spurði um gæði steypu sem notuð hefur verið í sundlaug. Haukur svaraði því til að styrkleiki steypunnar væri nú 52% yfir lágmarkskvarða og ætti samkvæmt tæknimönnum eftir að aukast. Björn Ingi sagðist ánægður með þetta og fór fram á að þessum mælingum verði fylgt eftir allan byggingartíma sundlaugar.

Fundargerð samþykkt.

· Félagsmálráð Hornafjarðar, 174. fundur 11. desember 2007.

Fundargerð samþykkt.

· Menningarmálanefnd Hornafjarðar, 95. fundur 12. desember 2007.

Björn Ingi gerði athugasemd við málsmeðferð menningarmálanefndar, sbr. 8. lið í fundargerð, sagði að þessi ráðstöfun um vinnu án útboðs væri andstæð nýsamþykktum reglum um útboð á vegum sveitarfélagsins. Tekið er undir þetta af öðrum bæjarráðsmönnum og minnt er á að fara skuli eftir þessum reglum. Bæjarstjóri mun ræða við forstöðumann Menningarmiðstöðvar um þetta mál.

Fundargerð samþykkt.

· Umhverfisnefnd Hornafjarðar,  73. fundur 13. desember 2007.

Framkvæmdastjóra tækni- og umhverfissviðs falið að afla upplýsinga um hvernig standa beri að förgun sýktra gripa og kostnað við úrbætur þar um.

Rætt var um ?grænar tunnur?, sbr. fundargerð, hvort og þá með hvaða hætti ætti að koma slíku verkefni af stað.

Bæjarráð samþykkir að taka þátt í stofnun örmerkjagrunns, sbr. 4. lið á dagskrá nefndarinnar.

Bæjarráð tekur undir með umhverfisnefnd um að tryggja þurfi aðgang um gamlan þjóðveg að Heinabergi og fyrir gangandi fólk upp á Eskey komi til sölu á hluta ríkisins í Flatey sem kemur ekki til með að falla undir þjóðgarð.  Þá leggur bæjarráð áherslu á að ef til sölu kemur verði svæðin fyrir ofan þjóðveg og neðan hans aðskilin og seld hvort í sínu  lagi. Bæjarráð leggur jafnframt áherslu á að réttur þeirra sem eiga ábúðarrétt neðan þjóðvegar verði tryggður. 

Fundargerð samþykkt.

· Æskulýðs- og tómstundaráð Hornafjarðar, 95. fundur 13. desember 2007.

Bæjarráð fagnar hugmyndum um skautasvell og felur æskulýðs- og tómstundafulltrúa og framkvæmdastjóra tækni- og umhverfissviðs að ganga úr skugga um að umrætt svæði verði örugg og það lýst. 

Að gefnu tilefni sagðist Reynir óska eftir að nefndir og starfsmenn noti örnefni rétt þegar ritaðar eru fundargerðir en ekki stytt, eins og fram kemur í 3. lið fundargerðarinnar. Einnig ræddi Reynir um bíósýningar og hvetur ráðið til að skoða þau mál. Var undir þetta tekið.  

Fundargerð samþykkt.

· Starfshópur um félagslíf grunnskólanema, 4. fundur 20 nóvember og 5. fundur 4. desember 2007.

Rætt um Sindrabæ, hvar vista eigi málaflokkinn félagslíf.

Fundargerðir samþykktar.

· Skólanefnd Hornafjarðar, 99. fundur, 17. desember 2007

Björn Ingi ræddi þá breytingu að foreldraráð muni hverfa og í stað þeirra komi skólaráð, sbr. frumvarp til laga um grunnskóla. Sagðist Stefán telja þá breytingu jákvæða. Undir þessum lið var töluvert rætt um matarmál nemenda, það sem í boði er og hollustu þess.

Fundargerð samþykkt.

2. Tilboð í Nesjaskóla

Stefán gerði grein fyrir framkomnum tilboðum og samskiptum við Ríkiskaup sem sáu um útboðið. Hæsta tilboð barst frá Guðjóni Pétri Jónssyni.

Bæjarráð samþykkir að taka tilboði í þann hluta skólans sem auglýstur var til sölu, tilboðsupphæð kr. 60.500.000.-.

Í öðru lagi samþykkir bæjarráð að taka tilboði í kennsluhúsnæði, 679,6 fermetrar, að undanskildum færanlegum kennslustofum, tilboðsupphæð kr. 25.000.000.- að því gefnu að samningar takist um leigu.

Bæjarráð felur starfsmönnum að sjá um samninga við tilbjóðanda

Árni sagði ljóst að með þessu yrði ekki, innan ákveðins árafjölda, starfræktur skóli í því húsnæði sem til stendur að selja. Var undir það tekið af öðrum bæjarráðsmönnum.

