Fundargerð atvinnu- og menningarmálanefndar 2

2. fundur

Fundinn sátu:

Kristján Sigurður Guðnason, Gunnhildur Imsland, Valdimar Ingólfsson, Maríanna Jónsdóttir, Árni Rúnar Þorvaldsson, Hjalti Þór Vignisson (HÞV), Guðlaug Ósk Pétursdóttir,  

 Fundargerð ritaði:  Hjalti Þór Vignisson, bæjarstjóri

 Dagskrá:

 1.      201008039 - Síðasta fundargerð atvinnumálanefndar

Lagt fram til kynningar.

2.      200903002 - Scæðisbundið samstarf í menningarmálum

Lögð fram greinargerð dags. 7. ágúst 2010. Hjalti fór yfir greinargerðina og sagði m.a. að menningarsamningar hafi verið mikilvægir fyrir einstaklinga og félagasamtök sem standa fyrir menningarstarfi auk þess sem Menningarmiðstöð Hornafjarðar hlýtur árlegan rekstrarstyrk. Árni gerði grein fyrir tillögu sem hann lagði fram þann 12. júlí sl. í bæjarráði. Einnig gerði Árni grein fyrir viðræðum í Menningarráði Austurlands, sem hann á sæti í, um áframhaldandi samstarf.

Atvinnu- og menningarmálanefnd leggur til að áhersla Sveitarfélagsins Hornafjarðar verði að halda fjárframlagi til rekstur Menningarmiðstöðvar auk þess að hafa aðgang að styrkfé fyrir félagasamtök og einstaklinga sem sinna menningarmálum.

3.      201008014 - Kynning á skipulagi og starfsemi Menningarmiðstöðvar Hornafjarðar

Guðlaug Pétursdóttir mætti á fundinn undir þessum lið, lagði fram árskýrslu Menningarmiðstöðvar árið 2009 og sagði frá starfssviði sínu sem felst m.a. í undirbúningi og utanumhaldi á fjölda viðburða. Sagði hún að listamenn óskuðu í meira mæli eftir því að koma til Hornafjarðar. Einnig vinnur Guðlaug mikið með félagasamtökum að fjölbreyttum verkefnum og sýningum. Þá greindi Guðlaug frá danskvöldum og danskennslu, jólamarkaði, þjóðahátíð og fleiri viðburðum sem Menningarmiðstöðin stendur fyrir. Guðlaug sagði að barnastarfið í sumar hafi gengið vel en alls var farið á níu staði. Sagði frá samstarfsverkefnum með öðrum aðilum, s.s. humarhátíð og verkefnum sem fjármögnuð eru með styrkjum, s.s. eins og Ungt fólk og lýðræði. Mánaðarlega kemur út viðburðadagatal á vegum Menningarmiðstöðvar. Þessa dagana er unnið að undirbúningi áhugaljósmyndasýninga og fleiri viðburða.

Í framhaldinu skapaðist umræða m.a. um notkun á Pakkhúsi undir tónlistarviðburði.
Atvinnu- og menningarmálanefnd leggur áherslu á að tónlistarviðburðir verði settir upp í samvinnu við veitingamenn á staðnum, sérstaklega yfir vetrartímann, og beinir til bæjarráðs að settar verði reglur þar um.

4.      201008042 - Staða á vinnumarkaði og atvinnuhorfur ágúst 2010

Lagt fram yfirlit um stöðu á atvinnuleysiskrá þar sem m.a. er sýnt aldursdreifing þeirra sem leita sér að atvinnu og hversu lengi fólk er á skránni. Kom fram að langtímaatvinnuleysi, þ.e. þeir sem eru búnir að leita að atvinnu í meira en ár eru samtals 2 og 1 hefur leitað að atvinnu í 39-51 viku. Kom fram að í lok júlí hafi 17 verið á skrá.

Rætt almennt um horfir á atvinnumarkaði í vetur og mikilvægi þess að halda vöku sinni. Gunnhildur ræddi um að huga verði að stöðu kynjanna á atvinnumarkaði. Benti á að þeir sem hafa leitað lengst að atvinnu séu konur og sömu úrræði henti ekki fyrir bæði kyn.

5.      201008015 - Markaðs- og kynningaráætlun fyrir sveitarfélagið

Lögð fram hugmynd um kynningar- og markaðsefni fyrir Sveitarfélagið Hornafjörð. Maríanna benti á aðferðir annarra sveitarfélaga til að markaðssetja sig, t.d. í sjónvarpi, póstkortum og facebook.
Atvinnu- og menningarmálanefnd felur starfsmönnum að halda áfram vinnu í þessum anda.

6.      200710023 - Samningur um stuðning við markaðssetn. og vöruþróun á jaðartímum ferðaþjónustu í Sveitarfélaginu Hornafirði

Lagður fram samningur á milli Sveitarfélagsins Hornafjarðar og Ferðamálafélags Austur-Skaftafellssýslu um stuðning við ferðaþjónustu sem undirritaður var 4. október 2007 og rennur út 30. desember nk. Rætt um þróun í ferðaþjónustu og hugmyndir settar fram um hvernig sveitarfélagið geti áframt stutt við atvinnugreinina.
Valdimar sagði að mikilvægast væri að fjölga ferðamönnum á svæðinu og að tímabilið lengist. Sagði hann slíkt styrkja smáframleiðendur matvæla, fyrirtæki í margvíslegri þjónustu og ferðaþjónustuna.

7.      200705114 - Önnur mál

Engin framborin.

Fleira ekki gert.  Fundi slitið kl.   18.40