Atvinnu- og menningarmálanefnd
Fundargerð menningar- og tómstundanefndar 9
9. fundur
Fundur haldinn í menningar- og tómstundanefnd miðvikudaginn 25. mars 2009, í Nýheimum.
Mættir: Guðrún Ingimundardóttir, Miralem Hazeta, Helga Vilborg Sigjónsdóttir, og Gauti Árnason.
Einnig: Björg Erlingsdóttir.
- Fundargerð síðasta fundar
Engar athugasemdir gerðar.
- Dagskrá Menningarmiðstöðvar um páska
Gengið verður út að Hafnartanga á páskadag. Jöklasýning opin alla páskahelgina og safnað verður frásögnum og ljósmyndum frá stríðsárunum.
- Gjaldskrá Bókasafns
Gjaldskrá samþykkt.
- Félagsmiðstöðin Miðgarður, opnunarhátíð
Nýtt nafn félagsmiðstöðvar kynnt. Félagsmiðstöðin verður opnuð á föstudag 27. mars. Ákveðið að hafa næsta fund í menningar- og tómstundanefnd 22. apríl (síðasta vetrardag) og að ungmennaráð fundi með nefndinni. Stungið uppá að fundurinn verði haldinn á Hafnarbraut 30.
- Afhending verka úr dánarbúi Ástu Eiríksdóttur
Sagt frá afhendingu verka Svavars Guðnasonar. Björg beðin um að taka til þau bréf sem gengið hafa á milli skiptastjóra og forsvarsmanna sveitarfélagsins. Mennningar- og tómstundanefnd fagnar þeirri höfðinglegu gjöf sem borist hefur frá dánarbúi Ástu Eiríksdóttur. Þau verk og munir sem í gjöfinni eru verða mikilvægur þáttur í uppbyggingu Listasafns Svavars Guðnasonar. Bókin um Svavar Guðnason á að koma út í haust og vinna við bókina langt komin.
- Önnur mál
Erindi frá bæjarráði, Menningarlandið 2009, ráðstefna á vegum menntamálaráðuneytis, iðnaðarráðuneytis og Sambands íslenskra sveitarfélaga. Ráðstefnan og dagskráin kynnt. Menningar- og tómstundanefnd leggur áherslu á að fulltrúar sveitarfélagsins sæki ráðstefnuna.
Gauti spyr um gang mála varðandi samvinnu í menningarmálum. Guðrún gerir grein fyrir heimsókn Signýjar Ormarsdóttur og viðræðum hennar við fulltrúa sveitarfélagsins. Gauti fer frammá að fulltrúi menningarráðs Suðurlands hitti alla nefndarmenn menningar- og tómstundanefndar þegar hann kemur á svæðið.
Gauti spyr um styttur sveitarfélagsins og hvort unnin hafi verið verkáætlun. Verkáætlun hefur ekki verið unnin. Styttan að Skálafelli var lagfærð í haust og fyrirhugaðar enn ferkari viðgerðir. Skipta þarf um stöpul undir styttunum í hótelgarðinum en ekki verið tekið frá fjármagn fyrir nýjum stöpli.
Guðrún bendir á Álaugarey og að þar þyrfti að taka til og setja upp fræðsluskilti.
Menningar- og tómstundanefnd lýsir yfir ánægju með góða þátttöku fyrirtækja og íbúa í sveitarfélaginu í spurningakeppni fyrirtækjanna sem Menningarmiðstöðin og Lionsklúbbur Hornafjarðar standa fyrir nú í vetur.
Björg Erlingsdóttir
Fundi slitið kl. 17:30
