Fundargerð bæjarráðs 354

354. fundur

Mætt: Reynir Arnarson formaður, Guðrún Ingimundardóttir og Halldóra B. Jónsdóttir. Einnig Ásta H. Guðmundsdóttir og Stefán Ólafsson.

Reynir setti fund og bauð fundarmenn velkomna.  

1.    Fundargerðir

·         Félagsmálaráð 153. fundur 24. október 2006.

Fundargerð samþykkt

·         Húsnæðisnefnd 71. fundur 24. október 2006.

Bæjarráð tekur undir áður samþykkt minnisblað um kaupleiguíbúðir, dagsett 3. maí 2006 þar sem stefnt sé að sölu á íbúðum í eigu sveitarfélagsins.

Fundargerð samþykkt.

·         Æskulýðs og tómstundaráð 83. fundur 23. október 2006.

Halldóra spurðist fyrir um sundlaugaframkvæmdir.  Stefán sagði að vika til hálfur mánuður væri þar til hönnun lýkur.  Enn er sig á malarpúðanum og því óvíst hvenær hægt verður að fjarlægja hann.

Fundargerð samþykkt.

2.    Fjárhagsáætlun 2007

Lögð fram fjárhagsáætlun 2007 sem verður til umfjöllunar  á vinnufundi bæjarstjórnar þann 2. nóv. nk.  þar kemur m.a.  fram að rekstrarafgangur A og B hluta er 30,5 m.kr., handbært fé er 171 m.kr., fjárfestingar 394 m.kr., tekin verða ný langtímalán 288 m.kr. og afborganir langtímalána verði 114,2 m.kr.

 3.    Ósk um umsögn á tillögu Vegagerðarinnar að matsáætlun umhverfisáhrifa     hringvegar um Hornafjarðarfljót

·       Bréf Skipulagsstofnunar dags. 24. október 2006

Bæjarráð gerir ekki athugasemdir við tillögu Vegagerðarinnar að matsáætlun vegna hringvegar um Hornafjarðarfljót dags. í október 2006 og vísar málinu til umfjöllunar í bæjarstjórn.

 4.    Framtíðarlóð fyrir pylsubarinn – ný umsókn

·       Bréf Lars Jóhanns Andréssonar og Hólmars Kristmundssonar dags. 22. október 2006.

Erindinu vísað til byggingar- og skipulagsnefndar.

 5.    Ósk um álit á aðstöðu fyrir ferðaþjónustu

·         Bréf Elvars Unnsteinssonar og Hauks Þ. Sveinbjörnssonar dags. 25. október 2006.

Bæjarráð tekur jákvætt undir erindið og felur starfsmönnum að ræða við umsækjendur.  

6.    Innsend erindi og til kynningar

·         Foss, bréf dags. 20. október 2006, v. trúnaðarmanna Foss hjá sveitarfélaginu. Til kynningar.

·         Kask, bréf dags. 23. október 2006, tilkynning um niðurstöðu útboðs á innanlandsflutningum. Til kynningar.  Bæjarráð felur starfsmönnum að skoða málið með tilliti til lækkunar á flutningskostnaði.

·         Umhverfisstofnun, bréf dags. 20. október 2006, um ársfund Umhverfisstofnunar og Náttúruverndarnefnda 10. nóvember 2006.

Bæjarstjóra falið að tilnefna fulltrúa

7.    Önnur mál

·        Halldóra spurðist fyrir um stöðu starfsmannamála tæknideildar.  Stefán svaraði að málið væri í vinnslu.

·        Greint frá því að Þóra Jónsdóttir, búsett á Skálafelli í Suðursveit, hafi verið ráðin sem húsvörður að Hrollaugsstöðum.

Fundi slitið kl.11:53.