3. Framkvæmdir og verkefni í dreifbýli í sveitarfélaginu

Lagt fram minnisblað, dags. 13. desember 2007.  Umræður sköpuðust um þau verkefni sem nú þegar er unnið að og hugmyndir sem komu fram um að efla starfsemi sveitarfélagsins í dreifbýlinu.

4. Skipun í nefnd um stefnu í húsnæðismálum stofnana sveitarfélagsins og stefnu í eignarhaldi á öðru húsnæði sveitarfélagsins

Frestað til næsta fundar.

5. Samþykktir um fráveitur í sveitarfélaginu

Haukur Ingi fór yfir málið og greindi frá vinnu við það. Samþykkt að vísa drögum að samþykkt til umhverfisnefndar til umsagnar.

6. Gjaldskrá vegna fráveitna í dreifbýli

Samþykkt að vísa drögum að gjaldskrá til umhverfisnefndar til umsagnar.

Bæjarráð telur rétt að leita eftir tilboðum í þjónustu varðandi tæmingu rotþróa.

7. Samstarfssamningur við Sindra 2007-2010

Bæjarráð samþykkir framkominn samning við Sindra. Áhersla er lögð á að æskulýðs- og tómstundafulltrúi og framkvæmdastjóri tækni- og umhverfissviðs vinni viðhaldsáætlun fyrir Sindravelli og að vallarstjórn verði virk og beri ábyrgð á notkun vallanna.

8. Reglur um umhverfisviðurkenningu sveitarfélagsins

Bæjarráð samþykkir framkomin drög.

9. Umsögn um umsókn um rekstrarleyfi til sölugistingar og veitinga, dags. 17. desember 2007. Umsækjandi Kistugil ehf. 

Bæjarráð gerir ekki athugasemdir við umsóknina.

10.    Umsögn um leyfi til reksturs veitingastaða, dags. 17. desember 2007. Umsækjandi Ingólfur Einarsson f.h. Kaffihornsins

Bæjarráð gerir ekki athugasemdir við umsóknina.

11.    Innsend bréf og erindi

·         RÚV, svarbréf dags. 6. desember 2007, RDS tækni í útvarpssendum í sveitarfélaginu.

Bæjarráð fagnar svari Útvarpsstjóra um að setja eigi upp RDS búnað í sveitarfélaginu.

·         Skipulagsstofnun, bréf dags. 7. desember 2007, um námur, framkvæmdaleyfi og mat á umhverfisáhrifum.

Vísað til byggingar- og skipulagsnefndar og umhverfisnefndar.

·         Jafnréttisstofa, tölvubréf dags. 11. desember 2007, málþing um kynbundinn launamun og aðferðir til úrbóta.

Vísað til félagsmálaráðs.

·         Ungmennafélagið Sindri, bréf dags. 10 . desember 2007, um lýsingu á bílaplani við íþróttahús, aðgreiningu umferðar við íþróttavöll, staðsetningu knattspyrnuhúss og notkunarmöguleika þess.

Ályktanir um lýsing á plani við íþróttahús og aðgreining umferðar við íþróttavöll. Vísað til starfsmanna.

·         Sýslumaðurinn á Eskifirði, bréf 12. desember 2007, breytingum  á lögregluumdæmum.

Til kynningar.

·         Menntamálnefnd Alþingis, bréf dags. 12. desember 2007, ósk um umsögn á frumvörpum til laga um grunnskóla, mál nr. 285, leikskóla, mál nr. 287.

Til kynningar.

·         Menntamálnefnd Alþingis, bréf dags. 12. desember 2007, ósk um umsögn á frumvörpum til laga um framhaldsskóla, mál nr. 286, heildarlög, og frumvarp til laga um menntun og ráðningu kennara og skólastjórnenda við leikskóla, grunnskóla og framhaldsskóla, 288. mál, kröfur til kennaramenntunar o.fl.

Til kynningar.

·         Samband sveitarfélaga, dags. 13. desember 2007, úttekt á vefjum sveitarfélaga og ríkisstofnana

Til kynningar.

·         Þrúðmar Þrúðmarsson, dags. 18. des., sig á Hafnarbraut 40.

Hjalti rakti atriði málsins og skýrði frá viðræðum sínum við Þrúðmar og lögfræðinga VÍS sem eru tryggingarfélag sveitarfélagsins.  Bæjarráð lýsir yfir vilja sínum að skoða málið gaumgæfilega þegar niðurstaða er fengin úr Úrskurðarnefnd í vátryggingarmálum.  Björn Ingi óskar eftir að sjá öll gögn um málið sem borist hafa (og berast munu) sveitarfélaginu.

12.    Önnur mál


Fundi slitið: 16:50