Fundargerð atvinnu- og menningarmálanefndar 3

3. fundur

Fundur í atvinnu- og menningarmálanefnd haldinn í ráðhúsi, þriðjudaginn 21. september 2010 og hófst hann kl. 17:15

Fundinn sátu:

Kristján Sigurður Guðnason, Maríanna Jónsdóttir, Hjalti Þór Vignisson (HÞV), Björg Erlingsdóttir, Björn Sigfinnsson, Guðrún Ingimundardóttir, Hólmfríður Br Þrúðmarsdóttir, Valdimar Ingólfsson,  

Fundargerð ritaði:  Hjalti Þór Vignisson, bæjarstjóri

Dagskrá:

1.      201009042 - Stofnskrá Byggðasafns Austur-Skaftafellssýslu

Björg gerði grein fyrir beiðni Safnaráðs um að núgildandi stofnskrá yrði tekin til endurskoðunar. Björg gerði grein fyrir helstu breytingum. Atvinnu- og menningarmálanefnd samþykkti framlagða tillögu um breytingu á stofnskrá og vísar henni til bæjarráðs.

Samþykkt að dreifa til nefndarinar helstu lögum og reglum um menningarmál, stofnskrár og öðrum samþykktum sem varða starfsemi Menningarmiðstöðvar.

2.      201009043 - Útgáfa Skaftfellings - fyrirkomulag

Sigurður Hannesson mætti á fundinn undir þessum lið og gerði grein fyrir útgáfu Skaftfellings. Sagði hann sína skoðun á að ritnefnd ætti ekki endilega að skipa fulltrúum stjórnmálaflokka heldur fyrst og fremst áhugasömum einstaklingum um útgáfuna.

Starfsmönnum falið að gera tillögu um skipun stjórnar og stefnu um útgáfu Skaftfellings og leggja fyrir næsta fund.

3.      201009044 - Listvinasjóður - skipun í stjórn

Björg fór yfir starfsemi og skipulagsskrá Listvinasjóðs. Gerði jafnframt grein fyrir viðburðum sem sjóðurinn styrkti í fyrra. Menningarmálanefnd samþykkir að Kristján Guðnason, Gunnhildur Imsland og Maríanna Jónsdóttir skipi stjórn Listvinasjóðs.

4.      201009045 - Evrópa unga fólksins

Björg gerði grein fyrir samstarfi við skólana, félagsmiðstöðina og hóp ungs fólks sem er á atvinnumarkaði um málefni ungs fólks. Verkefnið hefur fengið styrk frá UMFí í verkefnið. Markmið þess er að efla lýðræðisvitund ungs fólks og auka þátttöku þeirra í málefnum samfélagsins. Leitað hefur verið eftir fólki með reynslu og þekkingu á þessu sviði, t.d. frá Hinu húsinu.

Í umræðu kom fram ánægja með verkefnið og óskað var eftir gögnum um það í tölvupósti. Mikil umræða skapaðist um hvernig best sé að nálgast aldurshópinn og fá hann til þátttöku. Atvinnu- og menningarmálanefnd telur mikilvægt að verkefnið verði mótað með sem flestum hópum og það komi reglulega til umræðu á fundum nefndarinnar.

5.      201003026 - Varðar rafræna skjalvörslu og eftirlit héraðsskjalasafna í héraði

Starfsfólk Þjóðskjalasafnsins mætti á fundinn undir þessum lið og kynnti innleiðingu á rafrænni skjalavörslu sveitarfélaga.

6.      200705114 - Önnur mál

Engin.

Fleira ekki gert.  Fundi slitið kl.   18.50