Almannavarnarnefnd A-Skaft.
Fundargerð almannavarnanefndar 36
36. fundur
Fundur í Almannavarnanefnd haldinn í ráðhúsi, mánudaginn 26. apríl 2010 og hófst hann kl. 20.00
Fundinn sátu:
Björn Ingi Jónsson, Reynir Arnarson, Ólafur Sigurðsson, Friðrik Jónas Friðriksson, Páll Björnsson, Hjalti Þór Vignisson (HÞV), Friðþóra Ester Þorvaldsdóttir,
Fundargerð ritaði: Hjalti Þór Vignisson, Bæjarstjóri
Dagskrá:
1. 201004055 - Eldgos
Björn Ingi gerði grein fyrir að ekki er lengur talin hætta á öskufalli í Austur-Skaftafellssýslu vegna eldgos í Eyjafjallajökli því askan er að verða grófari og fýkur því skemur. Hjalti gerði grein fyrir svörum Magnúsar Tuma Guðmundssonar dags. 21.apríl 2010 um stöðu Grímsvatna.
2. 201004054 - Áhættuskoðun - almannavarnarnefnd
Björn Ingi lagði til að fundarmenn færu yfir skjal um áhættu í umdæmi lögreglustjórans á Eskifirði og kortleggi mögulega áhættu á að almannavarnarástand skapist. Fundarmenn töldu að gera þyrfti áhættumat fyrir eftirfarandi:
óveður, eldgos, samgöngurof, jökulhlaup, vatnavexti í ám, flugslys, sjóslys, umferðarslys, mengunarslys á sjó og landi, vegna ferða á jökli og Jökulsárlóni, vegna útivistar í þjóðgarði, aurskriða, snjóflóða, flóðbylgja, eiturefnaslysa, raforkurofr og neysluvatnsrofs.
Rætt um sinubruna í Nesjum undanfarna daga og mikilvægi þess að gerðar verði viðeigandi áætlanir um samstarf viðbragðsaðila þegar hætta skapast.
Almannavarnarnefnd felur formanni og bæjarstjóra að fylla inn í viðegandi eyðublöð og leggja fyrir fund að því loknu.
