Fundargerð atvinnu- og menningarmálanefndar 10

10. fundur

Fundur í atvinnu- og menningarmálanefnd haldinn í Nýheimum þriðjudaginn 15. mars 2011 og hófst hann kl. 17:00

Fundinn sátu:

Kristján Sigurður Guðnason, Gunnhildur Imsland, Maríanna Jónsdóttir, Árni Rúnar Þorvaldsson, Gunnar Örn Reynisson, Hjalti Þór Vignisson (HÞV), Björg Erlingsdóttir, Björn Arnarson,  

Fundargerð ritaði:  Hjalti Þór Vignisson og Björg Erlingsdóttir, bæjarstjóri og forstöðumaður Menningarmiðstöðvar

 Dagskrá:

 1.    201103003 - Gamlabúð - flutningur

Lögð fram kostnaðaráætlun um flutning Gömlubúðar. Björn lagði áherslu á að gætt verði að því að byggðasafnið var í upphafi byggt upp af hugsjón og frumkvæði ákveðna manna. Sagði einnig að mikilvægt væri að skoða byggðasafnið í heild sinni og þar með talið búvélar og bíla. Rætt um sýningu í Gömlubúð ef af flutningi verður.
Starfsmönnum falið að gera tillögu að verkferli um flutning Gömlubúðar, að uppsetningu nýrrar sýningar og um starfsemi byggðasafns.

2.    200805074 - Hafnarvík Heppa verkefni

Lögð fram skýrsla um varðveiðslu og uppbyggingu húsa við Hafnarvík og Heppu sem R3 ráðgjafar og Gláma Kím unnu árið 2008. Einnig lagt fram gagnasafn með upprunalegum teikningum, uppmælingum og ljósmyndum sem tengjast byggð á Hafnarvík - Heppu. Jafnframt lagt fram yfirlit um mannlíf og minjar á Höfn í Hornafirði. Umræða varð um varðveiðslu einstakra húsa og meðal annars rætt sú hugmynd að afstaða Gömlubúðar verði eins og áður en hún var flutt af hafnarsvæðinu. Maríanna sagði að huga verði að því að hægt verði að taka á móti hópum.

Björn Arnarson vék af fundi kl. 17.30.

3.    201102006 - Styrkir Atvinnu- og rannsóknasjóðs

Rætt um úthlutun úr atvinnu- og rannsóknasjóði. Einnig lagt fram yfirlit yfir verkefni sem styrkt hafa verið fram að þessu. Farið yfir verkefnin og stöðu þeirra. Árni benti á að gagnlegt væri að flokka styrki, t.d. út frá atvinnuvegum. Starfsmanni falið að gera heildstæða úttekt á stöðu verkefna.
Rætt um úthlutanir úr A hluta atvinnu- og rannsóknasjóðs og að skort hafi á að fá álit þriggja sérfróðra aðila. Starfsmanni falið að ræða við styrkþega úr þeim hluta sjóðsins.

4.    201011065 - Orkumál

Rætt um hugmyndir sem komu fram á íbúaþingi um orkumál. Í því sambandi var rætt um sjávaraflsvirkjanir, vindorku og lífrænt eldsneyti, s.s. repju. Atvinnu- og menningarmálanefnd er sammála um að hrinda af stað stefnumótum í orkumálum fyrir sveitarfélagið. Starfsmanni falið að gera tillögu að verkefninu og leggja fyrir næsta fund nefndarinnar.

5.    201103032 - Fjallskil - bréf Þorsteins Sigjónssonar

Lagt fram bréf dags. 21. febrúar 2011 um árangurslausar kvartanir vegna fjallskila í Hoffellslambatungum undanfarin haust. Atvinnu- og menningarmálanefnd er sammála um að bjóða bændum til fundar við sig um fjallskil í vor.

6.    201012056 - Framtíð ljósalistaverks á vatnstankinum

Atvinnu- og menningarmálanefnd er sammála um að ljósalistaverkið hefur lífgað upp á ásýnd bæjarins. Nefndin leggur til að listaverkið verði ekki keypt eða leigt að svo stöddu. Hins vegar bendir nefndin höfundi sýningarinnar á þann möguleika að hægt er að sækja um styrk til bæjarins á hverju hausti til að setja upp og taka niður sýninguna.

7.    201102011 - Önnur mál

Hjalti greindi frá fundi í mennta- og menningarmálaráðuneytinu um menningarsamninga.
Björg greindi frá fundi í Listasafni Íslands um Svavarssýningu.