Svæðisráð Vatnajökuls- þjóðgarðs
Fundargerð svæðisráðs Vatnajökulsþjóðgarðs - Suðursvæði 17. fundur
Fundur haldinn í ráðhúsi Hornafjarðar 5. janúar 2010 kl. 16.00. Mætt voru: Hjalti Þór Vignisson, Sigurlaug Gissurardóttir, Guðrún Ingimundardóttir, Björn Ingi Jónsson. Skúli Skúlason og Hrafnhildur Hannessdóttir voru í síma. Einnig: Regína Hreinsdóttir, þjóðgarðsvörður.
Dagskrá.
1. Drög að verndaráætlun og stefnumótun.
Farið yfir drög að verndaráætlun og stefnumótun. Í umræðum kom fram að töluvert væri um endurtekningar, þörf væri á betri ritstýringu, draga þyrfti saman helstu aðgerðir og koma skýrar á framfæri því sem stefnt er að. Þá var bent á að það komi fram í reglugerð að ef eitthvað eigi að framkvæma innan þjóðgarðs að þá þurfi að hafa það í verndaráætlun. Mikilvægt væri að verndaráætlun væri stefnumótun en ekki stöðumat. Áður en farið verði í samráð þurfi að draga fram skýrari línur um að hverju eigi að stefna og einnig hvað verði bannað og hvað verði leyfilegt. Slíkar spurningar brenni á íbúum og hagsmunaaðilum.
2. Samráð
Eftirfarandi verkáætlun samþykkt.
| 5. jan | miðvikudagur | Fundur í svæðisráði |
| 11.jan | mánudagur | Ritstýring |
| 12.jan | þriðjudagur | Ritstýring |
| 13.jan | miðvikudagur | Ritstýring |
| 14.jan | fimmtudagur | Ritstýring |
| 15.jan | föstudagur | Ritstýring |
| 18.jan | mánudagur | Fundur í svæðisráði |
| 20.jan | miðvikudagur | Fundur með ferðafélaginu, Samút, Skotvís, 4x4, björgunarfélagið og fjallafélaginu |
| 21.jan | fimmtudagur | Fundur með landeigendum |
| 22.jan | föstudagur | Fundur með atvinnurekendum sem starfa innan þjóðgarðs |
| 25.jan | mánudagur | Fundur með stjórn ferðamálafélagsins og stjórn Ríki Vatnajökuls |
| 27.jan | miðvikudagur | Fundur í svæðisráði þar sem gengið verður frá 1. drögum að tillögu fyrir svæðið |
| 30.jan | laugardagur |
Almennur íbúafundur. Umræður á fundinum móta næstu skref. Hvort svæðisráð sendir tillögur frá sér eða endurskoðar að hluta. |
3. Önnur mál
· Spurt um fjárhagsstöðu þjóðgarðsins. Kom fram að skorið hefur verið niður framkvæmdafé en rekstur verði óbreyttur á árinu 2010. Von er á framkvæmdastjóra í janúar mánuði til að kynna rekstraráætlun.
· Sigurlaug fagnaði að þjóðgarðurinn hefði lengt opnunartíma og bætt þjónustu í Skaftafelli yfir vetrarmánuðina. Sagði þetta samdóma álit ferðaþjónustuaðila og meðal þeirra ríkir mikil ánægja með framtakið. Þetta hefði þegar leitt til aukiningar á fjölda ferðamanna sem væri mikið hagsmunamál fyrir ferðaþjónustuna.
Fundi slitið 17.25
