Atvinnu- og menningarmálanefnd
Fundargerð menningar- og tómstundanefndar 11
11. fundur
Fundur haldinn í menningar- og tómstundanefnd þriðjudaginn 19. apríl 2009, í Nýheimum.
Mættir: Guðrún Ingimundardóttir, Helga Vilborg Sigjónsdóttir, Gauti Árnason, Elín Magnúsdóttir og Matthildur Ásmundardóttir.
Einnig: Björg Erlingsdóttir.
- Fundargerð síðasta fundar
Staðsetning og dagsetning röng í fundargerð síðasta fundar. Fundurinn var 15. apríl í Miðgarði.
- Fjármál, niðurstaða 2008
Menningar- og tómstundanefnd Hornafjarðar lýsir yfir áhyggjum á neikvæðri fjárhagsstöðu Menningarmiðstöðvar Hornafjarðar 2008. Nefndin felur formanni og forstöðumanni Menningarmiðstöðvar að kynna stöðuna fyrir bæjarráði og bæjarstjóra og leita með þeim leiða til úrbóta.
- Staða fjármála
Engar athugasemdir gerðar.
- Sagt frá aðalfundi Menningarráðs Austurlands
Guðrún segir frá aðalfundi Menningarráðs Austurlands. Samningur sveitarfélaganna verður látinn renna út og nýr samningur gerður eftir næsta vetur við sveitarfélög á Suðurlandi..
- Önnur mál
Gauti leggur fram bókun: Menningar- og tómstundanefnd fagnar þeim áhuga sem einstaklingar og fyrirtæki sýna á viðhaldi og varðveislu gamalla húsa á Höfn. Sú uppbygging og þróun í atvinnumálum sem fylgt hefur er fagnaðarefni og ber að hlúa að þeirri fjölbreyttu starfsemi sem er að skjóta rótum í kringum hafnarsvæðið.
Fundi slitið kl. 17:39
