Fundargerð bæjarráðs 309

309. fundur

Mætt voru:  Halldóra B. Jónsdóttir, varaformaður, Reynir Arnarson og Björn Emil Traustason. Áheyrnarfulltrúi:  Kristín G. Gestsdóttir.

Einnig:  Albert Eymundsson, bæjarstjóri, Hjalti Þór Vignisson, Stefán Ólafsson, Ásta H. Guðmundsdóttir og Helgi Már Pálsson.

Gengið var til dagskrár og eftirfarandi tekið fyrir:

1.  Fundargerðir

· Æskulýðs- og tómstundaráð Hornafjarðar, 72. fundur  24. október 2005.

Rætt um dúk á sundlaug. 

Fundargerð samþykkt.

· Samband íslenskra sveitarfélaga, 728. fundur, dags. 23. september.

Til kynningar.

2. Fjárhagsáætlun 2006 ? Framkvæmdayfirlit, viðhaldsáætlun og stofnbúnaðarrammi.

Lögð fram drög að fjárhagsáætlun, dags. 27. október 2005.  Samþykkt að styrkjarammi verði alls 17,2 m.kr.  Áætlun um skatttekjur samþykkt.  Samþykkt að stofnbúnaðarrammi verði 6 m.kr.. Framlagðir rekstrarrammar samþykktir.   Lögð fram drög að viðhaldsáætlun.  Samþykkt að viðhaldsrammi verði 20 m.kr.  Töluverðar umræður sköpuðust um leikvöll í Nesjahverfi.  Starfsmönnum falið að ljúka málinu sem fyrst í samræmi við umræður á fundinum.  Lögð fram drög að framkvæmdayfirliti til kynningar.

3. 9 mánaða uppgjör bæjarsjóðs og stofnana

Ásta fór yfir 9 mánaða uppgjör.  Staðan er í samræmi við áætlanir.

4. Byggðáætlun 2006-2009

Lögð fram drög að umsögn.  Bæjarráð felur starfsmönnum að ljúka við umsögn í samræmi við umræður á fundinum.

5. Lóðaframboð á Höfn

Listi lagður fram til kynningar.

6. Ungmennalandsmót á Hornafirði 2007

Lögð fram samantekt, dags. 11. október 2005, um mannvirki og aðstöðu til landmóts 2007. Bæjarstjóri fór yfir vinnu nefndar sem skipuð var til að meta þörf á íþróttamannvirkjum. 

Miklar umræður urðu um uppbyggingu íþróttamannvirkja, t.d. sundlaugar, frjálsíþróttasvæðis og fótboltavalla.

Bæjarráð felur undirbúningsnefndinni að vinna áfram í þeim anda sem hefur verið gert fram að þessu og óskar eftir kostnaðarmati á einstökum tillögum.

7. Innsend erindi og til kynningar

· Samband íslenskra sveitarfélaga, dags. 20. október 2005, vegna aðgerðaráætlunar gegn ofbeldi á konum.

Vísað til félagsmálaráðs.

·  Landbúnaðarráðuneytið, bréf dags. 19. október 2005, vegna fundar um ágreiningsmál á Skógeyjarsvæðinu.

Til kynningar.

·  Menntamálaráðuneytið, bréf dags. 18. október 2005, vegna innriturnar í fjarnám við Háskólann á Akureyri.

Til kynningar.

·  Sveitarstjórn Djúpavogshrepps, bókun 20. október s.l., um ástand vegarins um Þvottár- og Hvalnesskriður og  áherslur sveitarstjórnarinnar um framtíðartengingu milli Álftafjarðar og Lóns.

Til kynningar.

·   Umhverfisstofnun, bréf dags. 21.október 2005, vegna ársfundar 2005, náttúruverndarnefnda og umhverfisstofnunar.

Vísað til tækni- og umhverfissviðs og umhverfisnefndar.

8. Önnur mál

·  Ásta kynnti sölu Bjarnarhóls 6.

·  Bæjarstjóri kynnti stofnfund sjálfseignarstofnunar Jöklaseturs ses.  Bæjarráð samþykkir að vera stofnaðili.  Starfsmönnum falið að ganga frá formsatriðum í því sambandi.

·  Bæjarráð  Hornafjarðar telur brýnt að varanleg framtíðarlausn fáist í vegamál á milli Álftafjarðar og Lóns.  Núverandi vegur sem liggur um Hvalnes- og Þvottárskriður getur ekki talist framtíðarlausn þó miklu fjármagni verði varið í úrbætur þar.   Eftir því sem umferð eykst er öryggi vegfarenda á þessum slóðum æ oftar teflt í tvísýnu vegna grjóthruns skriðufalla, og ofsaveðurs sem geysar stundum á þessari leið eins og nýleg dæmi sanna.  Bæjarráð Hornafjarðar telur einu varanlegu lausnina vera jarðgöng milli Lóns og Álftafjarðar á sama hátt og kom í ljós við Almannaskarð og hvetur samgönguyfirvöld að hefja rannsóknir og undirbúning vegna þessa sem fyrst.

Fundi slitið kl.  12.30