Fundargerð atvinnu- og menningarmálanefndar 14
14. fundur
14. fundur Atvinnu- og menningarmálanefndar
haldinní ráðhúsi, 23. ágúst 2011 og hófst hann kl. 16:00
Fundinn sátu:
Kristján Sigurður Guðnason formaður
Gunnhildur Imsland varaformaður
Valdimar Ingólfsson aðalmaður
Maríanna Jónsdóttir aðalmaður
Árni Rúnar Þorvaldsson aðalmaður
Hjalti Þór Vignisson (HÞV) embættismaður
Fundargerð ritaði: Hjalti Þór Vignisson, bæjarstjóri.
Dagskrá:
| 1. |
201108016 - Starfsemi Matís á Hornafirði |
|
|
Vigfús Ásbjörnsson, stöðvarstjóri Matís á Hornafirði, kom á fundinn og sagði frá verkefnastöðu árin 2011 og 2012. Sagði að hann hafi fengið fjölmarga styrki og framundan væri vinna við mörg og fjölbreytt verkefni. Framundan væru verkefni sem tengjast gildruveiðum á humri, vinnslu humarmarnings, fullvinnslu loðnuflaka, þurrkun á síldarflökun, humarsoð kokksins og nýting öfugkjöftu til vinnslu sjávarafurða. Um er að ræða þróunarverkefni sem miða að framleiðslu nýrra afurða fyrir erlenda markaði í samstarfi við útgerðir og fiskvinnslur. Einnig vinnur Matís að verkefnum í tengslum við ferðaþjónustu og sjálfbæra þróun, s.s. eflingu grænmetisræktunar. Þá eru ýmis ?sprettverkefni? í gangi, til dæmis um fullvinnslu á hráskinku og þurrpylsum. Auk þess eru fjölmörg verkefni í gangi í matarsmiðjunni sem er komið af þróunarstigi og eru orðnar fullbúnar vörur. Vigfús kynnti auglýsingabækling frá Matís sem kynnir möguleika í matarsmiðjunni sem liggja muni frami víðsvegar í sveitarfélaginu.Vigfúsi þakkað fyrir góða kynningu og óskað velfarnaðar. |
| |
|
|
| 2. |
201101058 - Hátíðir á Hornafirði |
|
|
Valdemar Einarsson, framkvæmdastjóri Sindra og Humarhátíðar, kom á fundinn og kynnti uppgjör á hátíðinni. Taldi að komið væri tími til gagngerrar endurskoðunar. Bæði væri afkoma af hátíðinni lítil og auk þess þyrfti að skoða tímasetningu, dagskrá helgarinnar og fleira. Taldi að ástæða væri að setja á starfshóp til að undirbúa næstu hátíð, sem væri hin 20. í röðinni.
Atvinnu- og menningarmálanefnd leggur til að settur verður á fót sérstakur starfshópur til að fara yfir hátíðir í sveitarfélaginu og framtíð þeirra. Í þeirri vinnu er mikilvægt að tengja saman fyrirtæki, félagasamtök, stofnanir sveitarfélagsins og fleiri aðila. Mikilvægt að starfshópurinn skili hugmyndum eigi síðar en í janúar 2012. |
| |
|
|
| 3. |
201104061 - Stefna sveitarfélagsins í orkumálum |
|
|
Hjalti kynnti vinnu við skoðun á virkjun á vindorku og sjávarföllum. Einnig sagt frá samstarfsverkefni með öðrum sveitarfélögum á köldum svæðum er varðar hagkvæmni á uppsetningu varmadæla. Að endingu ræddi hann um tilraun jarðræktarfélagsins og hagkvæmnisathugun RARIK á nýtingu jarðhita frá Hoffelli. |
| |
|
|
| 4. |
201105001_1 - Stefnumótun í atvinnu- og menningarmálum |
|
|
Gerð grein fyrir vinnunni fram að þessu. Kristján lagði til að haldinn yrði vinnufundur núna í haust til að ýta atvinnu- og menningarstefnu úr vör. Á þeim fundi yrðu aðilar úr Nýheimum, starfsfólk menningarmiðstöðvar og bæjarstjórn boðaðir. |
| |
|
|
| 5. |
200908022 - Fjallskil og upprekstrarsamningar |
|
|
Upplýst að óskað hafi verið eftir lögfræðiáliti á skyldum landeigenda, fjáreigenda og sveitarfélags í fjallskilum.
Valdimar vék af fundi kl. 17.50. |
| |
|
|
| 6. |
201108018 - Atvinnu- og rannsóknasjóður - staða verkefna |
|
|
Farið yfir verkefni sem hlotið hafa styrk fram að þessu. Rætt um fyrirkomulag úthlutunar. Stefnt að auglýsingu í september og úthlutun ekki síðar en í desember. |
| |
|
|
| 7. |
201008016 - Listasafn Svavars Guðnasonar |
|
|
Frestað til næsta fundar. |
| |
|
|
| 8. |
201108017 - Jökulárnar okkar |
|
|
Kynnt hugmynd frá Guðrúnu Ingimundardóttur. Vísað til starfsmanna Menningarmiðstöðvar. |
| |
|
|
| 9. |
201102011 - Önnur mál |
|
|
Hjalti gerði grein fyrir fundi með Tinnu Arnardóttur í Nýsköpunarmiðstöð Íslands fyrr um morguninn. Stefnt að fá hana á fund nefndarinnar í september. |
| |
|
|
Fleira ekki gert. Fundi slitið kl. 18:00
