Fundargerð atvinnu- og menningarmálanefndar 13
13. fundur
13. fundur Atvinnu- og menningarmálanefndar haldinní ráðhúsi, 27. júní 2011 og hófst hann kl. 20:00.
Fundinn sátu:
- Kristján Sigurður Guðnason formaður
- Gunnhildur Imsland varaformaður
- Maríanna Jónsdóttir aðalmaður
- Árni Rúnar Þorvaldsson aðalmaður
- Gunnar Örn Reynisson 3. varamaður
- Hjalti Þór Vignisson (HÞV) embættismaður
Fundargerð ritaði: Hjalti Þór Vignisson , bæjarstjóri .
Dagskrá:
| 1. |
201008042 - Staða á vinnumarkaði |
|
Ragnhildur Jónsdóttir kom á fundinn undir þessum lið og gerði grein fyrir stöðu á atvinnuleysisskrá. Kom fram að 20 eru skránni en þar af eru 11 í hlutastarfi. Sagði hún frá bakgrunni þeirra sem eru á skránni. Langtímaatvinnuleysi er lítið sem ekkert. Greindi hún frá nýju átaki til að hvetja fólkt að leita sér menntunar ef það fær ekki atvinnu. Jafnframt greindi Ragnhildur frá Smiðju sem sett var á laggirnar í tengslum við átakið ,,Ungt fólk til athafna". Sagði hún almenna ánægju með verkefnið, bæði hjá aðstandendum og þátttakendum. Sagði hún að ef haldið yrði áfram með verkefnið mætti þróa úrræði fyrir fleiri hópa en atvinnuleitendur og nýta mætti betur ýmisleg vinnumarkaðsúrræði , s.s. vettvangsnám í formi samninga um reynsluráðningu, starfsþjálfun og starfsnám. Jafnframt mætti skipuleggja sjálfboðastarf í þágu Rauða krossins, heimsóknir til eldri borgara, aðstoð á leikskólum- og grunnskólum og aðstoða erlenda íbúa við að aðlaga sig samfélaginu.
Í kjölfarið sköpuðust umræður um stöðuna á vinnumarkaði og úrræði þeim tengdum.
Ragnhildi þökkuð fyrir komuna á fundinn. |
| |
|
|
| 2. |
201103088 - Samningur milli sveitarf. og Ríkis Vatnajökuls um stuðning sveitarfélagsins við markaðssetingu og kynningu á ferðaþjónustu og afurðum í sveitarfélaginu |
|
Farið yfir ákvörðun bæjarstjórnar um að veita 3 m.kr. til markaðsstarfs. Nefndin gerir ekki athugasemdir við skiptingu fjármuna þannig að 2 m.kr. fari til þess að efla kynningu ferðaþjónustunnar á netinu skv. framlagðri hugmynd frá framkvæmdastjóra Ríki Vatnajökuls. Kristján lagði þá tillögu fram að sú 1 m.kr. sem eftir stæði færi í að setja upp kynningarskylti á fjölförnum stöðum í sveitarfélaginu, s.s. við Skaftafell, Jökulsárlón og víðar auk þess að nýta mætti fjármuni til að setja upp kynningarsíðu fyrir þá sem hyggjast flytja á Hornafirði. Nefndarmenn ræddu fleiri hugmyndir, s.s. skjáauglýsingar og auglýsingar í útvarpi. Gunnar Örn lagði áherslu á að tryggja þurfi bestun á leitarvélum. Nefndarmenn ræddu um mikilvægi þess að vefir væri uppfærðir reglulega og væri lifandi. Umræða þróaðist um hvort sveitarfélagið ætti að ráða sérstakan starfsmann til að sinna upplýsingagjöf.
Starfsmanni falið að vinna kostnaðaráætlun, gera tillögu um útlit og staðsetningu skilta og leggja fyrir nefndina. |
| |
|
|
| 3. |
201102063 - Íbúaþing - skýrsla |
|
Farið yfir skýrsluna. Sérstaklega var farið yfir aðgerðalista og rætt um um verkefni sem hefur verið komið af stað og í framhaldi skapaðist umræður um aðgerðir sem ráðast þarf í skv. listanum. Nefndin felur starfsmanni að taka saman greinargerð um stöðu verkefna og aðgerða sem koma fram í skýrslunni og senda á staðarfjölmiðla til upplýsinga. Kristján lagði fram tillögu um að skýrslunni yrði vísað til vinnu nefndarinnar um gerð stefnu í atvinnu- og menningarmálum sem fyrirhugað er að hefjist í haust. Tók nefndin undir tillöguna. |
| |
|
|
| 4. |
200912045 - Sóknaráætlun 20/20 |
|
Gerð grein fyrir breytingum á skjalinu frá síðasta fundi. Starfsmanni falið ganga frá skýrslunni og setja upp efnisyfirlit og fleira þess háttar. Nefndin gerði nokkrar breytingar, samþykkti skjalið fyrir sitt leyti og vísar til bæjarráðs. |
| |
|
|
| 5. |
201102011 - Önnur mál |
|
Engin. |
| |
|
|
Fleira ekki gert. Fundi slitið kl. 21:30
