Fundargerð bæjarráðs 286

286. fundur

Bæjarráð Hornafjarðar 286. fundur

FUNDARGERÐ

Fundur haldinn í bæjarráði Hornafjarðar í fundarsal ráðhúss, fimmtudaginn 18. mars kl. 10:00.

Mætt voru: Elín Magnúsdóttir, formaður og Björn E. Traustason. Áheyrnarfulltrúi var Kristín Gestsdóttir. Einnig: Albert Eymundsson, bæjarstjóri, Stefán Ólafsson og Hjalti Þór Vignisson. Gengið var til dagskrár og eftirfarandi tekið fyrir:

1. Fundargerðir

• Atvinnumálanefnd Hornafjarðar 17. fundur 14. mars 2005.

Bæjarráð leggur til að hugmyndir um betrunarheimili í sveitarfélaginu verði sett í vinnu við vaxtarsamning fyrir svæðið. Bæjarráð tekur undir bókun atvinnumálanefndar um heimasölu afurða bænda. Kristín ræddi um hversu mörg verkefni væri verið að vinna að í héraði sem lofa góðu. Þá tók hún undir tillögu um að gera könnun meðal ferðamanna um hvað þeir vildu helst upplifa á Íslandi yfir vetrartímann. Fundargerð samþykkt.

• Byggingar- og skipulagsnefnd Hornafjarðar 57. fundur 10. mars 2005.

Kristín spurði um greinargerð lögreglunnar á Höfn um umferð. Kom fram að tæknideild hafi verið falið að gera tillögur að nýjum hraðatakmörkunum í bænum. Björn benti á nauðsyn þess að byggja upp vindbrjót við nýja veginn við Almannaskarð. Fundargerð samþykkt. · Félagsmálaráð Hornafjarðar 123. fundur 8. mars 2005.

Fundargerð samþykkt.

• Menningarmálanefnd Hornafjarðar 66. fundur 9. mars 2005.

Elín fagnaði auknu samstarfi milli FAS og Menningarmiðstöðvar Hornafjarðar.

Fundargerð samþykkt.

• Umhverfisnefnd Hornafjarðar 50. fundur 14. mars 2005.

Bæjarráð felur starfsmönnum að vinna að framgangi Green Globe 21 verkefnisins. Fundargerð samþykkt.

2. Erindi leikskólastjóra á Hornafirði

Lagt fram bréf frá leikskólastjórum á Hornafirði, dags. 9. mars 2005. Vísað til afgreiðslu skólanefndar. Bæjarráð tekur undir nauðsyn þess að fá fleiri menntaða leikskólakennara til starfa við leikskóla í sveitarfélaginu.

3. Ósk um umsögn á setu á jörð Lagt fram bréf Gísla Jóhanssonar, dags. 9. mars 2005.

Starfsmönnum falið að veita umbeðna umsögn.

4. Drög að verklagsreglum vegna ráðstöfun barna í fóstur

Reglurnar samþykktar.

5. Innsend erindi og til kynningar

· Jöfnunarsjóður sveitarfélaga v. úthlutunar v. fatlaðra nemenda, bréf dags. 8. mars 2005.

Til kynningar.

· Jafnréttisráðgjafi Reykjavíkurborgar v. málþings um málefni innflytjenda, tölvubréf dags. 10. 2005.

Vísað til félagsmálaráðs.

· Vinnueftirlitið v/aðgerða vegna eineltis á vinnustað, bréf dags. 1. mars 2005. Bæjarstjóra falið að vinna að málinu..

· Menntamálaráðuneytið v/málþings um fljótandi skil leik- og grunnskóla, bréf dags. 8. mars 2005. Vísað til fræðslu- og félagssviðs.

· Samband íslenskra sveitarfélaga vegna nýmæla í stjórnun sveitarfélaga. Til kynningar.

6. Önnur mál

• Samningur ríkisins við sveitarfélög á Austurlandi um menningarmál kynntur.

Bæjarráð staðfestir samninginn fyrir sitt leyti.

• Farið yfir fund fulltrúa sveitarfélagsins með forsætisráðherra í gær.

 Á þeim fundi lýsti forsætisráðherra yfir að ríkisstjórnin væri reiðubúin að vinna að vaxtarsamningi fyrir Suðausturland ásamt heimamönnum. Ennfremur kom fram hjá ráðherra að ríkisstjórnin komi að uppbyggingu Jöklasýningar í samræmi við tillögur um samstarf.

• Stefán gerði grein fyrir heimsókn nemenda 9. bekkjar frá Sisimuit á Grænlandi.

Starfsmönnum falið að undirbúa heimsóknina.

• Bæjarstjóri upplýsti að á aðalfundi Frumkvöðlaseturs Austurlands í gær hefðu allir hluthafar samþykkt að halda starfsemi setursins áfram næstu þrjú ár. Ennfremur lýsti allir yfir ánægju sinni með starf frumkvöðlasetursins.

Fundi slitið kl. 11.30